Yohanis 11:40 - Suri Latin

⁴⁰ Na sɛɛsɛ :Yesusi, “Hunaa kesennaginyi, ‘Hunde yɛbhiye, ale ori dirama Tumu.’”

Yohanis 11:40 ပူးပေါင်းရင်းမြစ်များ

Matiyos 17:20

Na nɔng yagɛsɛ na sɛɛsɛ, “A ngaya Tumu goore ngayɛbhɛoyoye. Na nɔng mɛa ga shigitɔ! Hunde tɔlɔmɔ yɛbha bhɛa chinynyo godhe hɛtta ko katilay kawari, na seyɛsɛ ngakutulda, ‘Bɔchiyaa ngaya na ok ngonu,’ kɔyɔ. Na chɔɔ anda lɔkte dhandal bhɛa nu na ngaɔninyao, ninggɛ dhul.

Markos 9:23

Na sɛɛsɛ :Yesusi, “‘Hunde kako ɔande’ seni kɛ ɔng? Nɔng hirre yɛbhbhany anyeye lɔkte dhandal bhɛa nɛnɛye kumulɔng ɔana :Tumu.”

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 11:4

Na Yesus hunaa shikko ngalɔktaye, seu, “Nɔng mɛa ngahirra ilaga hung na ngarɛsso ke ngaya Tumu se kɔdhɔlay dirama nɛnɛ na ko nɔng Eriya nɛnɛ kɔdhɔnggɛ :zugu na kɔtɔlɔmɛ dirambe.”

Yohanis 12:41

Nɔng Isayas ngaya senɛ ngangaye dha bere a ngaya orɛ dirama Yesusi na yokkonɛ chɔɔ lɔga gɛnyɛye.

Yohanis 9:3

Na nɔng yagɛsɛ na sɛɛsɛ, “Ngahirra bhee kawarɛ anɛ chagiye a ngaya Tumu se kɔdhɔlay lɔga messo :nɛa bhɛa nɛnɛ na kargi :zuguye. Ke bhɛa bere messɛa :nɛa oo :zuga gɛnyɛ lɔga gɛrsa ngayo.