Yohanis 11:55 - Suri Latin

⁵⁵ Na hunaa senno kete kolea ammɛa :zuga Ayhudhi Gibiriya nɛ Basikaye, zuga bo mɛra hoya oriya gɛ na ago Yerusalemɔ na kemesigi damiya kònyonɛa ridhing hunde Basika ngani kussigitoye.

Yohanis 11:55 ပူးပေါင်းရင်းမြစ်များ

Lɔgɔ Sabba 35:2

Na Yaykob sɛɛsɛ zuga gɛnyɛ ko zuga ɛlla kari, “Dhɔyɔ ngaahaya ibhbho ke barari bere honyɛo oriya bhorinyaa anaaye na ujjugutɔ. Na tonydo ridhingɛa na malugu ruminyaa challa gidhanggeyi ningginɛna.

Matiyos 26:1

Na Yesus hunaa madhɛsɛa zugo ngalɔkta kumulɔng na tewa ushaye, koo sɛɛsɛ zuga kɔbhbhɛa nɔng,

Matiyos 26:2

“Nɔng igge gao chi hunde ale kɛ̀l ungo ramman na ba a Gibiriya kèe Basikaye. Na ngakoleonu ko nɔng Hiri Hoynɛ ale kàjjɛ mirɔga na kilagatɔ.”

Markos 14:1

Na hunaa unga ammɛa :zugu Gibiriya kèe Basika ko na Lottayiny dhɔttɛa rammanɔye, yɔk gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse dha bere lamiɛ ganggua senno kibhtɛ Yesus dari na kindɛ.

Yohanis 12:1

Na unga Gibiriya Basika hunaa dhɔynɛna illɛyte, Yesus ogu na dagu Bitaniya, ɔra bhakka :hira bere ibbaniseono rɛsɛyɔ kèe Alazar.

Yohanis 13:1

Na huna bere unga Gibiriya Basika dhɔynɛna dhɔnɛɔ, nɔng Yesus bere ɛlla ko zuga kɔbhbhɛa nɔng kari. Na dha bere nɔng gayɔ hunde kolea senno kɔdhɔyɛ ngabaya na kɔgɛ bhɛa Babaa nɛnɛ i jaaye. Na a bhee bere ibhɛsɛn zuga gɛnyɛ kɔbhbhɛa nɔng bhakkɛa ba hini na yelɛ gooreye.

Yohanis 18:28

Na koo gulsachina Ayhudhi ibhta Yesus doraa Kayama na aytɛ doraa gulsaa bo allinɛnɛa baa Yudha. Nɔng bere ngakaldonu bho ngani anna bhelley. Na yɔk zuga Ayhudhi tamara bhɛa senno kutunnuktɛ tu kɛngɔa gulsaa bo allinɛnɛa baa Yudha ke ngaya marɛ bhɛa senno ngakidiktɛ rɛhi hunde Gibiriya Basika ngani kussigitoye.

Yohanis 2:13

Na hunaa kolea Gibiriya Ayhudhi kèe Basika tewa jaaye, nɔng Yesus dhɔngɛ na ogo Yerusalemɔ.

Yohanis 2:6

Yɔk zuga Ayhudhi a zuga lɔmmɛa damiya nɛ onyonɛa ridhing. Na maa onyonɛa ridhing ojjɛ junyaa kèghendono bɛnne. Na ngawololoonu bere lɔmma ngajunyaonu kèghendono bɛnneye gee ku illɛy ga anda hunde kɛ̀rɛsɛna maye, kɛ̀lɛhɛnnana lotoroy kɛngi 80 oo 120.

Yohanis 5:1

Na kali kona koo Yesus dhɔngɛ Yerusalemɔ ke ngaya zuga Ayhudhi bere lɔmmɛ gibiriye.

Yohanis 6:4

Nɔng ngakaldonu kolea senno kussɛ :zuga Ayhudhi Gibiriya nɛ Basika bere iho jaa.

Zuga Kèkko 21:24

Na dhi ko yɔk kari na mesigi damiya kònyonɛa ridhing. Na ahaye onynɛnɛnoye gadhi na yɛsay ꞉iggeu sabbi. Na hunde mesi ngangaye, zugo kumulɔng gainyɛ hunde ani hira bhɛgi Damiya Tumu bere kàjjɛa Muse na lɔga bɔɔ kàmagaginyi a butomoye.

Zuga Kèkko 21:26

Na bhorroyɔ Bhaulos dhiganu zugo na mesigi lɔga onyonɛa ridhing Damiya Tumu bere kàjjɛa Muse. Na koo ogu doraa Tumu barara na koyogɛsɛ gɔldang unga ale onyonɛa ridhingɛa gɛ na ɛlɛa hurr ko kolea uddulɛsɛnɛa Tumu go bhiy bhiy.

Zuga Kèkko 24:18

Na yɔk ngazukta hunaa honynyo doraa Tumu bararaye, artany tu kɛngɔ hunde kemesi damiya kònyonɛa ridhingge. Na anye zugo ngani kɔ̀ɔnkɔno na chɔɔ gee kɛllo kari na kobhoreo ba ninggɛ.

Yaykob 4:8

Na ago gɔra Tumu na ko nɔng aynde ale assanɛungge. Ngazukta messo lɔga gɛrsaye tonydo sɛnɔ! Na ngazukta dhaginɛno ko hinisiye, tonydo ridhinga lɔmmo hinisichinne na tɛldi hurr.