Yohanis 1:26 - Suri Latin

^26-27 Na nɔng yagɛsɛ na sɛɛsɛ, “Anye kuchuri zugo ma sɔng. Na nɔng hir kona ale kɔbhbhananydɔ. Chɔɔ mɛa toye nɔng ɛllo ko igge kari na imaggoyɔ. Nɔng bhɛa nɛnɛ anye kani na chinynyo ghasura. Na nɔng anna chɔɔ chahaa gɛnyɛ ngakubhurushaniyo.”

Yohanis 1:26 ပူးပေါင်းရင်းမြစ်များ

Matiyos 3:11

“Nɔng anye mɛa kuchurrong ma hung ke bhɛaa dhugunɛsɛno Tumu lɔga gu gɛrsa na ujjugɛa. Na nɔng inde ɔnnɛ na jorronony anyeye ale kɔbhbhananydɔ. Nɔng bhɛa nɛnɛ, anye kani na chinynyo ghasura chɔɔ chahaa gɛnyɛ ngakɔlɔgɔniyo. Na ale churrong Kuloya Tumu ko gogiye.”

Matiyos 3:6

na dhugunɛsɛnɛ Tumu lɔga gɛ gɛrsa na chur :Yohanisi kidhoa Yordanosi.

Yohanis 16:3

Nɔng bhee ale messɛungɛ ngangaye, a ngaya imaggɛanyɛ anye oo Baba nanuye.

Yohanis 17:25

“Baba nanu Ridhing Ninggɛninyiye, nɔng inye ko hunde zuga bhakkɛa ba kumulɔng ngagainyɛ, anye kaggainydɔ. Na chɔɔ ko yɔk ngazukta bere ajjanyde, gaɛyɔ hunde bere ekkonony :inyoye.

Yohanis 17:3

Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.

Yohanis 8:19

Na yɔk ghini na seyɛsɛ, “Na chogonuye nunde i ori?” Na nɔng yagɛsɛ na sɛɛsɛ, “Anye ko Baba nanu igge ngagayiyyo. Nɔng hunde bɔɔ taktanyu anye, ko nɔng Baba nanu anda bɔɔ takto.”

Zuga Kèkko 1:5

Nɔng Yohanis anna bere churro zugo ma. Na nɔng igge ale ɛllo ungge muchugi na kùchurrong Kuloya Tumu.”

Zuga Kèkko 11:16

Na kagadhau lɔga bere yokkono ꞉Komoruyɔ na sennɛa, ‘Yohanis annaa churnɛna ma. Na nɔng igge ale kùchurrong Kuloya Tumu.’

Zuga Kèkko 19:4

Na nɔng sɛɛsɛ, “Nɔng churaa Yohanisi bere anna churaa kùjjugɛa lɔga gɛrsa. Na chɔɔ Yohanis bere yogɛsɛna zugo lɔgɔ na kɛyɛbhɛ hirre ale kɔbhbhana nɔngge. Nɔng dha bere ngahirronu a ꞉Yesusi.”

1 Yohanis 3:1

Ga gɔnyigi ngaya ibhbhagɛiy :Babaa Na hini na yellɛiy goore na ojjiy na kèliyey erroa Tumuye! Nɔng ngadamita bere ojjɛiy :nɛaye, agge kan erroa gɛnyɛ dhere! Na nɔng bhee imaggɛiyɛ :zuga marrɛa Tumuye, a ngaya imagɛ Baba Na Tumuye.