Yohanis 1:14 - Suri Latin

¹⁴ Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 1:14 ပူးပေါင်းရင်းမြစ်များ

Matiyos 1:16

Na Yaykob koo irriyo Yoseb. Nɔng Yoseb a hira dha bere tɔginɛnɛa Mariyam. Na Mariyam koo hudhugo Yesus. Nɔng Yesus a hira dha bere bɛrrana :Tumu ku Komoruya Ibbayseo Zugo.

Yohanis 1:1

Dha bere sabbɔ huna ba ko tumu ngani kètegenydoayo, hirre kèe Lɔgɔ ihe. Na nɔng ɛl ko Tumu kari na a Tumu rɛ.

Yohanis 11:40

Na sɛɛsɛ :Yesusi, “Hunaa kesennaginyi, ‘Hunde yɛbhiye, ale ori dirama Tumu.’”

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 14:9

Na Yesus yagɛsɛ na sɛɛsɛ, “Yee! Bhilibhos, kèe bere kɛllana ko igge kari kingi na ko mɛa toye imagganydɔ? Nɔng inde orrony anyeye, ngangaye aru :Baba nanu. Na mɛa inye sennagany, ‘Ga dhɔlagiy Baba nunu’ ɛnɛng?

Yohanis 17:22

Nɔng anye annaa bere kaynɛu dirama bere ajjanyi :inyo na ko yɔk kete dhɔnɛ hunde naye.

Yohanis 17:24

“Na mɛa Babaye, ngazukta bere ajjanyde keni kɛ̀tɛldo ko anye kari bhɛa kihɛi na kargi dirama nanu bere ajjanyi :inyo ke ngaya bere ibhbhagɛany anye hini huna ba ko tumu ngani kètegenydoayoye.

Yohanis 18:37

Na nɔng Bhilatos sɛɛsɛ, “Yee! Noo, dhaa ani Komoru!” Na nɔng yagɛsɛ na sɛɛsɛ, “Ee! Nɔng ngaya sennagɛany Komoruye, seni shɛɛ chi. Nɔng anye bhee bere kìrrittonɛany na kugunɛ baye, kèe kɔ̀ɔbhɛsɛ zugo kumulɔng lɔga ku dhere. Na gee hinnɛ lɔga ku dhereye kumulɔng, lɔga koyokkoni :anyo shikkɛyɔ.”

Yohanis 2:11

Yɔk ngalɔkta barar me :Yesusi ngaɔrra kèe Kana i baa Gelilaye agga bere sabbune. Na hunaa messa ngalɔktaye, dhɔlɛsɛ zugo dirama nɛnɛ na zuga kɔbhbhɛa nɔng yɛbhɛyɛ.

Yohanis 3:16

“Nɔng Tumu annaa bere ibhɛsɛa zugo kumulɔng hini goore na chɔɔ ibhaa Eriya Nɛnɛ dhɔnɛna na aynɛa. Na gee yɛbhbhɛ Eriya Nɛnɛye kumulɔng ale kɔjɔya basseya iho dhul na ngagarsɛ.

Yohanis 3:18

Na hirre yɛbh eriya nɛnɛye nɔng ngakujjukkanao. Na nɔng inde ngayɛbhbhoye bere kùjjuktaa, ke ngaya eriya Tumu dhɔnɛna ngani kɛyɛbhɛoye.

Yohanis 6:51

Tilaa basseyny bere kuguni tumɔ kani :anyo. Na inde am ngatilayaye kàjjɛ basseya iho dhul. Nɔng ngatilaya a ngaayukta nan ale kajjɛ zuga bhakkɛa ba kumulɔng na kɔtɔlɔmɔ basseyte.”

Yohanis 8:32

Na hɛo na ale gao lɔga ku dhere. Na ngalɔktonu ku dhereye ale bhelekkogungɛ bhɛa hɔla.”

1 Timotiyos 3:16

Yɔk lɔga bere dhugunnogiy :Tumu ajjiyɛa bhɛa kɔ̀ɔbhɛa lɔga gɛnyɛ dhere, agga kìwacheo goore dhogoy na chɔɔ ko hinisi ngakàraginɛnɛayo. Na ngalɔktonu a ɛnɛnggeo, Nɔng bere dhɔlagiyɔ rɛ ke hiri, na dhugunoa :Kuloya Tumu, bhɛa anɛa Eriya Tumu dhere, na arta :zuga ekko :Tumu, na lɔga gɛnyɛ kàmadhtɛsɛa bhorinya kumulɔng, na zuga bhakkɛa ba yɛbhta nɔng, na kàytɛa tumɔ na bo lɔmma diram.

1 Yohanis 4:14

Na chɔɔ nɔng huna bere ibhbhana Eriya Nɛnɛ na ittonnono ba na kibbaysi zugo kumulɔng, agge bere kàrto kawarre na aynde kɔɔbhɛsɛno zugo ngalɔktaye.

1 Yohanis 4:9

Nɔng bhee bere dhugunnogɛiy :Tumu bhɛa ibhbhagɛiy hiniye, a ngaya bere ibhbhanɛ Eriya Nɛnɛ dhɔnɛna na ittonnonɛ ba na kɔ̀jɔyayɛy :aggeu basseya iho dhul bhɛa nɛnɛye.

2 Yohanis 1:7

Nɔng anye bhee koyokkogɛung ngalɔktaye, a ngaya zuga bo mɛra itabhbhɛa zugo dhaa bɔɔ banday bay ngayaye. Yɔk ngazuktonu bhɛa bere hudhukkinyanɛa :Yesus Kirisosi ke hiri ngayɛbhbhɛo. Nɔng hirre me ngangaye anna tabhbha zugo ku mirogiya Kirisosi.