Yohanis 10:25 - Suri Latin

²⁵ Na yagɛsɛ :Yesusi na sɛɛsɛ, “Anye annaa bɔɔ koyogogungɔ na ngayɛbhbhoo. Yɔk ngalɔkta bu dhandal kemesi sara Babaa nanuye, dhɔllanɛ lɔga ganyu

Yohanis 10:25 ပူးပေါင်းရင်းမြစ်များ

Yohanis 10:32

Na nɔng Yesus dhugunɛsɛ lɔgɔ dib na sɛɛsɛ, “Anye annaa bere kɔdhɔlagungɔ lɔga bo mɛra dhandala ajjanyi :Babaa nanu Tumu. Na mɛa bhɛa ngalɔkta, gee gɛrɛ senno chɔyɛanyu :iggeu bɛnneye, a giyong?”

Yohanis 10:37

Na mɛa hunde lɔga messo :Babaa nanu anye ngakemesiyoye, ngayɛbhbhanyu.

Yohanis 10:38

Na nɔng hunde kemessa lɔga messo :nɛaye, ko hunde anye ngayɛbhbhanyu, yɛbhɛ ngalɔkta bu barar kemesiye na aynde ale ungusɛɛno na gayɛo bhɛa anye ko Babaa nanu kanɛo dhɔnɛye.”

Yohanis 11:47

Na koo gɔldangɛa bibiyo doraa Tumu barara ko zuga kɔbhbhɛa damiya Bhɛrɛsi mukta gulsachina Ayhudhi kedhdhɛa lɔgɔ na daga go na se, “Ngahirra me lɔga bo bararaye, maya kème ɛnɛng?

Yohanis 12:37

Na chɔɔ zugo ko hunde kargi ngalɔkta bu barar me :Yesusiye kumulɔng, yɔk ngani ngayɛbhbhɛo chi.

Yohanis 14:11

Na mɛa hunde kesennagung, ‘Anye ko Baba nanu kɛllo kari na kanno dhɔnɛye,’ yɛbhtanyu hung! Na chɔɔ ko hunde ngalɔkta koyokkogungge ngayɛbhbho, yɛbhɛ ke ngaya bɔɔ kemesɛ ngalɔkta bu bararte.

Yohanis 20:30

Nɔng Yesus huna bere ɛlla ko zuga kɔbhbhɛa nɔng, bere messo lɔga bo mɛra barara gena. Na yɔk ngalɔktonu ngadadabta toye ngani kɔ̀tɔgɔndɛsɛo.

Yohanis 3:2

Na barɔ ogu na assa Yesus na sɛɛsɛ, “Hira Madhdhiy, hunde ani hira ekkoninyi :Tumu na madhdhagiy lɔgɔye, kaggaoyɔ ke ngaya mesɛ ngalɔkta bu bararte. Inde ajjiny bhɛa mesɛi ngalɔktaye a Tumu sɔng. Kona ngayo.”

Yohanis 7:31

Na bhɛa zuga ɛlla ngonu, ga bo mɛra yɛbhɛ nɔng na se, “Hunde Kirisos ale kunde, anda lɔga bo barara jorronɛa ngalɔkta me :ngahirraye, messɔ? Ngamesso.”

Yohanis 8:12

Na koo Yesus yogɛsɛ zugo lɔgɔ sɛgɛn na sɛɛsɛ, “Anye kani hɔldina zuga bhakkɛa ba kumulɔng. Na inde yɛbhbhany anye na kɔbhbhanyde, ale jɔana hɔldina lɔmma basseya iho dhul na mugurɔ dhɔkkɔy ngani ngayiriyo.”

Yohanis 8:24

Anye annaa kennagungu, ‘Igge ale rɛsɛo lɔga gu gɛrsa.’ Na mɛa hunde marro lɔgaa koyokkogungu hunde kani nɛng na ngayɛbhbhooye, ale rɛsɛo lɔga gu gɛrsa dhere.”

Yohanis 8:56

Nɔng kokonga nu Awuraham annaa bere dɛlla bhɛa senno karɛ kala ale kugunɛi :anyo na ibhɛsɛna hini. Na koo arra na hini tewa hɔli.”

Yohanis 8:58

Na nɔng sɛɛsɛ, “A challi, ga shigitɔ! Chɔɔ huna bere Awuraham ngani kirrittiyaayo, anye bere kihi chi.”

Zuga Kèkko 10:38

Na bɛrgua churɛa zugo ma, Tumu annaa bere uhudhdho Yesusa Nazireti Kuloya nɛnɛ na ajjɛa barartin. Na hande kɔɛye kumulɔng ɛlla ko nɔng na messo lɔga challa. Na chɔɔ ibbayseo zuga chibbo ꞉Moldoyɔ kumulɔng.

Zuga Kèkko 2:22

“Na mɛa zuga Isirayeliye, ga chirara ngalɔkta! Tumu anna bɔɔ ekkono Yesusa Nazireti na ajjɛa lɔgɔ na keme lɔga bo dhandala barara bhɛa nu na iwachi na taga hunde a hira ekkono ꞉Tumuye. Yɔk ngalɔkta kumulɔng hunde a dhereye, igge gaoyɔ.