Tito 3:1 - Suri Latin

¹ Na madhɛsɛ zuga yɛbhbhɛa kamannaa Yesusi lɔgɔ na bhɛsi sabbi na sɛɛ kalayta rɛhi na kigombɛsɛ zuga allinɛnɛa yɔk na kete zuga hunde senno kemesigi lɔga challaye hinisi ujjonɛa na ɛlla kɔk.

Tito 3:1 ပူးပေါင်းရင်းမြစ်များ

Matiyos 22:21

Na yɔk yaktɛsɛ na seyɛsɛ, “Agga Kesari.” Na nɔng sɛɛsɛ, “Ee hunde a ngangaye, gee Kesariye ayɛ ɛna Kesar. Na ga Tumu, ayɛ ɛna Tumu.”

1 Timotiyos 2:2

Na ogoldɛsɛ chɔɔ komortɛn ko zukte bibi lɔmmɛ zugoye Tumu kumulɔng, na agge kɔ̀tɔlɔmɔ zany na kàbhaga ba lalala na kɛ̀bhɛgɛ lɔga hinno :nɛa shɛɛ na kɛ̀tɛngɛrɛtɔ.

1 Timotiyos 4:6

Na inye madhɛsɛ zuga yɛbhbhɛa Yesus ngalɔkta. Hunde mesi ngangaye, ale ani hira challa kayi Kirisos Yesus. Na ale iriynɛn lɔga ku dhere bere kɔbhbhani kingi, dhugunnogiyɛa bhɛa kɛ̀yɛbhɛa Yesus ko lɔga challa bere madhdhaginyɛa :zugu.

1 Timotiyos 5:10

na gaɛ :zugu kumulɔng hunde a tɛriya irogito erro shɛɛ, na lammana kɔmɔn, na onynyo zuga Tumu ridhing ningginɛna jagarɛ, na ɛana zuga chɔllanɛna, na hini ujjono na hinno bhɛa senno kemesɛ lɔga challa kumulɔngge.

2 Timotiyos 1:6

Na ngaya yɛbhinɛnɛ gooreye, a bhee kɛbhɛsiyɛiny sabba na kalda mɛdhai goore dhogoy na hini kɔchɔa na mesɛ lɔga bere ɛdhdhɛttanɛinyi :Tumu kala bere katadhdhɛinyi :anyo sɛnɔye.

2 Timotiyos 2:14

Na inye yogɛsɛ zuga yɛbhbhɛa Yesus ngalɔkta tii na bhɛsi sabbi na ibbay sara Tumu na lɔga chicho chicho kɛngɔ ngaɛkkɛnyannɛnɛ. Bhee maya ngaɛkkɛnyanɛnɛoye, a ngaya ngalɔkta anɛ ga hologun ningginɛna dhul bhassayɛa chɔɔ zuga shikkɛaye.

2 Timotiyos 2:21

Na nɔng hirre onynyono ridhinga nɛnɛ na i hurrte, ale kòy ke hira bassa messo lɔga dhandala hunde ngaahaya kèmesɛ lɔga dhandalaye na kɛ̀ɛngana ke hira ridhing ningginɛna. Na a hira bassa messo lɔga hinno :Komoruya nɛnɛ. Na bhɛa kènno kèmesɛ lɔga challa kumulɔng i kɔk.

Tito 1:16

Na yɔk yokkonɛ lɔgɔ tok na sennɛ, “Tumu kaggaoyɔ.” Na nɔng hunde kùguny lɔga messɛaye, yɔk dhaa imaggɛyɔ. Na lɔga gɛ a kuhu sɔng na lɔga Tumu ngabhɛkkɛo dhul. Na chɔɔ bhee messɛ lɔga challa ninggɛ dhul.

Tito 2:14

Nɔng anna bere rɛsɛiy agge na kibbayseiy lɔga gɛrsa kumulɔng na kète zuga gɛnyɛ ridhing ningginɛna na hinisiya ga kɔshɔya na kèmesigi lɔga challa hinno :nɛa.

Tito 3:14

Na hunde mesi ngangaye ko yɔk zuga ga ale ɛdhɛmisɛɛ bhɛa hinisi ujjonɛa na messɛa lɔga challa. Na jɔanɛ ahaa ammɛa kali kali na chɔɔ ɛanɛ zug gena na todhdhonya ngaanno.

Tito 3:8

Yɔk ngalɔkta koyokkoginy :anyoye a dhere. Na keni madhɛsɛ zuga yɛbhbhɛa Tumu ngalɔkta shɛɛ na kɛmɛtta na kemesigi lɔga challa hinno :Tumu ke ngaya ngalɔkta anɛ challi goore na irishɛ zugo kumulɔngge.

2 Betiros 1:12

Na mɛa igge chɔɔ ko hunde te ngagiya bɔɔ takto ngalɔkta na iriytɛo lɔga ku dhereye, nɔng anye ngani kɛbhɛseung sabbi dirr na ɛsɛdhɛ lɔgaa gina.

Yihudha 1:5

Nɔng igge gaoyɔ hunde bere Komoru Tumu obhoniseono zuga Isirayeli Gibsigiye na koo dhit ga nɔng ngayɛbhbhɛayoye, na anye keni kɛ̀bhɛseung sabbi.