Tito 2:2 - Suri Latin

² Na madhɛsɛ zuga ku karu lɔgɔ na koytɛsɛ rɛhi hirimo na kete ga bhɛkkɛa rɛhiya gɛ na lɔmmɛa diram bhɛa zugony. Na maya mɛdhdhanɛ na yɛbhbhɛ kamannaa Yesusi na ibhɛsɛnɛ zugo hinisi na nyimmɛ lɔgɔ goore na a dhandali.

Tito 2:2 ပူးပေါင်းရင်းမြစ်များ

Markos 5:15

Na hunaa honynyo chɔɔ bhɛaa ihɛa :Yesusiye, argi hira bɔɔ tɔgɛsɛnɛa :mɛnɛnga ku kamman na amma :lollu hunde dhaa bau na malugu ruminya na tɛu bayte, na yɔk tɛngɛrɛ bho.

Zuga Kèkko 24:25

Na hunde ngani kɔbhɛsɛn bhɛa kònyonɛa ridhing na kànɛa hɔli bhɛa Tumu ko ga kɛbhɛgɛa rɛ shɛɛ ko kala ale attiyɛiy ꞉Tumuye, nɔng Bhilis tɛngɛru bho na sɛɛsɛ, “Te usha! Bana ogo! Ale hunde kako keni kɔ̀bhagany ngalɔkta sɛgɛnde, kegi hiri na elenydɔ.”

1 Tɛsɛlongke 5:6

Na mɛa any kɛ̀bhɛgɛ rɛhi na kɛ̀tɛldi tunɔ. Ngakɛ̀tɛhɛyɛ ko ga ungussɛa.

1 Tɛsɛlongke 5:8

Nɔng agge kan zuga hɔldinuny. Na ga kɛ̀bhɛgɛ rɛhi na kɛ̀yɛbhɛ Yesus na kèteyele zugo. Na ngalɔkta kèmesɛ ngangaye, kɛɛnggiy rɛhi huna ahaa kìchibɛa banggurachin saginɛgiye. Na kìbhtɛsɛ lɔga ale ibbaysiyɛiy :Yesusi hinisi na aynde kɛngiyɛ sabbi huna kuguriya chibbɛa :zuguye.

1 Timotiyos 1:10

ko ga messɛa lollumo ko ga maya assanɛa ga maya lalugɛ ko ga talnɛnɛa zugo ko ga tallɛa ko ga alliyɛa butomo ko ga mallɛa lɔga bhiigɛsɛnɛa zugo ku dhere ko lɔkte imaginɛ ko lɔga ku dhere kàmadhinɛnɛaye kumulɔng.

1 Timotiyos 1:14

Na koo ɛdhdhɛttanany :Komoruya na goore dhogoy na tɔrrɛany bhɛa kɛyɛbhɛi kamannaa challa ko bhɛa kibhɛsɛni zugo hini ke ngaya kɛlɛo ko Kirisos Yesus kari ke dhɔnɛye.

1 Timotiyos 1:2

Na kɔgɔdhdhaginy inye Timotiyos. Inye hɛtto ko eriya nanu ku dhere, ke ngaya yɛbhɛ Kirisos hunde nande. Any kɛdhdhɛttandiny :Babaa Na Tumu ko :Komoruya Na Kirisos Yesusi na kichirbhisiyeny na kayiny zany na bhak ba ke na bo challa.

1 Timotiyos 1:5

Yɔk lɔkte keni madhɛsɛ zugoye hologun a ɛnɛnggeo, kèe zugo kibhtɛsɛ lalugɛ hinisi dhere. Yɔk zuga ibhɛsɛnɛa lalugɛ hinisi dhere, agga hinisiya gɛ ɛlla hurr na ɛsɛdhdhɛa lɔga challa na yɛbhbhɛa kamannaa challa dhere.

1 Timotiyos 3:11

Na ko yɔk tɛrro, maya agga ɛngɛrsɛa :zugu na zugo ngakedhdhɛayo na ojjɛsɛnɛa rɛhi hirimo, na lɔga messɛa :yɔkku kumulɔng yɛbhbhɛa :zugu.

1 Timotiyos 3:2

Nɔng gulsaa bo allinɛnɛa zuga yɛbhbhɛa Yesus, maya anna messo lɔga ku dhere gayɛa :zugu kumulɔng, na lɔmma tɛri dhɔnɛ sɔng, na ojjɛsɛna rɛ hirimo, na bhɛkka rɛa nɛnɛ shɛɛ, na lɔmma diram bhɛa zugony, na lammana kɔmɔn, na gaa bhɛa madhɛa zugo,

1 Timotiyos 3:4

Na nɔng maya a hira lɔmma zuga gɛnyɛ shɛɛ, na madhdha erroa gɛnyɛ na igomɛsɛnɛa nɔng na ɛngɛrsɛa goore.

1 Timotiyos 3:8

Na ko yɔk zuga kachchɛa zuga yɛbhbhɛa Yesus maya a zuga ɛngɛrsɛa :zugu, na mɛzziyɛa lɔga ku dib, na chuttaya woynuny goore ngamattɛayo. Na lɔga tabhɛa zugo na jɔanɛa birinya hɔlɔng ngamessɛayo.

1 Timotiyos 5:1

Na hira bo, gɔny huna babaa nunu na lɔgɔ madhɛsɛ haalɛ. Goore ngaɛggɛyɛsɛni na wologi. Na tɛgɛn, gɔny huna gochonginyaa gunyu.

Tito 1:13

Yɔk ngalɔkta bere yok :hiriyɔye dha bere a dhere. Na mɛa madhɛsɛ goore na kɔdhɔyɔ ngalɔktonu na kɛyɛbhɛ kamannaa Yesusi shɛɛ na kiriytɛ na kete dhandali.

Tito 1:8

Yɔk lɔkte maya me :nɛaye a ɛnɛnggeo, maya a hira lammana zugo na hinno lɔga challa na tɛlla lɔgɔ na bhɛkka rɛa nɛnɛ shɛɛ na ridhing ningginɛna na kedhdho lɔgɔ dib.

Tito 2:7

Na ko inye me lɔga challa kali kali na dhɔlɛsɛ yɔk gɔrɔ. Na hunde madhɛsɛn lɔgɔye, madhɛsɛ dib, na kɔbhɛsɛ shɛɛ,

Silimona 1:9

Na nɔng lɔgɔ nganga hung ngakajjinyo, kɔtɔllɔhaginy ke ngaya kìbhinɛnɛ hinisi na anye kanɛ hira nyagasa kìchibbɛanyi lɔga Yesus Kirisosiye.

2 Betiros 1:6

Na bhɛa anɛo zuga gao bho, tɔrtɛ bhɛa ojjɛsɛno rɛhi hirimo. Na bhɛa anɛo zuga ojjɛsɛno rɛhi hirimo, tɔrtɛ bhɛa nyimɛo lɔgɔ. Na bhɛa anɛo zuga nyimmo lɔgɔ, tɔrtɛ bhɛa messɛo lɔga hinno :Tumu dib.