Yohanis 12:42 - Suri Latin

⁴² Na chɔɔ ko hunde kete nganga, yɔk gulsachina Ayhudhi ga bo mɛra dha bere yɛbhbhɛ Yesus na zugo ngayogɛsɛnɛo ke ngaya ɛngɛrsɛ zuga kɔbhbhɛa damiya Bhɛrɛsiye. Yɔk se kako ale obhonisɛɛ doraa madhinɛnɛa zuga Ayhudhi lɔga Tumu na chukkɛyɔ.

Yohanis 12:42 ပူးပေါင်းရင်းမြစ်များ

Matiyos 10:32

Yɔk gee dhugunɛsɛnɛ zugo bhɛa anɛa zuga yɛbhbhanyɛa anyeye, ko anye ale kudhugunɛsɛn Baba nanu iho tumɔ bhɛa yɔk anɛa zuga ganyu.

Yohanis 11:45

Na zuga Ayhudhi dhaa honynyo na kilala Ngamariyam hunaa orrɛa ngalɔkta me :Yesusiye, ga bo mɛra yɛbhɛ nɔng.

Yohanis 12:11

ke ngaya dha bɔɔ zuga Ayhudhi ga bo mɛra orɛ nɔng bhɛa kìbbaniseonɛa rɛsɛyɔ na dhɔyɛ lɔga madhɛa :gɔldangɛa bibiyo na yɛbhɛ Yesuse.

Yohanis 16:2

Nɔng igge ale marrungɛ :zugu na obhoniseungɛ doriyoa madhinɛnɛa zuga Ayhudhi lɔga Tumu na chukkongɛyɔ. Na chɔɔ kolea ale nissɛungɛa :zugu na ɛsɛdhɛa huna zuga kachchɛa Tumu, ale andanayɔ.

Yohanis 19:38

Na hunaa tewa ngangaye, hira kènno Yoseb bere irrittinyana Armatiyagiye ko nɔng bere iho ngonu. Nɔng a hira kɔbhbha Yesus na yɛbhbha lɔga gɛnyɛ dari ke bhɛa ɛngɛrsɛa gulsachina Ayhudhi. Na koo ghinu Bhilatos na kaynɛ hiri na koytɔ. Na hunaa kìgomɛsɛnaye, ibha na ɔgɛ.

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 7:13

Na chɔɔ ko hunde kete nganga, hirre bere dhugunnono lɔga gɛnyɛ bhɛa sɛrɔ ɔdhdha bere ningginɛna dhul, ke ngaya ɛngɛrsɛ gulsachina Ayhudhiye.

Yohanis 7:31

Na bhɛa zuga ɛlla ngonu, ga bo mɛra yɛbhɛ nɔng na se, “Hunde Kirisos ale kunde, anda lɔga bo barara jorronɛa ngalɔkta me :ngahirraye, messɔ? Ngamesso.”

Yohanis 9:22

Yɔk chɔgɔnɛ ko jɔnɛ bhee bere senɛ ngangaye, a ngaya ɛngɛrsɛ gulsachina Ayhudhiye. Yɔk zuga Ayhudhi dha bere ojjonɛ lɔgɔ sabbɔ na sennɛ, “Hunde tɔlɔ hirre se, ‘Yesus a Kirisose,’ kùchugu na doraa madhinɛnɛa zuga Ayhudhi lɔga Tumu ngakuni.”

Yohanis 9:34

Na yɔk hunaa shikkɛa ngalɔktaye, seyɛsɛ, “Inye ihineya bere hudhukkinyanɛi, ani hira gɛrsa lɔmi ridhing! Na mɛa seni madhiy agge ɛnɛng?” Na chugu na obhonisi bhɔ.

Zuga Kèkko 5:41

Na zuga ekko ꞉Yesusi bhonda bhɛa kedhdhɛa ꞉zugu lɔgɔ ke ga bo hinisi hɔla ke ngaya Tumu ajjɛ yɔk bhɛa chɔllanɛnɛa sara Yesusiye.

1 Yohanis 4:15

Yɔk gee yɛbhbhɛ bhɛa Yesus anɛa Eriya Tumuye kumulɔng, a zuga ɛlla ko Tumu kari ke dhɔnɛ.

1 Yohanis 4:2

Nɔng gangguye maya maragɛo lɔgɔ na gayɛo bhɛa anɛa ga dhugunono :Kuloya Tumuye a ɛnɛnggeo, hunde shikto lɔkte yokkono :hiriyɔ kuloyɔ na sennɛ, “Yesus Kirisos huna bere kunno ba, bere hudhukkinyana ke hiriye,” ngangaye ngalɔktonu dhaa agga dhugunono :Kuloya Tumu dhere.