Yohanis 14:1 - Suri Latin

¹ Na Yesus koo sɛɛsɛ zuga kɔbhbhɛa nɔng, “Ngaajjɛo hinisi ke gɛrsi na shurnɛno, yɛbhɛ Tumu na ko anye yɛbhtanyuyɔ!

Yohanis 14:1 ပူးပေါင်းရင်းမြစ်များ

Yohanis 11:33

Na Yesus hunaa orro Ngamariyam ko zuga Ayhudhi dhɛanɛa kari hunde ruɛye, towonydɛsɛ na ko nɔng munyu goore.

Yohanis 12:27

“Anye mɛa kɔlɔmi lɔgɔ hinisɔ na kushurnɛn goore, na mɛa dha ale keseni ɛnɛng? Maya keseni, ‘Babaye, ibbayseony ngalɔkta ale kɔchɔllanɛnɛye’ ka? Ay, anye bhee kesenɛ nganga ninggɛ. Bere kuguni na kɔ̀chɔllayɛi ngalɔkta kɔchɔllanɛnɛ mɛa toyeye rɛ.

Yohanis 12:44

Na koo Yesus yogo lɔgɔ goore na seu, “Nɔng inde yɛbhbhany anyeye, ngangaye yɛbhu chɔɔ hira bere ekkononyi. Anye sɔng ngayɛbhbhanyo.

Yohanis 13:19

“Nɔng mɛa bhee koyokkogɛung ngalɔkta sabbɔ hunde ngani kurruknyɛsɛoye, a ngaya hunde ale urruknyɛsɛnɛye, keni yɛbhtɛanyu hunde kani nɔngge.

Yohanis 16:24

Nɔng ko mɛa toye lɔk gena sara ganyu ngani ogolotto. Na mɛa ogoloyɛ! Nɔng ale ajjung na dɛllo na hinisi hɔllung goore.

Yohanis 16:3

Nɔng bhee ale messɛungɛ ngangaye, a ngaya imaggɛanyɛ anye oo Baba nanuye.

Yohanis 16:6

Nɔng igge mɛa wa munyuyo goore na hinisiya gu teya kɔrrɔ ke ngaya koyokkogɛung ngalɔktaye.

Yohanis 5:23

na zugo kumulɔng kayɛ Eriya Nɛnɛ diram ngadamita ajjɛ chɔɔ Chɔgɔnɛye. Na nɔng inde Eriya Tumu diram ngaajjɛoye, ko nɔng Baba Tumu, hira bere ekkono Eriya Nɛnɛ, ngahirronu diram ngaajjɛo.

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

2 Tɛsɛlongke 2:2

hunde zug gena bansanɛ na sennagungɛ, “Komoru Yesus dha bɔɔ wagaye,” igge ngadɛɛsso. Na chɔɔ ko hunde kɛtɛytiy agge na keseagung se bare dhugunnogiy :Kuloya Tumu na kòyoktɛsɛo zugo, oo se shikkanɛ bhɛa nayo, oo se bɔɔ kɔgɔdhdhɛsɛno dadabɔye, igge ko hinisi ngadhaginɛno na jajageo.