Yohanis 10:30 - Suri Latin

³⁰ Anye ko Baba nanu Tumu kanno dhɔnɛ.”

Yohanis 10:30 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Yohanis 10:29

Nɔng Baba nanu bere ajjanyi yɔk anna jorrono zugo kumulɔng. Na inde mayichchono bhɛa ɛlɛa siya nɛnɛ ninggɛ dhul.

Yohanis 14:23

Na yagɛsɛ :Yesusi na sɛɛsɛ, “Nɔng hirre ibhbhagany hini dhereye, a inde bhɛk lɔga ganyuye. Na ko nɔng Baba nanu ale ibhɛsɛn nɔng hini. Na anye ko Baba nanu ale kasano nɔng na kabhakko kari.

Yohanis 14:9

Na Yesus yagɛsɛ na sɛɛsɛ, “Yee! Bhilibhos, kèe bere kɛllana ko igge kari kingi na ko mɛa toye imagganydɔ? Nɔng inde orrony anyeye, ngangaye aru :Baba nanu. Na mɛa inye sennagany, ‘Ga dhɔlagiy Baba nunu’ ɛnɛng?

Yohanis 16:15

Yɔk lɔga Babaa nanu kumulɔng ko yɔk agga ganyu. Na aynde kesennagɛung ‘Ale Kuloya Tumu shikkana lɔga ganyu na yokkogung iggeye.’

Yohanis 17:10

Yɔk zuga kɔlɔmi :anyo kumulɔng ko yɔk agga gunyu. Na ko yɔk ga lɔmi :inyo kumulɔng agga ganyu. Na chɔɔ lɔga messɛa :yɔkku dhugunɛsɛnɛ zugo dirama nanu.

Yohanis 5:17

Na nɔng Yesus sɛɛsɛ, “Baba nanu nɔng mesinɛ tii tii chɔɔ mɛa toye. Na ko anye kemesinɛndɔ.”

Yohanis 5:23

na zugo kumulɔng kayɛ Eriya Nɛnɛ diram ngadamita ajjɛ chɔɔ Chɔgɔnɛye. Na nɔng inde Eriya Tumu diram ngaajjɛoye, ko nɔng Baba Tumu, hira bere ekkono Eriya Nɛnɛ, ngahirronu diram ngaajjɛo.

Yohanis 8:58

Na nɔng sɛɛsɛ, “A challi, ga shigitɔ! Chɔɔ huna bere Awuraham ngani kirrittiyaayo, anye bere kihi chi.”

1 Timotiyos 3:16

Yɔk lɔga bere dhugunnogiy :Tumu ajjiyɛa bhɛa kɔ̀ɔbhɛa lɔga gɛnyɛ dhere, agga kìwacheo goore dhogoy na chɔɔ ko hinisi ngakàraginɛnɛayo. Na ngalɔktonu a ɛnɛnggeo, Nɔng bere dhɔlagiyɔ rɛ ke hiri, na dhugunoa :Kuloya Tumu, bhɛa anɛa Eriya Tumu dhere, na arta :zuga ekko :Tumu, na lɔga gɛnyɛ kàmadhtɛsɛa bhorinya kumulɔng, na zuga bhakkɛa ba yɛbhta nɔng, na kàytɛa tumɔ na bo lɔmma diram.

Tito 2:13

Na ko bhee ale wokkonɛ :Komoruya na bo tuhinɛna lɔmma diram bere ibbayseiy kènno Yesus Kirisos, agge maya kɛ̀l kɔk na kère nɔng.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

1 Yohanis 5:7

Nɔng bhɛa kàggayɛa lɔga Yesusi bhɛa anɛa dhere, a gaminya sizzi,