Tito 1:2 - Suri Latin

² Na hunde yɛbhɛ ngakamannaya ku dhere na bhɛgɛ shɛɛye, ibhɛsɛnɛ lɔga ale jɔanɛa basseya iho dhul hinisi damiya bere ɛsɛdhdhanɛa :Tumu sabbaa nɛnɛ huna chɔɔ ba ngani kètegenyoayo. Yɔk ngalɔkta hunde a dhereye, kàggayɔ ke ngaya Tumu butomo ngameziyɛoye.

Tito 1:2 ပူးပေါင်းရင်းမြစ်များ

Matiyos 25:34

“Na nɔng Komoru ale senɛsɛn gaa ɛlla bhɛa nɛnɛ sɛtɛn, ‘Igge ngagiya bere tuhong :Babaa nanuye, hoya bhaga bhɛa lɔmɛungu :nɛa bere kɔdhdhanɛa bɛrgua ngani kèghendonɛa ba ko mɛa toye na ojjogungu kɔk.

Matiyos 25:46

Na ngazukta gɛrɛ ku ngangaye yɔk ale hɛ bhɛa attiya iho dhul ko kingi. Na yɔk ga ridhing ningginɛna ale hɛ bhɛa basseya iho dhul.”

Markos 10:17

Na Yesus hunaa ngani senno kɔgɔdhay wochinde, hir kona ngea gɔra nɛnɛ na tɔgɔdhɛsɛ kɔmma na sɛɛsɛ, “Ngahirra chal madhdhiyte, ngangaye bhɛa keni kɔ̀jɔyay basseya iho dhul maya kemesi ɔng?”

Markos 10:30

yɔk ngabɛrgunyaya mɛa toyneye, ale kɛ̀dhdhɛttan na lɔga gɛ jorronɛ ga bɔɔ sabbune jagarɛ kɛngi zugo hayna, na ale lɔmmɛ doriyo, gochonginya, ngɔnigɛ, jugɛ, erro ko gunya na marrɛ :zugu na chɔllanɛyɔ. Na yɔk bɛrgunyaye wurtune ale andanɛye, ale kàjjɛ basseya iho dhul.

Yohanis 10:28

Na kajjɛ basseya iho dhul na ngagarsɛ. Na chɔɔ inde ale mayichchonony bhɛa ɛlɛa siya nanu, ninggɛ dhul.

Yohanis 17:2

ke ngaya bere ajjɛ buyna allinɛnɛa zugo kumulɔng na ko nɔng kibha basseya iho dhul na kaynɛ zuga bere ibhbhani :inyo na ajjɛi nɔng kumulɔngge.

Yohanis 17:24

“Na mɛa Babaye, ngazukta bere ajjanyde keni kɛ̀tɛldo ko anye kari bhɛa kihɛi na kargi dirama nanu bere ajjanyi :inyo ke ngaya bere ibhbhagɛany anye hini huna ba ko tumu ngani kètegenydoayoye.

Yohanis 5:39

Nɔng igge toyeo dadabinyaa Lɔga Tumu goore na marakko ke ngaya senno ale jɔanɛo ganggua basseya iho dhulde. Yɔk ngadadabinyaonu agga yokkɛa lɔga ganyu

Yohanis 6:54

Na nɔng inde am ayuga rɛa nanu na ma nyawaa ganyuye, lɔ basseya iho dhul. Na ale kala wurtune kɔdhɔngngan rɛsɛyɔ

Yohanis 6:68

Na Simon Betiros yagɛsɛ na sɛɛsɛ, “Komorue, anda ale kɛhɛo bhɛa nini? Lɔga ajjiyɛa basseya iho dhul lɔmi :inyo.

Zuga Kèkko 15:18

Anye Komoruya bere koyogɛsɛni zugo ngalɔkta sabbɔ, keseni nganga.’

1 Tɛsɛlongke 2:15

Yɔk agga bere kɔdhdhɛa Komoru Yesus ko zuga yogɛsɛnɛa zugo lɔga dhugunono :Tumu na hangiyɛa chɔɔ agge na ajjɛa Tumu munyu. Na chɔɔ kɔnkɔnnɛa na marrɛa zugo kumulɔng

1 Tɛsɛlongke 5:8

Nɔng agge kan zuga hɔldinuny. Na ga kɛ̀bhɛgɛ rɛhi na kɛ̀yɛbhɛ Yesus na kèteyele zugo. Na ngalɔkta kèmesɛ ngangaye, kɛɛnggiy rɛhi huna ahaa kìchibɛa banggurachin saginɛgiye. Na kìbhtɛsɛ lɔga ale ibbaysiyɛiy :Yesusi hinisi na aynde kɛngiyɛ sabbi huna kuguriya chibbɛa :zuguye.

1 Timotiyos 6:12

Na mɛdha goore dhogoy huna bansanayny na yɛbh Tumu dhul ko kingi, na hini ngakedhdhi. Na tii ibh lɔga basseya iho dhul bere kèliyɛinyi kala bere dhugunnonɛi bhɛa anɛi hira yɛbhi Kirisos dhere na orrɛinyɛa :zuga bo mɛra.

1 Timotiyos 6:19

Yɔk hunde messɛ ngangaye, shogisɛnɛ rɛhiya gɛ lɔga challa shigininyanɛa lɔga ale kɛ̀dhdhɛttanɛa yɔk ahaa bo dhandala bɛrgunyaye ale andanɛye, na jɔanɛ basseya ku dhere.

2 Timotiyos 1:1

Ngadadabta kɔgɔdhan :anyo Bhaulosi, hira ekonyi :Kirisos Yesusi damiya bere sennanɛa :Tumu na kàmadhɛsɛ zugo lɔga basseya iho dhul lɔmma :Kirisos Yesusi bere bhiigɛsɛna :Tumu zugo.

2 Timotiyos 1:9

Nɔng Tumu bhee bere ibbaysiyɛiy na bɛrranɛiy na kèteɛ zuga kɛ̀ɛnginyana ridhing ningginɛnaye, ke bhɛa bere kèmesɛa lɔga challa ngayo. A bhɛa bere ojjonɛa :nɛa tɔllɔng ko bhɛa bere ɛdhdhɛttannɛiy agge. Na ngalɔkta ɛdhdhɛttannɛiy na ajjɛiy Kirisos Yesuse, agga bere ojjono :nɛa kingi chɔɔ huna bere ba ko tumu ngani kètegenydoyɛayo.

2 Timotiyos 2:10

Na mɛa anye kujjɛsɛn hini bɛ na kinyimi lɔkte chɔllaunyde kumulɔng na zuga bere bɛrrana :Tumu ko yɔk kaynɛ :Kirisos Yesusi bassey ko bhɛa lɔmɛa dirama iho dhul ko kingi.

2 Timotiyos 2:13

Na chɔɔ agge ko hunde nɔng ngakɛ̀yɛbhi, nɔng kali kali i ke na kìbhɛsɛna hinisi na kɛ̀yɛbhbha, ke ngaya bhee kɛnganɛ rɛa nɛnɛ na imagɛ ningginɛnɛye.”

2 Timotiyos 2:15

Na lɔkte mesiye kumulɔng mɛnyɛsɛ goore dhogoy na kɔgɔnyɛiny :Tumu ke hira ku kadhinyogiya bassa liya ngaamɛayo madhɛsɛna zugo lɔga ku dhere dib.

Tito 2:13

Na ko bhee ale wokkonɛ :Komoruya na bo tuhinɛna lɔmma diram bere ibbayseiy kènno Yesus Kirisos, agge maya kɛ̀l kɔk na kère nɔng.

Tito 2:7

Na ko inye me lɔga challa kali kali na dhɔlɛsɛ yɔk gɔrɔ. Na hunde madhɛsɛn lɔgɔye, madhɛsɛ dib, na kɔbhɛsɛ shɛɛ,

Tito 3:7

Na aynde Tumu chirbhisiɛy agge na kɛ̀tɛldi hurr bhɛa nɛnɛ na kète erroa gɛnyɛ kìbhɛsɛna lɔga ale kɔ̀jɔanɛa basseya iho hinisiye dhulde.

1 Yohanis 2:25

Na hunde kɛ̀l kari ke dhɔnɛye, kɔ̀lɔ basseya iho dhul bere bhiikkagiy :Kirisosi.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

Yihudha 1:21

Na hunde ngani reo kolea ale chirbhisiyɛungu :Komoruya Na Yesus Kirisosi na ajɛungu basseya iho dhulde, tɛldi ko Tumu kari ke dhɔnɛ tii na tagatɔ hunde ibhbhagung hiniye.