Yohanis 1:18 - Suri Latin

¹⁸ Chɔɔ hirre dhɔnɛ bere or Tumu, ninggɛ dhul. Na nɔng eriya nɛnɛ dhɔnɛna ibhinɛna ko nɔng hinisi annaa bere dhugunogiyɔ agge hunde Tumu a hirre ku ɛnɛngge na kàtakta.

Yohanis 1:18 ပူးပေါင်းရင်းမြစ်များ

Lɔgɔ Sabba 16:13

Na Agar iwachiyɛ na seu, “Yee, Tumuaa orronyi, wa karra ngaya sɛgɛn!” Na komoruya yogɛsɛna nɔng lɔgɔ tɔgɔdhɛsɛ sarre kèe “El Roy.” Na El Roy a bhɛa kènɛa “Komoruya Orronyi.”

Lɔgɔ Sabba 18:33

Na hunaa Tumu mɛzziya ko Awuraham na tewa ushaye, kendɛ na Tumu ogu na Awuraham nɔng wagu ɔra nɛnɛ.

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 12:41

Nɔng Isayas ngaya senɛ ngangaye dha bere a ngaya orɛ dirama Yesusi na yokkonɛ chɔɔ lɔga gɛnyɛye.

Yohanis 13:23

Yɔk bhɛa zuga kɔbhbhɛa nɔng, hira bere ibhɛsɛna :Yesusi hini goore bere ɛlla ko nɔng jaa jaa.

Yohanis 14:9

Na Yesus yagɛsɛ na sɛɛsɛ, “Yee! Bhilibhos, kèe bere kɛllana ko igge kari kingi na ko mɛa toye imagganydɔ? Nɔng inde orrony anyeye, ngangaye aru :Baba nanu. Na mɛa inye sennagany, ‘Ga dhɔlagiy Baba nunu’ ɛnɛng?

Yohanis 17:26

Nɔng anye annaa bere kudhugunɛsɛu yɔk lɔga gunyu na chɔɔ ale ngani kudhugunɛsɛn dirr, na ko yɔk kibhtɛsɛ zugo hinisi ngadamita ibhbhagɛany anyeye. Na kɛ̀tɛldo ko yɔk kari na kèteo dhɔnɛ.”

Yohanis 17:6

“Yɔk zuga bere bɛrrani bhɛa zuga bhakkɛa ba ngaya na ajjanyi, annaa bere kudhugunɛsɛu hunde ani hir inongge. Yɔk bere anna zuga gunyu na koo aanyɔ anye. Na mɛa yɔk a ngagiya bɔɔ bhɛkta lɔga gunyu shɛɛye.

Yohanis 3:11

A challi. Ga shiktɔ! Lɔga kaggao :aggeu, a gee koyogɛsɛno zugoye. Na ga korrono kawarre, a gee kɔɔbhɛsɛno zugo dibte. Na yɔk lɔga korrono :aggeu kawarre, igge ngahinnoo.

Yohanis 6:46

Nɔng hirre bere or Baba Nanu Tumu ninggɛ dhul. Nɔng inde bere or nɔngge a :hira bere kunno bhɛa nɛnɛ sɔng. Kona ngani karro dhul.

1 Timotiyos 1:17

Na mɛa Tumu Komoruya dhɔnɛna, ngakorroo iho dhul ko kingi, na ngarɛssao, any kɔdhɔngɛ na kɔtɔlɔ diram kali kali! Amen.

1 Timotiyos 6:16

Nɔng dhɔnɛnɛ anna ngarɛssao dhul ko kingi na bhakka hɔldina bo hɔla chɔɔ hirre dhɔnɛ jaa ngakɔayo. Na chɔɔ hirre dhɔnɛ bere or nɔng oo ale ori, ninggɛ dhul. Na diram ko ɔnney any kete ga gɛnyɛ dhul ko kingi. Amen!

1 Yohanis 4:12

Nɔng hirre bere or Tumu chɔɔ dhɔnɛ ninggɛ dhul. Na nɔng agge hunde kìbhtɛ hinisi kɛngɔ, anda kɛ̀l ko Tumu kari ke dhɔnɛ na ajjiy bhɛa kìbhɛsɛna zugo hinisi goore dhogoy hunde nɛnde.

1 Yohanis 4:20

Nɔng inde se, “Anye kibhɛsɛn Tumu hini” na mar hira yɛbhbhɛa Yesus kariye, a butogi. Nɔng hunde a nganda mar ngahirra or kawariyɔ yɛbhbhɛ Yesus kariye, na anda chɔɔ Tumu, hira kawariyɔ ngani karrao, hini ibhɛsɛn ɛnɛng?

1 Yohanis 4:9

Nɔng bhee bere dhugunnogɛiy :Tumu bhɛa ibhbhagɛiy hiniye, a ngaya bere ibhbhanɛ Eriya Nɛnɛ dhɔnɛna na ittonnonɛ ba na kɔ̀jɔyayɛy :aggeu basseya iho dhul bhɛa nɛnɛye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.