Yaykob 1:1 - Suri Latin

¹ Ngadadabta kɔgɔdhdhagung :anyo Yaykobi, hira kagayi Tumu ko Komoru Yesus Kirisos. Na kittonnogung igge, ngagettoya ku 12 bere bhassanyɛsɛno ba kumulɔngge. Na kissaunggɔ, anno challi hung?

Yaykob 1:1 ပူးပေါင်းရင်းမြစ်များ

Matiyos 10:3

ko Bhilibhos ko Bartolomiyos, ko Tomas ko hira mukko gharata kèe Matiyos, ko eriya Ilbiyosi kèe Yaykob, ko Tadiyos,

Matiyos 13:55

Nganda ngayo liya ngananita ghende doriyoye? Na chɔɔ jɔnɛ ngakeliyo Mariyam? Na gochonginyaa gɛnyɛ ngayo :Yaykobi ko :Yosebi ko :Simoni ko :Yihudha?

Matiyos 19:28

Na sɛɛsɛ :Yesusi, “Ga shigitɔ! Bɛrgua ale bhɔdhɛa :Tumu lɔga bany kumulɔng ke chagi, hunde ale Hiri Hoynɛ i alleya nɛnɛ komorumo bo lɔmma dirambe, ko igge ngazukta kɔbhbhanyu anye ku 12de, ale ɛllo alleyiya komorumo ku 12 na kedhdho lɔga bhorinyaa Isirayeli ku 12.

Markos 3:18

Na kona a Indiriyas, Bhilibhos, Bartolomiyos, Matiyos, Tomas, ko eriya Ilbiyosi kèe Yaykob ko Tadiyos ko Simona marra lɔga allinɛnɛa :komoruya Rome zuga Ayhudhi,

Yohanis 12:26

Inde kachanyde, any kɔɔbhany anye. Na aynde ko nɔng ale i bhee kihɛ :anyoye. Nɔng hirre kachanyde, ale dhɔng :Babaa nanu na ajjɛ diram.

Yohanis 7:35

Na yɔk gulsachina Ayhudhi koo mɛzzi kɛngɔ na se, “Na mɛa dha ngahirra gɔrre se kɔgɛ na agge ngakɔjɔanɛye a ore? Dha se kok oriya bere bhasanyɛsɛnɛa :zuga ga bhakkɛa ko zuga Giriki kari na kamadh zuga Giriki ka?

Zuga Kèkko 1:13

Na hunaa dokkɛa ɔrte, ago doraa ungusɛa ku bɛ na irrɔgɔ balanggi tundɔ. Na zuga ɛlla ngonu bere anna Betiros ko Yohanis ko Yaykob ko Indiriyas ko Bhilibhos ko Tomas ko Bartolomi ko Matiyos ko eriya Ilbiyosi kènno Yaykob ko Simona marra lɔga allinɛnɛa :komoruya Rome zuga Ayhudhi ko eriya Yaykobi kènno Yihudha.

Zuga Kèkko 12:17

Na nɔng lamu zugo siyɔ na kidhitɛ rib. Na kɔbhɛsɛ lɔgaa ɔkkanɛa ꞉Komoruyɔ doraa chibinuny. Na sɛɛsɛ, “Ngalɔkta kɔbhtɛsɛ Yaykob ko gochonginya gena.” Na koo kendɛ na nɔng ogu ba konnɔ.

Zuga Kèkko 15:13

Na yɔk hunaa yoktoa lɔgɔ na tewa ushaye, Yaykob ko nɔng bana na yagɛsɛ na sɛɛsɛ, “Gochonginyaye, ga chirartanyuyɔ!

Zuga Kèkko 15:21

Nɔng bɛrgunyaa kinginye Damiya Tumu bere kàjjɛa Muse annaa kàmadhɛsɛna ori kumulɔng na chɔɔ ko mɛa toye kotoyeono doriyoa madhinɛnɛa zuga Ayhudhi lɔga Tumu Kala Ayawsuny tii tii.”

Zuga Kèkko 15:23

Nɔng dadaba bere ittonɛsɛnɛa ꞉yɔkku dha bere se, “Kanno zuga bere ekkiy ꞉Yesusi ko zuga bibiyo lɔmmɛa zuga yɛbhbhɛa Yesus, ko gochonginyaa gu kabhakko Yerusalem. Na ngadadabta kɔ̀gɔdhdhagung zuga bhorinyaa anaa yɛbhbho Yesus bhakko Ansokiya ko Soriya ko Kilkiya. Na kesennagung, ‘Saro saro!’

Zuga Kèkko 2:5

Nɔng dha bere Yerusalem lɔ zuga Ayhudhi yɛbhbhɛa Tumu mukkinyana ba kumulɔng.

Zuga Kèkko 21:18

Na bhorre agge ko Bhaulos kayto na kɔgɔnydo Yaykob. Yɔk dha bere zuga bibiyo lɔmmɛa zuga yɛbhbhɛa Yesus mukkinya kumulɔng na ɛl ngonu.

Zuga Kèkko 23:26

“Ngadadabta kɔgɔdhan ꞉anyo, Kilawdi Lasiya. “Na kɔgɔdhdhaginy inye Gulsaa Yudha Bo Lɔmi Diram, Bhilis. “Na mɛa kissainydɔ, ani challi?

Zuga Kèkko 26:7

Yɔk gettoa Ayhudhi ku tɔmmɔn ko ramman kumulɔng kɛyɛbhbho ngalɔkta na ale kubhugnyɛsɛyɔ, na aynde kagayɛo Tumu bar ko kaliye. Na mɛa Komorue, bhee chillɛanyɛ ꞉ngazukta Ayhudhiye a ngaya kɔlɔmɛ ngalɔkta hinisɔye.

Zuga Kèkko 8:1

Na ko nɔng Saol dha bere hinɛsɛn Istibhanos rɛsɛ. Na kala rɛsɛa ꞉Istibhanosi lɔgɔ te dhandali goore. Na zuga yɛbhbhɛa Yesus ɛlla Yerusalemɔ kumulɔng kɔ̀gɔrta na bhassayɛ. Na gena hanggɛ oriya ɛlla baa Samariya, gen hanggɛ oriya ɛlla baa Yudha. Na Yerusalemɔ dhɔttɛ ꞉zuga bere ekko ꞉Yesusi sɔng.

2 Timotiyos 4:21

Na mɛa inye wo bheya nande ke tiri hunde ba asanday ngani keteyoye. Na Ibholo ko Budhe ko Lino ko Ngakiladiya ko zuga kɛ̀yɛbhbha Yesus kari kumulɔng sennaginyɛ, “Saro! Saro!”

Tito 1:1

Ngadadabta kɔgɔdhan :anyo Bhaulosi, hira kagay Tumu bere ekonyi :Yesus Kirisosi na kìriy zuga bere bɛrrana :nɛa na kataga kamannaa ku dhere dhugunɛsɛna bhɛa yɛbhɛa dib na kɛbhɛgɛ shɛɛ.

2 Betiros 1:1

Ngadadabta kɔgɔdhan :anyo Simon Betirosi, hira kagayi Yesus Kirisos, bere bɛrrananyi :nɛa na ekonyi. Na kɔgɔdhdhagung igge, ngazukta bɔɔ ngani yɛbhbhano Yesus Kirisos damiya bere nayoye. Nɔng Yesus Kirisos Komoruya na Ibbayseiy agge, anna ridhing ningginɛna. Na aynde bere ajjɛiy bhɛa kɛ̀yɛbhɛa nɔngge.

Yihudha 1:1

Ngadadabta kɔgɔdhan :anyo Yihudha, hira ku gochonga Yaykobi kagayi Yesus Kirisos. Na kɔgɔdhdhagung igge, zuga bere ibhbhagungu :Babaa Na Tumu hini na eleongu na bhɛkkungu na ale lɔmmungu :Yesus Kirisosi.