Yohanis 1:34 - Suri Latin

³⁴ Na mɛa nɔng hunde dhaa a Eriya Tumuye wa karra tok na kɔɔbhagungngɔ dib.”

Yohanis 1:34 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Matiyos 16:16

Na yagɛsɛ :Simon Betirosi na sɛɛsɛ, “Inye ani Kirisos, Eriya Tumu, Komoruya iho basseyɔ.”

Matiyos 17:5

Na nɔng hunde chinyi ngani yokkono lɔgɔye, idhoa bo hɔla ko na chɛbu yɔk. Na idhogiye toye shigi lɔkte sennɛ, “Erite nan ajjany hini hɔldin kibhɛsɛn hiniye, a nganda. Shigi nɔng!”

Matiyos 26:63

Na nɔng Yesus dhiyɛ rib. Na gɔldanga bo doraa Tumu barara sɛɛsɛ nɔng, “Ga tɛngɛr Tumu, Komoruya iho basseyɔ, na dhugunogiy dib hunde ani Eriya Tumu ku Kirisose.”

Matiyos 27:40

na senɛsɛnɛa, “Hira bɔɔ seni ale bolkii doraa Tumu barara na kɔdhdhi ungo sizziyɔ! Mɛa ga ibbaysi rɛa nunu! Na hunde ani Eriya Tumuye, ga bhona ngakɛta kìlakɛinynde!”

Matiyos 27:43

Nɔng a nganda yɛbh Tumu na chɔɔ bɔɔ se, ‘Anye kani Eriya Tumuye!’ Na mɛa hunde Tumu hin bhɛa senno kibbaysɛɛ nɔngge, ga any kibbaysiyɔ.”

Matiyos 27:54

Na gulsaa bholisuny ko zugaa bhɛkkɛa Yesus hunaa orrɛa ba hunde chukinɛye ko ngalɔkta wa ɛrrinyaye kumulɔngge, dɛɛbɛ na tɛngɛrɛ bho goore na se, “Kèe ngahirra dhaa a Eriya Tumu dhere chi!”

Matiyos 3:17

Na Tumu yogo lɔgɔ surr tumɔ na seu, “Erite nan ajjany hini hɔldin kibhɛsɛn hiniye, a nganda.”

Matiyos 4:3

Na Moldoy ko na sɛɛsɛ, “Hunde ani Eriya Tumu dhereye, ga sɛɛsɛ ngabɛnda na kɔbhɔdhtɛ ke amissɛ!”

Matiyos 4:6

Na sɛɛsɛ, “Lɔga Tumu bere kɔ̀gɔdhdhɛsɛna dadab sennɛ, ‘Tumu ale ajjɛ zuga ekko :nɛa lɔgɔ na bhɛkkinyɛ na boinyɛ sɛnɛ na chɔɔ bɛ jagari ngaujjenynyo.’ Na mɛa hunde ani Eriya Tumu dhereye, ga hauk rɛ ngaya.”

Matiyos 8:29

Na mɛnɛnga yokto lɔgɔ goore na seyɛsɛ, “Eriya Tumue, ko agge kɔ̀lɔmnɛ ɔng? Wa kou na tiranyɛiy hunde kolea kàttiyɛiy agge ngani kugooye?”

Markos 1:1

Ngadadabta anna shigininyanɛa kamannaa challa Eriya Tumu Yesus Kirisosi.

Markos 1:11

Na shigu lɔkte hony tumɔ hunde sennɛ, “Erite nan ajjany hini hɔldin na kibhbhaginy hiniye, ani :inyo.”

Yohanis 1:18

Chɔɔ hirre dhɔnɛ bere or Tumu, ninggɛ dhul. Na nɔng eriya nɛnɛ dhɔnɛna ibhinɛna ko nɔng hinisi annaa bere dhugunogiyɔ agge hunde Tumu a hirre ku ɛnɛngge na kàtakta.

Yohanis 1:49

Na sɛɛsɛ :Natinayeli, “Hira Madhdhiy, inye ani eriya Tumu. Na chɔɔ ani Komoruya zuga Isirayeli.”

Yohanis 10:30

Anye ko Baba nanu Tumu kanno dhɔnɛ.”

Yohanis 11:27

Na Ngamarta sɛɛsɛ, “Ee! Komoru, hunde ani Eriya Tumu ku Kirisos bere kènno ale kuni baye, kɛyɛbhiyɔ.”

Yohanis 19:7

Na yɔk yaktɛsɛ na seyɛsɛ, “Agge damiya nayo ihe. Na nɔng damiya nayo ngahirra maya rɛsɔ ke ngaya ojjɛ rɛa nɛnɛ ke Eriya Tumuye.”

Yohanis 20:28

Na nɔng Tomas sɛɛsɛ, “Inye ani Tumu Komoruya nanu!”

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Yohanis 6:69

Na chɔɔ hunde ani Hira Kullɛna Bere Bɛrraninyi :Tumuye wa kàtaktinyɔ na kɛ̀yɛbhtinyɔ.”

1 Yohanis 2:23

Yɔk zukte imaggɛ Eriya Tumu tɔllɔngge kumulɔng, bhee ɛlɛ ko Baba Na Tumu kari ke dhɔnɛ ninggɛ. Na yɔk gee yɛbhbhɛ Eriya Nɛnɛye ɛl ko Baba Na Tumu kari ke dhɔnɛ.

1 Yohanis 3:8

Na nɔng inde me lɔga gɛrsaye a eriya Moldoyny ke ngaya Moldoy bere messonɛ lɔga gɛrsa kingi bɛrgua bere ngani kèghendonɛa baye. Na bhee bere kunɛ Eriya Tumu ba ngayaye, a ngaya se kusurranɛ lɔga messo :Moldoyɔye.

1 Yohanis 4:9

Nɔng bhee bere dhugunnogɛiy :Tumu bhɛa ibhbhagɛiy hiniye, a ngaya bere ibhbhanɛ Eriya Nɛnɛ dhɔnɛna na ittonnonɛ ba na kɔ̀jɔyayɛy :aggeu basseya iho dhul bhɛa nɛnɛye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

2 Yohanis 1:9

Yɔk zukte sɛchchɛ lɔga Yesusi na tɔrɛ ga sabbiya gɛ na lɔga bere madhinɛnɛa :nɛa ngamessɛo na mɛdhdhanɛoye kumulɔng, bhee ɛlɛ ko Tumu kari ke dhɔnɛ ninggɛ. Na yɔk gee ngani messɛ lɔga gɛnyɛ na mɛdhdhanɛye, ɛl ko Baba Na Tumu ko Eriya Nɛnɛ Yesus kari ke dhɔnɛ.