Yaykob 2:22 - Suri Latin

²² Nɔng a nganda bere yɛbh lɔga yogɛsɛna :Tumu na messe. Na hunaa messoye, yɛbhu Tumu goore. Na bhɛa yɛbhɛa Tumu ko bhɛa mesɛa lɔgɔ, bere anna dhɔnɛ.

Yaykob 2:22 ပူးပေါင်းရင်းမြစ်များ

Lɔgɔ Sabba 22:12

Na sɛɛsɛ ꞉hira kèkko, “Ɔdda! Ngame eri hun kona! Bhɛa anɛi hira ɛngɛrsi Tumu wa katagga ke ngaya eriya nunu dhɔnɛna ngani ushubhbhɛanyoye.”

Yohanis 6:29

Na nɔng yagɛsɛ na sɛɛsɛ, “Yɔk lɔkte hin :Tumu na kèe mesigite a ɛnɛnggeo, se yɛbhtanyu anye, hira bere ekkononyi :nɛa.”

1 Tɛsɛlongke 1:3

Na kali kali hunde kògollogung Baba na Tumuye, kagadhdhano bhɛa bere yɛbhɛo Yesus na messɛo zinggo shɛɛ, ko bhɛa bere hinisi annɛungu bibi na yelɛo zugo na ɛanɛo, ko ngaya yɛbhɛo bhɛa ale kunɛa :Komoru Yesus Kirisosi na mɛdhdhanɛo lɔga gɛnyɛye.

Yaykob 2:18

Na nɔng hunde kɔtɔlɔ hirre sennagany, “Inye yɛbhi lɔga Yesusi. Na anye kemesi lɔga challa kichirbhisiyɛi zugo,” anye kesenɛsɛn, “Ga dhɔlagany bhee yɛbhɛ lɔga Yesusi hunde lɔga challa chirbhisiyɛi zugo ngani messoye. Na ko anye kɔ̀dhɔlaginy bhɛa kɛyɛbhɛi lɔga Yesusi hunde kemesi lɔga challa kichirbhisiyɛi zugoye.”

1 Yohanis 2:5

Nɔng inde bhɛk lɔga ajjɛa :Tumuye, a hira ibhɛsɛna Tumu hini dhere na urrugɛsɛna lɔga hinnono :Tumu dib. Na hunde lɔ hirre se, “Anye kɛllo ko Tumu kari ke dhɔnɛye,” maya bhak ba damiya bere bhagɛa :Yesusi. Nganda a bhee kàggaɛ bhɛa kànɛa zuga kɛ̀lla ko Tumu kariye.