Yohanis 12:36 - Suri Latin

³⁶ Na igge hunde ngani ɛllo ko hɔldin kariye, yɛbhɛ na te erroa gɛnyɛ.” Na hunaa yogoa ngalɔkta na tewa ushaye, ogu na liya yɔk.

Yohanis 12:36 ပူးပေါင်းရင်းမြစ်များ

Matiyos 21:17

Na nɔng koo dhɔyu yɔk na bana ɔr toye na ogo Bitaniyagiye na tungu ngonu.

Matiyos 5:14

“Igge anno hɔldina zuga bany kumulɔng. Nɔng ɔrre i dhumɔ tundɔ, na ngakòrro ninggɛ.

Yohanis 1:7

Na kun ke hira senno kɔɔbhɛsɛ zugo kumulɔng lɔga ngahɔldindonu dha bɔɔ orrono :nɛa kawariyɔye na ko yɔk kɛyɛbhɛtɔ.

Yohanis 11:54

Na hunaa anna ngangaye, nɔng Yesus oriya zuga baa Yudha tok tok ngani ngawoyo. Na koo dhulu dari na dhi ko zuga kɔbhbhɛa nɔng na ago ɔra kèe Ebhiron iho korugiye jaa na tɛlda ngonu bhe chinyi.

Yohanis 12:37

Na chɔɔ zugo ko hunde kargi ngalɔkta bu barar me :Yesusiye kumulɔng, yɔk ngani ngayɛbhbhɛo chi.

Yohanis 12:46

Anye huna bere kuguni ba ngaya, bere kuguni kète hɔldin na kàlamma zuga yɛbhbhanyɛa anye kumulɔng, na mugurɔ ngadhɔynɛ.

Yohanis 3:21

Na nɔng inde me lɔga ku dhereye kun gɔra hɔldinuny ke ngaya lɔga gɛnyɛ kèe kudhugundiya tok na kàtaktɛ hunde dha bere ɛana :Tumuye.”

Yohanis 8:12

Na koo Yesus yogɛsɛ zugo lɔgɔ sɛgɛn na sɛɛsɛ, “Anye kani hɔldina zuga bhakkɛa ba kumulɔng. Na inde yɛbhbhany anye na kɔbhbhanyde, ale jɔana hɔldina lɔmma basseya iho dhul na mugurɔ dhɔkkɔy ngani ngayiriyo.”

Yohanis 8:59

Na hunaa senɛsɛna zugo ngangaye, yɔk hinisi te chichi na ibhta bɛna na kɔchɔttɔ. Na nɔng mesu milmil milmil na bhona doraa Tumu barara tu kɛngɔ na ogo.

1 Tɛsɛlongke 5:5

Igge kumulɔng anno erroa hɔldinuny. Zuga kɔrrɔynuny ngakanno.

1 Tɛsɛlongke 5:8

Nɔng agge kan zuga hɔldinuny. Na ga kɛ̀bhɛgɛ rɛhi na kɛ̀yɛbhɛ Yesus na kèteyele zugo. Na ngalɔkta kèmesɛ ngangaye, kɛɛnggiy rɛhi huna ahaa kìchibɛa banggurachin saginɛgiye. Na kìbhtɛsɛ lɔga ale ibbaysiyɛiy :Yesusi hinisi na aynde kɛngiyɛ sabbi huna kuguriya chibbɛa :zuguye.