Tito 3:8 - Suri Latin

⁸ Yɔk ngalɔkta koyokkoginy :anyoye a dhere. Na keni madhɛsɛ zuga yɛbhbhɛa Tumu ngalɔkta shɛɛ na kɛmɛtta na kemesigi lɔga challa hinno :Tumu ke ngaya ngalɔkta anɛ challi goore na irishɛ zugo kumulɔngge.

Tito 3:8 ပူးပေါင်းရင်းမြစ်များ

Matiyos 20:4

Na senɛsɛn, ‘Ko igge ga hoya ago messɛ gua nanu woynuny, na koo kàgadheung birinyaa ungusinɛna ko zinggoa messo.’

Yohanis 12:44

Na koo Yesus yogo lɔgɔ goore na seu, “Nɔng inde yɛbhbhany anyeye, ngangaye yɛbhu chɔɔ hira bere ekkononyi. Anye sɔng ngayɛbhbhanyo.

Yohanis 5:24

“A challi, ga shigitɔ! Inde shik lɔga ganyu na yɛbh hira bere ekkononyiye, ngangaye, tɔlɔmu basseya iho dhul na jaru rɛsɛ na ogo bhɛa basseyny na ale ngani ngakujjukkanao.

Zuga Kèkko 12:15

Na yɔk ngani ngayɛbhbhɛo na se, “Wa useny ꞉lollu?” Na nɔng adhɛsɛ dirr na sɛɛsɛ, “A nɔng dhere chi so!” Na yɔk yaktɛsɛ na seyɛsɛ, “A hira ekkono ꞉Tumu bhɛkka nɔng ka so.”

1 Timotiyos 1:15

Yɔk ngalɔkta sennɛ, “Nɔng Kirisos Yesus annaa bere kowa ba, na kibbaysi zuga lɔmmɛa ridhingge,” a dhere na maya kɛ̀yɛbh kumulɔng. Nɔng bhɛa zuga lɔmmɛa ridhing kumulɔng, inde kɛddɛi lɔga gɛrsa gooreye, kani anye.

1 Timotiyos 2:8

Na zuga maya hande ɛlɛye kumulɔng, any kalliyɛ ko Tumu ke na bo dhɔngɛa sɛnɔ tumɔ dɛmney oo ɛkkɛnyan ninggɛn na ridhing ngalɔmmɛayo.

1 Timotiyos 5:10

na gaɛ :zugu kumulɔng hunde a tɛriya irogito erro shɛɛ, na lammana kɔmɔn, na onynyo zuga Tumu ridhing ningginɛna jagarɛ, na ɛana zuga chɔllanɛna, na hini ujjono na hinno bhɛa senno kemesɛ lɔga challa kumulɔngge.

2 Timotiyos 1:12

Yɔk ngalɔkta a gee mɛa kɔchɔllanɛnɛ :anyo gooreye. Na nɔng ko hunde kète nganda kɔchɔllanɛn ngangaye, anye liya ngaamɛanynyo dhul, ke ngaya kaggaɛ hira kɛyɛbhiye. Na chɔɔ lɔga ganyu bere kɛyɛbhɛsɛni nɔng, hunde bhɛk ko bhee ale wokkonɛ :nɛaye, anye kagga shɛɛ.

Tito 1:9

Na sɛgɛn maya kɔbh kamannaa Yesusi kìbhɛsɛna hinisi goore damiya bere kàmadhɛsɛna sabbɔ. Na aynde ale madhɛsɛn zugo na iriy na ko yɔk gaɛ hologun shɛɛye. Na ko yɔk gee dhaginɛ ko hinisi na marrɛye ale madhɛsɛn haalɛ na dhugunɛsɛn hologun dib.

Tito 2:14

Nɔng anna bere rɛsɛiy agge na kibbayseiy lɔga gɛrsa kumulɔng na kète zuga gɛnyɛ ridhing ningginɛna na hinisiya ga kɔshɔya na kèmesigi lɔga challa hinno :nɛa.

Tito 2:7

Na ko inye me lɔga challa kali kali na dhɔlɛsɛ yɔk gɔrɔ. Na hunde madhɛsɛn lɔgɔye, madhɛsɛ dib, na kɔbhɛsɛ shɛɛ,

Tito 3:1

Na madhɛsɛ zuga yɛbhbhɛa kamannaa Yesusi lɔgɔ na bhɛsi sabbi na sɛɛ kalayta rɛhi na kigombɛsɛ zuga allinɛnɛa yɔk na kete zuga hunde senno kemesigi lɔga challaye hinisi ujjonɛa na ɛlla kɔk.

Tito 3:14

Na hunde mesi ngangaye ko yɔk zuga ga ale ɛdhɛmisɛɛ bhɛa hinisi ujjonɛa na messɛa lɔga challa. Na jɔanɛ ahaa ammɛa kali kali na chɔɔ ɛanɛ zug gena na todhdhonya ngaanno.

Silimona 1:11

Anisimo nɔng kesea bere sabbɔ lɔkke ngaɛyaninyo dhul. Na nɔng mɛa bɔɔ tewa hira ɛaniy agge taninya kari.