Tito 2:12 - Suri Latin

¹² Na ngalɔkta kìchirbhisiyɛiyte, madhdhagiyɛ bhɛa kàmarɛa lɔga gɛrsa ko ga kìchirkanna ɛlla bay ngaya marra :Tumu. Na lammaniyɛ na kɛ̀bhɛgɛ rɛhi na kɛ̀tɛldi hurr. Na hunde ngani kàbhak baye, kèmesigi lɔga hinno :Tumu sɔng.

Tito 2:12 ပူးပေါင်းရင်းမြစ်များ

Matiyos 12:32

Nɔng hirre dhɔm Hiri Hoynɛye, bhɛa ale kùjjugɛa lɔga gɛnyɛ gɛrsa na kèsenɛsɛna, ‘Any kagarayɛ,’ ihe. Na nɔng inde dhɔm Kuloya Tumuye, lɔga gɛnyɛ gɛrsa ngakùjjukko dhul ko kingi.

Matiyos 16:24

Na sɛɛsɛ zuga kɔbhbhɛa nɔng, “Inde hin bhɛa senno keteɛ hira kɔbhbhanyi anyeye, maya dhɔt lɔga sabbaa nɛnɛ na it kɛya kìlagɛa na kɔbhbhany kali kali.

Matiyos 28:20

na madha na kɔbhtɛsɛ lɔga taa kamadhdhagungu :anyo kumulɔng na kɛbhɛgɛtɔ. Nɔng anye tii tii kɛ̀l kari ko igge ko bhee uturronɛ ba.”

Yohanis 14:30

Na mɛa lɔkte kɛ̀mɛzzɛɛ ko igge dirr ninggɛ, ke ngaya komoruya allinɛnɛa ngabaya se kugoye. Na chɔɔ nɔng anye ngaallinɛnɛanyo.

Yohanis 6:25

Na zugo hunaa hɛa na orrɛa Yesus yirisiyɔ tandɔye, ghini na seyɛsɛ, “Hira Madhdhiye, ngaya kuni minang?”

Zuga Kèkko 24:16

Na kali kali kɛmɛdhdhan goore na bhɛa zugony ko bhɛa Tumu lɔga gɛrsa ridhinguny hinisɔ ngakɔlɔmi na kàbhak ba shɛɛ.

Zuga Kèkko 24:25

Na hunde ngani kɔbhɛsɛn bhɛa kònyonɛa ridhing na kànɛa hɔli bhɛa Tumu ko ga kɛbhɛgɛa rɛ shɛɛ ko kala ale attiyɛiy ꞉Tumuye, nɔng Bhilis tɛngɛru bho na sɛɛsɛ, “Te usha! Bana ogo! Ale hunde kako keni kɔ̀bhagany ngalɔkta sɛgɛnde, kegi hiri na elenydɔ.”

1 Tɛsɛlongke 4:7

Nɔng Tumu ngani lollumo keliogiysho. Bere eleey na kabhaga ba na kète zuga hɔla ridhing ningginɛna.

1 Tɛsɛlongke 4:9

Na yɔk ngalɔkta yelnɛnɛo kɛngɔ kɛngɔye bhee kɔ̀gɔdhdhagɛung dadab na kàmadhdhagɛungu ninggɛ. Annaa bere madhungɔ :Tumu kɛr.

1 Timotiyos 4:12

Na ngakatamayiny :konɔng ke ngaya ngani anɛ chinyiye. Te hira mɛzzii lɔgɔ shɛɛ na mesi lɔga hinno :Tumu na ibhɛsɛni zugo hini na yɛbhi kamannaa challa na ihi hurr. Na hunde orrɛa :zuga kɛ̀yɛbhbha Yesus kariye, orronɛa na messɛa.

1 Timotiyos 6:17

Na yogɛsɛ zukte aha mɛrte lɔgɔ na ngadhunggurrɛ na iddirnɛnɛ aha mɛrtin, ke ngaya ahaa kɔ̀lɔmma bay ngaya anɛ ga oddoniyɛa na garsɛa shaw hungge. Na yogɛsɛ na kiddirtɛy Tumu, Komoruya ɛdhdhɛttanniy lɔkke kumulɔng na ajjiy bhɛa hinisiya ga anɛa hɔli.

1 Timotiyos 6:9

Yɔk zukte hinnɛ bhɛa senno keteyɛ zuga aha mɛraye, dokkonɛ lɔga gɛrsa illobbɛa zugo na kɔngngɛ :lɔkku. Na messɛ lɔga bo mɛra dallemo tissɛa zugo na ɛddɛnɛnɛa na garsɛa,

2 Timotiyos 3:12

Yɔk chɔɔ zukte yɛbhbhɛ Kirisos Yesus na hinnɛ bhɛa senno kemesɛ lɔga hinno :Tumuye kumulɔng, ale kàhanggɔ.

2 Timotiyos 4:10

ke ngaya Demas nɔng bɔɔ tɛhɛnɛa lɔga messɛa :zuga marrɛa Tumu na dhɔyanyɔ na okka Tɛsɛlongkegiyeye. Na ko nɔng Kerike bɔɔ okka Galatiyagiye, na Tito ko nɔng okka Dalmatiyagiye.

Tito 3:3

Nɔng agge bere sabbɔ kànna dalnɛ na kàmarra lɔga Tumu na itabhbhagiyɛa :zugu lɔga gɛrsa na kèmessoyɔ. Na kɛ̀hɛtta ko gaymanyaa chibbeyɛa :lɔga bo mɛra gɛrsa kìhinnono :aggeu na bhɛa kɔ̀dhɔyɛa ningginɛna. Na kànna ga bo kɔ̀chɔlɔssa ahaa zugony na kèmesso zugo gɛrrɛng gɛrrɛng na chɔɔ kàmarnɛna kɛngɔ na marriyɛa :zugu.

Yaykob 1:27

Yɔk lɔkte chal hinnogiy :Babaa na Tumu na kɛ̀bhɛgɛ na ridhing ngakɔ̀lɔmiye a ɛnɛnggeo, kèe kɛ̀ya erroa ku bhoyoga ko tɛrroa ku bhoyoga chɔllanɛna na kɛ̀bhɛgɛ rɛhiya ga bhɛa lɔga gɛrsa lɔmmɛa ridhing messɛa :zugu.

2 Betiros 2:9

Yɔk ngalɔkta kumulɔng, dhugunnonɛ bhɛa Komoru Tumu gayɛa ganggua ibbaysiyɛa zuga yɛbhbhɛa nɔng dhere hunde dokkonɛ lɔga kìllobɛaye. Na chɔɔ zukte bhorɛɛ baye, gayɔ hunde atti ɛnɛng na oy ko bhee anɛ kala ale kedhdhɛa :nɛa lɔga zugony kumulɔngge.

2 Betiros 3:11

Na mɛa hunde aha kumulɔng a ngagiya dhaa ale kùhukkana ngangaye go, na igge maya anno zukte ku ɛnɛng? Igge maya kɛnginyano ke zuga kachcho Tumu na messo lɔga hinno :nɛa na bhɛkko shɛɛ,

1 Yohanis 2:27

Nɔng igge anno zuga bere kùhudhtongngɔ Kuloya Hira Kullɛna na ngani ɛllo ko nɔng kari ke dhɔnɛ na bhee madhdhɛung :hir konnɔ ninggɛ. Nɔng ngakuloytonu madhdhagung lɔgɔ kumulɔng. Na lɔkte madhdhagungge agga ku dhere, ga ku butomo ngayo. Na mɛa igge tɛldi ko Kirisos kari ke dhɔnɛ damiya bere dhugunnogɛungu :Kuloya Tumu.

1 Yohanis 5:19

Na chɔɔ hunde kan erroa Tumu na yɔk zuga marrɛa Tumu kumulɔng agga allinɛnɛa :Moldoyɔye, kàggayɔ.

Yihudha 1:18

Yɔk annaa bere sennagungɛa, “Bɛrgua ale wurtune, zuga kɔbhbhɛa lɔga ku kuhu hinnonɛa sabbiya gɛ na bhɔsɔrrɛa Tumu ko zuga gɛnyɛ, ale bansanɛyɔ.”