Yaykob 3:15 - Suri Latin

¹⁵ Nɔng bho gaanaye ku ngangaye anna ɛsɛdhdhanɛa :zugu bany ngaya ko na imaginɛna ko Kuloya Tumu ko na ajjɛa :Moldoyɔ. Na ajjiy :Tumu ngayo.

Yaykob 3:15 ပူးပေါင်းရင်းမြစ်များ

Yohanis 3:17

Nɔng huna bere ekkono eriya nɛnɛ ba, bhee bere ekonɛ na kujjuga zugo ngayo. Bere ekkono na kibbaysiyɔ.

Yohanis 8:44

Nɔng igge anno erroa babaa nu Moldoyny na senno mesigi lɔga hinnono :nɛa. Nɔng a hira bere nissono zugo kingi na marra lɔga ku dhere ke ngaya lɔga ku dhere bhɛa nɛnɛ ningginɛnɛye. Na chɔɔ hunde mɛzzi butomoye, yokkono kabiya nɛnɛ butomo ke ngaya anɛ butogi na butomo bere shigininyanɛ bhɛa nɛnɛye.

Zuga Kèkko 13:10

na sɛɛsɛ, “Inye ani eriya Moldoyny na ani mirogiya lɔga ku dhere kumulɔng. Na lɔmi kuhuyamo na tabi zugo goore. Na ngalɔkta liyɛ ganggua Komoruyny iho dibte ngadhɔyiyo kɛ ɔng?

2 Tɛsɛlongke 2:9

Nɔng ngahirronu hunde dhuguniya na taga :zuguye, ale me lɔga bo mɛra barara ku butomo ajjɛa :Moldoyɔ na iwachiyɛa :zugu.

1 Timotiyos 4:1

Nɔng Kuloya Tumu, dhugunnono lɔgɔ dib na se kee bɛrgunyaye ale wurtuneye, zug gena ale dhɔttɛ bhɛa yɛbhɛa kamannaa Yesusi. Na kɔbhbhɛ lɔga tabhɛa :nyamanɛɛnu ko lɔga madhɛsɛnɛa :mɛnɛngu.

Yaykob 1:17

Yɔk lɔkte chal tuhinɛ na ɛl hurrte kumulɔng hony surr tumɔ bhɛa Babaa na Tumu, bere ghendono su ko tagi ko munyunya. Nɔng chɔɔ anna ngabhɔdhinɛnao na ziggoo huna rijjuny.

Yaykob 1:5

Na nɔng bhɛa nu hunde hir kona imag bhoye, any kogol Tumu na aynde ale kàjjɛ bhɛa gayɛa bhoye. Nɔng Tumu a Komoruya challa hini ngangɔayo ɛdhdhɛttana zugo lɔkke kumulɔng.

Yaykob 3:17

Bho gaanaa ajjɛa :Tumu zugo nɔng anna ridhing ningginɛna. Na zuga sennana :Tumu na gayɛa bho yɔk agga bhakkɛa ko zugo kari ke ga bo challa ibhinɛna hinisi shɛɛ na lachchanɛa rɛhi na chirbhisiyɛa zugo goore na messɛa lɔga challa. Na chɔɔ agga ba ngalɛllɛayo na messɛa lɔga yokkonɛa dib.

Yihudha 1:19

Yɔk zukte ku ngangaye a gee tissongɛ igge na kendɛ kɛngɔye. Yɔk messɛ lɔga hinnonɛa sabbiya gɛ sɔng na Kuloya Tumu ngalɔmmɛyo.