Yohanis 11:53 - Suri Latin

⁵³ Na ngakaldonu gɔldangɛa bibiyo ko zuga kɔbhbhɛa damiya Bhɛrɛsi shiktɛ na lami bhɛa senno kindɛ Yesus.

Yohanis 11:53 ပူးပေါင်းရင်းမြစ်များ

Lɔgɔ Sabba 37:18

Na yɔk dhartɛsɛ Yoseb ko rɛna hunde ngani kunde, na daga go na kɔtɔgɔdhɔtɔ.

Matiyos 12:14

Na yɔk zuga kɔbhbhɛa damiya Bhɛrɛsi bhono bhɔ na daga go na lami ganggua anda senno kindɛ Yesus.

Matiyos 16:21

Na Yesus tɔgɔdhay ngakaldonu na dhugunɛsɛ zuga kɔbhbhɛa nɔng lɔgɔ hunde dhaa nɔng ale maya kɔ Yerusalemɔ na chɔllayɛ :zuga Ayhudhi bibiyo ko gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse na ale kìni na unga ku sizzi bansana rɛsɛyɔye.

Matiyos 22:46

Na chɔɔ hirre yagɛsɛn nɔng lɔgɔ gee chichi garu dhul. Na kɔdhdhanɛ ngakaldonu na hirre gissono nɔng na ghin lɔgɔ sɛgɛn garu.

Matiyos 26:4

Na daktɛ Yesus go na kibhigi dari na kɔgɔdhɔtɔ.

Matiyos 26:59

Na yɔk gɔldangɛa bibiyo doraa Tumu barara ko zuga Ayhudhi bibiyo kedhdhɛa lɔgɔ kumulɔng bere lamiyɛa zuga ku butoga na kamaktɛsɛ Yesus butomo na kichildɛ na kinditɔ.

Markos 14:1

Na hunaa unga ammɛa :zugu Gibiriya kèe Basika ko na Lottayiny dhɔttɛa rammanɔye, yɔk gɔldangɛa bibiyo doraa Tumu barara ko zuga madhdhɛa zugo Damiya Tumu bere kàjjɛa Muse dha bere lamiɛ ganggua senno kibhtɛ Yesus dari na kindɛ.

Markos 3:6

Na yɔk zuga kɔbhbhɛa damiya Bhɛrɛsi koo bhono bhɔ ke tiri na ago na mɛzzi ko bara Herediosi na daktɛ Yesus go na lami ganggua anda senno kindɛ.

Yohanis 11:47

Na koo gɔldangɛa bibiyo doraa Tumu barara ko zuga kɔbhbhɛa damiya Bhɛrɛsi mukta gulsachina Ayhudhi kedhdhɛa lɔgɔ na daga go na se, “Ngahirra me lɔga bo bararaye, maya kème ɛnɛng?

Yohanis 12:10

Na gɔldangɛa bibiyo doraa Tumu barara koo ɛsɛdhɛ lɔga senno kindɛ Alazar damiya bere senno kindɛ Yesus,

Yohanis 7:1

Na hunaa Yesus mɛzziya ko zugo na tewa ushaye, nɔng tɔu baa Gelila ngonu sɔng na bhokkonnɔ ngani ngakɔyo. Na bhɛa senno kɔtɔyɛ baa Yudha ngani ngahinno ke ngaya hinɛsɛnɛ :gulsachina Ayhudhi rɛsɛye.

Zuga Kèkko 5:33

Na zuga kedhdhɛa lɔgɔ hunaa shikkɛa ngalɔktaye, dɛbɛ goore na kɔtɔgɔdhɔtɔ.

Zuga Kèkko 9:23

Na hunaa ungo tewa mɛriye, zuga Ayhudhi daga go na kɔgɔdhɔ Saol.