Yohanis 10:18 - Suri Latin

¹⁸ Na chɔɔ hirre maggagany rɛsɛ na nissonyi ninggɛ. Na ko hunde kère, kɛrɛsi ke ngaya kihinnonɛ :ɛnaye. Nɔng anye kɔlɔmi buyna kɛrɛsɛi ko na kabansanɛi kari ke ngaya anɛ lɔga bere ajjanyi :Babaa nanuye.”

Yohanis 10:18 ပူးပေါင်းရင်းမြစ်များ

Yohanis 10:11

“Kadhinyogiya kiwonɛni shɛɛ kani :anyo. Nɔng hira ku kadhinyogiya iwonɛna shɛɛ bhɛk mɛdɛrniya gɛnyɛ na chɔɔ rɛsɛ yɔk.

Yohanis 10:15

damiya kagganɛnɛo ko Baba nanu Tumu. Na kɛbhɛgi shɛɛ na chɔɔ kɛrɛsɛ yɔk.

Yohanis 10:17

Nɔng anye bhee ibhbhagɛany :Babaa nanu Tumu hini gooreye, a ngaya kibhbhanɛ rɛa nanu ɛna na kèrɛ na kabanay sɛgɛnde.

Yohanis 14:31

Nɔng anye kemesi lɔga bere ajjanyi :Babaa nanu na kurrugɛsɛn dib ke ngaya keni zuga bhakkɛa ba kumulɔng kataktɛ bhɛa kibhɛsɛni Baba Nanu hini dhereye. “Mɛa banda kago!”

Yohanis 15:10

Nɔng hunde mesigi lɔga kajjungu :anyo, anda kɛ̀l kari na kibhbhagung hini ngadamita bere ko anye kemesɛ lɔga ajjanyi :Babaa Nanu na ko mɛa toye ngani ibhbhagɛany hiniye.

Yohanis 19:11

Na nɔng Yesus yagɛsɛ na sɛɛsɛ, “Hunde Tumu buyna kènno alliyɛany anye ngaajjinyi, anda mɛa inye ngaallinɛnɛanyo. Na nɔng inde bɔɔ ibhbhanany anye na ajjinɛnɛany bhɛa nunuye, nɔng aynde jorroniny inye na me lɔga bo gɛrsa dhandalaye.”

Yohanis 5:26

Nɔng Baba Tumu, a ɛnaa basseyny. Na chɔɔ annaa bere ibhaa Eriya Nɛnɛ na ojja na tewa hira ku ɛnaa basseyny hunde nɛnde.

Yohanis 5:30

Yɔk lɔkte kemesi :anyo bhichang ninggɛ. Anye kegedhdhi lɔga kishikkani sɔng na yɔk ɛl dib ke ngaya kemesɛ lɔga hinno :hira bere ekkononyi sɔng na ga kihinnoni :anyo ngakemesɛoye.

Yohanis 6:38

ke ngaya bere kugunɛ tumɔ na kùrrugɛsɛ lɔga ekkonɛanyi :Tumuye. Bhee bere kugunɛ na kèmesɛ lɔga sabbaa nanu, ngayo.

Zuga Kèkko 2:24

Na Tumu nɔng mɔgu ɔnneya rɛsɛuny na ibbaniseo Yesus rɛsɛyɔ. Na rɛsɛ bhɛa senno kɔmɔgɛ Yesus ngani ngaɔanao dhul.

Zuga Kèkko 2:32

Na Tumu nɔng bɔɔ ibbanisiyoa Yesus rɛsɛyɔ. Na agge kumulɔng kanno zuga bɔɔ korrono ngalɔkta kawarre.

Zuga Kèkko 3:15

Na ibhtao hira ajjiy bassey na indo. Na Tumu nɔng dhɔnga rɛsɛyɔ. Nɔng agge kanno zuga bɔɔ korrono ngalɔkta kawarre.

Tito 2:14

Nɔng anna bere rɛsɛiy agge na kibbayseiy lɔga gɛrsa kumulɔng na kète zuga gɛnyɛ ridhing ningginɛna na hinisiya ga kɔshɔya na kèmesigi lɔga challa hinno :nɛa.