Tito 3:14 - Suri Latin

¹⁴ Na hunde mesi ngangaye ko yɔk zuga ga ale ɛdhɛmisɛɛ bhɛa hinisi ujjonɛa na messɛa lɔga challa. Na jɔanɛ ahaa ammɛa kali kali na chɔɔ ɛanɛ zug gena na todhdhonya ngaanno.

Tito 3:14 ပူးပေါင်းရင်းမြစ်များ

Matiyos 21:19

Na koo daga chamochi kona ganggu dheyyɔ, na ogo jaa na gɔnyu na aru hunde lɔ nyawa sɔng na kawarɛ ninggɛ dhulde. Na sɛɛsɛ, “Ngakɛta, kalda wurtɔ kawarɛ sɛgɛn ngadhungngani dhul ko kingi!” na chamochiyaa gina dhɔrɔgu ke tiri.

Matiyos 7:19

Na kɛnde kawara challa ngaeggissonɛoye kumulɔng, kègedhdhana na kɔ̀chɔgɛ go.

Yohanis 15:16

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Yohanis 15:8

Na hunde dhungga kawarte mɛri na dhɔlda bhɛa anɛo zuga kɔbhbhanyu anye dhere, anda ajjɛo Baba nanu diram.

Zuga Kèkko 18:3

Ko nɔng dha a naniya chigo dukuwachina hunde nɛye. Na tɛldi ko yɔk na mesigi zinggo kari.

Zuga Kèkko 20:35

Na agge maya keme zinggo goore na kɛ̀anɛ zuga tɔlgɔnya damiya bere kemesɛi ꞉anyo na kɔdhɔllagɛungu. Ga, kàgata lɔga bere yokkono ꞉Komoruyɔ Yesusi na sennɛa, ‘Hira ajjɛa hiri aha, bhɛa ngahirronu ajjɛ na kɔɛye, nɔng a tuhinɛ.’”

1 Tɛsɛlongke 2:9

Gochonginyaye, huna bere kemesso zinggo goore na kaargareo igge gaoyɔ. Annaa bere kemesinɛno bar ko kali ke ngaya kenno ngakàmargiyɛo hir konaye na kàmadhdhagungu kamannaa Tumu challa sɔng.

2 Tɛsɛlongke 3:8

Na chɔɔ amissɛa hir konnuny hɔlɔng hung ngani kùssoyo. Nɔng agge annaa kɛmɛdhdhano na kemesinɛno bar ko kali na kaargareo ke ngaya kenno ngakàmargiyɛung na kɔ̀ttagɛung lɔgɔye.

Tito 2:8

na dhugunɛsɛ hologuna ku dhere na hunde shikkɛye ko hinisi ngadhaginɛ. Na aynde ale zuga marriyɛa agge ammɛ :liya na bhee yokkonɛ lɔkte gɛrsi ninggɛye.

Tito 3:8

Yɔk ngalɔkta koyokkoginy :anyoye a dhere. Na keni madhɛsɛ zuga yɛbhbhɛa Tumu ngalɔkta shɛɛ na kɛmɛtta na kemesigi lɔga challa hinno :Tumu ke ngaya ngalɔkta anɛ challi goore na irishɛ zugo kumulɔngge.

2 Betiros 1:8

Hunde messo ngalɔkta tii na lɔmmo hinisichinne na idhigisinɛye, bhɔdhungɛ na gao Komoruya Na Yesus Kirisos, na gɔngga ko zuga hologun ningginɛna ngaannoo.