Yohanis 10:16 - Suri Latin

¹⁶ Yɔk mɛdɛrniya ganyu ngatenyda ningginɛna, bhokkonnɔ ɛllɛ. Na maya kɔgɔ na kɔtɔkkandɔ. Na ko yɔk ale gaɛ tuga nanu na idhoynɛ ke dhɔnɛ na iwo :hira dhɔnɛna.

Yohanis 10:16 ပူးပေါင်းရင်းမြစ်များ

Lɔgɔ Sabba 49:10

Na nɔng lalanga komorumo bhɛa nunu ngagaraso, na ale sɛrɛɛ chɔɔ :ashaa gunyu ko bhee ale kunɛ :Komoruya ku ɛna allinɛnɛa bhorinya kumulɔng.

Matiyos 17:5

Na nɔng hunde chinyi ngani yokkono lɔgɔye, idhoa bo hɔla ko na chɛbu yɔk. Na idhogiye toye shigi lɔkte sennɛ, “Erite nan ajjany hini hɔldin kibhɛsɛn hiniye, a nganda. Shigi nɔng!”

Yohanis 10:11

“Kadhinyogiya kiwonɛni shɛɛ kani :anyo. Nɔng hira ku kadhinyogiya iwonɛna shɛɛ bhɛk mɛdɛrniya gɛnyɛ na chɔɔ rɛsɛ yɔk.

Yohanis 10:2

Na nɔng inde dhoono warande a ɛnaa iwoo mɛdɛrni.

Yohanis 10:27

Yɔk mɛdɛrniya ganyu kaggayɔ. Na ko yɔk gaɛ tuga nanu na kɔbhbhanyɛyɔ.

Yohanis 10:3

Na hira ungusɛa mɛdɛrni osɛn ɛnaa mɛdɛrniuny waran. Na ɛna ubhbhurisi sara gɛ bhiy bhiy na yɔk gaɛ tuga nɛnɛ na itton bhɔ.

Yohanis 10:4

Na hunde ittonu bhɔ na te ushaye, nɔng jim sabbɔ na yɔk kɔbhinɛ wurtɔ ke ngaya gaɛ tuga nɛnɛye.

Yohanis 10:5

Na chɔɔ hunde kishigi tukte hirre ana, jorrɛ chuk ke ngaya imagɛ tugɔye. Na ngakɔbhbhɛo dhul.”

Yohanis 11:52

Na chɔɔ ale zuga Ayhudhi sɔng ngarɛssɛayo. Na ale rɛssɛa chɔɔ erroa Tumu bere bhasanyɛsɛnɛa ba na kumuga na koy ke dhɔnɛ.

Yohanis 17:20

“Nɔng anye lɔga ngazukta kɔbhbhanyɛ mɛaye sɔng ngakogollinyo. Kogolliny na ɛa chɔɔ gee ale shikkɛ lɔga yogɛsɛnɛa :zuga ganyu na yɛbhbhanyɛye.

Yohanis 6:37

Na yɔk zuga ajjanyi :Babaa nanu kumulɔng ale hony gɔra nanu. Na gee honyde ngakahangiyo

Zuga Kèkko 15:14

Lɔgɔ annaa kɔbhagiyɔ ꞉Simoni hunde Tumu dha bɔɔ sabbɔ guny bhorinyaa anaa na se kɛbɛra zug gena na kete ga gɛnyɛ yɛbhbhɛa nɔngge.

Zuga Kèkko 18:10

Anye kɛ̀l kari ko inye. Na hirre mesiny hun kona ninggɛ ke ngaya ngaɔrra toye zuga ganyu anɛ mɛriye.”

Zuga Kèkko 22:14

“Na seagany, ‘Inye wa bɛrayinyɔ ꞉Komoruya kokonginyaa ga na tak lɔga sennana ꞉nɛa na ar Hira Ridhing Ningginɛna na shik lɔga yokkono ꞉tuga nɛnɛ.

2 Tɛsɛlongke 2:13

Ngagochonginyaa yellung :Komoruyɔye, agge maya keterrisanno Tumu tii tii ke ngaya bere bɛrranɛung :nɛa sabbɔ na ibbaysiyɛung Kuloya nɛnɛ bere onyonɛungu ridhing ko ngaya yɛbhɛo lɔga Yesusi ku dhereye.