Yohanis 14:10 - Suri Latin

¹⁰ Ngangaye hunde anye ko Baba nanu kanno dhɔnɛye, inye ngayɛbhiyo? Yɔk ngalɔkta koyokkogung :anyoye ga sabbaa nanu ngayo. Agga messo :Babaa nanu. Nɔng chɔɔ a nganda mɛa kɛllo ko anye kari, na ngani me lɔga gɛnyɛye.

Yohanis 14:10 ပူးပေါင်းရင်းမြစ်များ

Yohanis 10:30

Anye ko Baba nanu Tumu kanno dhɔnɛ.”

Yohanis 10:38

Na nɔng hunde kemessa lɔga messo :nɛaye, ko hunde anye ngayɛbhbhanyu, yɛbhɛ ngalɔkta bu barar kemesiye na aynde ale ungusɛɛno na gayɛo bhɛa anye ko Babaa nanu kanɛo dhɔnɛye.”

Yohanis 11:26

Na ko nɔng hirre i basseyɔ na yɛbhbhany anyeye ale dhul ko kingi ngani ngarɛsso. Na inye ngalɔkta yɛbhiyɔ oo ngayɛbhiyo?”

Yohanis 12:49

Anye huna bere koyogɛsɛni zugo lɔgɔ, ga sabbaa nanu ngani kòyogɛsɛo. Bere koyogɛsɛni ga ajjanyi :Babaa nanu ekkononyi sɔng. Na ngalɔktonu hunde a lɔk giyong na kèe kòyogɛsɛ ɛnɛngge bere madhdhaganyi :nɛa na ajjanyiyɔ.

Yohanis 14:11

Na mɛa hunde kesennagung, ‘Anye ko Baba nanu kɛllo kari na kanno dhɔnɛye,’ yɛbhtanyu hung! Na chɔɔ ko hunde ngalɔkta koyokkogungge ngayɛbhbho, yɛbhɛ ke ngaya bɔɔ kemesɛ ngalɔkta bu bararte.

Yohanis 14:20

Na ngakaldonu hunde ale kòrnɛ sɛgɛnde, ale gaoyɔ hunde dhaa anye ko Baba nanu kanno dhɔnɛ, na kɛ̀l ko anye kari na kan dhɔnɛye.

Yohanis 14:24

Nɔng hirre hini ngaibhbhaganyoye, lɔga ganyu ngabhɛkko. Yɔk ngalɔkta mɛa shikkoye, a ga Babaa nanu bere ekkononyi. Ga sabbaa nanu ngayo.

Yohanis 17:8

Nɔng anye annaa bere kaynɛu yɔk lɔga bere ajjanyi :inyo na ko yɔk tɛhɛnda na takta bhɛa bere kugunɛi bhɛa nunu dhere na chɔɔ yɛbhta bhɛa bere ekkonɛanyi :inyo.

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 5:17

Na nɔng Yesus sɛɛsɛ, “Baba nanu nɔng mesinɛ tii tii chɔɔ mɛa toye. Na ko anye kemesinɛndɔ.”

Yohanis 5:19

Na Yesus yagɛsɛ na sɛɛsɛ, “A challi, ga shigitɔ! Lɔkte me :Eriya Tumu bhichang ninggɛ. Nɔng me lɔga orrono bhɛa Chɔgɔnɛ sɔng. Yɔk lɔkte me :Chɔgɔnɛye ko nɔng messɔ.

Yohanis 7:16

Na dhugunɛsɛ :Yesusi na sɛɛsɛ, “Anye ngalɔkta kamadhdhagungge ga sabbaa nanu ngayo. Agga ajjanyi :Tumu, hira bere ekkononyi.

Yohanis 8:28

Na koo sɛɛsɛ :Yesusi, “Igge hunde ale ibhbhano Hiri Hoynɛ na ilakkoye, ngakaldonu ale ungusɛɛno hunde dhaa kani hira bere kudhugunnogungu rɛa nanu hunde kani nɛng, ko hunde chɔɔ ngalɔkta koyokkogungge agga bere madhdhaganyi :Babaa nanu dibte. Yɔk lɔkte kɛsɛdhdhan na kemesi sabbaa nanu ninggɛ.

Yohanis 8:38

Yɔk ngalɔkta koyokkogungge agga bere korroni huna kɛllo ko Baba nanu. Na ko igge messo lɔga bere shikkano bhɛa babaa nu.”

Yohanis 8:40

Na nɔng igge anno ngagiya hinnogonyu rɛsɛ na senno indonyu hira koyokkogungu lɔga ku dhere bere kishikkani bhɛa Tumuye! Nɔng Awuraham annaa bere nganga ngani kemessao.

Zuga Kèkko 10:38

Na bɛrgua churɛa zugo ma, Tumu annaa bere uhudhdho Yesusa Nazireti Kuloya nɛnɛ na ajjɛa barartin. Na hande kɔɛye kumulɔng ɛlla ko nɔng na messo lɔga challa. Na chɔɔ ibbayseo zuga chibbo ꞉Moldoyɔ kumulɔng.

1 Yohanis 5:7

Nɔng bhɛa kàggayɛa lɔga Yesusi bhɛa anɛa dhere, a gaminya sizzi,