Tito 2:11 - Suri Latin

¹¹ Nɔng Tumu annaa bere dhugunɛsɛa zugo kumulɔng bhɛa chirbhisiyɛa na senno kibbaysɛɛ.

Tito 2:11 ပူးပေါင်းရင်းမြစ်များ

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Markos 16:15

Na sɛɛsɛ, “Banda ago ba kumulɔng, na madhtɛsɛ zugo kumulɔng kamannaa challa.

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 1:9

Nɔng hɔldina ku dhere bhelegɛsɛna zugo ganggua basseyny dha bere anna bo kunno na senno kassa zuga bhakkɛa ba kumulɔng.

Zuga Kèkko 11:23

Na nɔng hunaa kɔa na dokkono na orro lɔga bo challa chirbhisiyɛa ꞉Tumu zugoye, dɛlu goore na iriyu na kɛmɛtta na kɛyɛbhɛ Komoru hinisichinne kumulɔng.

Zuga Kèkko 13:43

Na zugo hunaa bhassaninyana doraa kàmadhɛa zugo lɔga Tumuye, zuga Ayhudhi ga mɛra ko bhorinya gen ga yɛbhbhɛa Damiya Tumu bere kàjjɛa Muse goore kɔbhɔ Bhaulos ko Barnabas. Na yɔk madha na kiriytɛ na kabhaga chaldina Tumu tii.

Zuga Kèkko 13:47

Nɔng bhee koyokkogɛung ngalɔktaye anna bere Komoru ajjiy lɔgɔ na sennagiy, “ ‘Kekkoginy bhorinyaa anaa na te hɔldina terinyi bhɛa kɔrra. Na dagɛ surr ba uturey na yogɛsɛ zugo lɔga ganyu kumulɔng na kabayɛyɔ.’”

Zuga Kèkko 17:30

Nɔng bɛrgunyaa bere sabbune ngalɔkta huna zugo imaggɛa na messonɛa, Tumu annaa nyima. Na nɔng mɛa ajjɛ zuga bhakkɛa ba kumulɔng lɔgɔ, na kujjugu lɔga gɛ gɛrsa, na kohoya gɔra nɛnɛ.

Zuga Kèkko 20:24

Lɔga bere ajjanyi ꞉Komoruyɔ Yesusi na kòyogɛsɛ zugo kamannaa Tumu challa chirbhisiny ko bhee kedheshshanɛ, ngakadasiiyo. Na chɔɔ hunde ko kadaga lɔkte gɛrsi, lɔgɔ ninggɛ.

2 Tɛsɛlongke 2:16

Nɔng Komoruya na Yesus Kirisos sabbaa nɛnɛ ko Baba Tumu na bere yelliy na chirbhisiey na irishshey kali kali na kɛ̀yɛbhɛ lɔga ale kɔ̀jɔanɛa basseya iho dhul ko kingi,

1 Timotiyos 1:14

Na koo ɛdhdhɛttanany :Komoruya na goore dhogoy na tɔrrɛany bhɛa kɛyɛbhɛi kamannaa challa ko bhɛa kibhɛsɛni zugo hini ke ngaya kɛlɛo ko Kirisos Yesus kari ke dhɔnɛye.

1 Timotiyos 2:4

Nɔng hin bhɛa senno kabayɛ :zugu kumulɔng na kataktɛ kamannaa nɛnɛ bhɛa anɛa dhere.

2 Timotiyos 1:10

Na yɔk mɛa ngalɔkta bɔɔ dhugundiyaa tok ke bhɛa bere kunɛa :Kirisos Yesusi, Komoruya Na Ibbayseiy agge. Nɔng anna bere igariseo rɛsɛ na dhugunnogiy bhɛa kɔ̀jɔanɛa basseya iho dhul hunde kɛ̀yɛbh kamannaa challaye.

2 Timotiyos 4:17

Nɔng Komoru annaa bere kɛllo kari na irishshonyi na ajjanyi gidhdhing na kàmadhɛsɛ bhorinyaa anaa kumulɔng kamannaa challa na kishigitɔ. Na chɔɔ nɔng bere ibbayseonyɔ bhɛa ajjo ngani kussɛanyɔ :ngatunyɔ na kabawa.