Tito 1:16 - Suri Latin

¹⁶ Na yɔk yokkonɛ lɔgɔ tok na sennɛ, “Tumu kaggaoyɔ.” Na nɔng hunde kùguny lɔga messɛaye, yɔk dhaa imaggɛyɔ. Na lɔga gɛ a kuhu sɔng na lɔga Tumu ngabhɛkkɛo dhul. Na chɔɔ bhee messɛ lɔga challa ninggɛ dhul.

Tito 1:16 ပူးပေါင်းရင်းမြစ်များ

1 Timotiyos 1:9

Na sɛgɛn agge kàggayɔ hunde damiya Tumu na bere kàjjɛa zuga ridhing ningginɛna ngayoye. Nɔng ngadamita Tumuye, bere kàjjɛa zuga damiya Tumu ngabhɛkkɛayo ko ga bhoriyɛa ba ko ga Tumu ngaɛngɛrsɛayo ko ga messɛa lɔga gɛrsa ko ga lɔmmɛa ridhing na lɔga Tumu ngatɔgiyɛayo ko ga kɔdhdhɛa choynggɛ ko jugɛ ko ga nissɛa zugo

1 Timotiyos 5:8

Nɔng hirre bhɛnɛna gɛnyɛ ngalɔmmo na mar chɔɔ bhɛa ɛanɛa zuga doraa nɛnɛye, a hira dha bɔɔ dhɔtta bhɛa yɛbhɛa Tumu na tewa gɛrɛ na jaraa chɔɔ hira Tumu ngani kɛyɛbhbhao.

2 Timotiyos 3:17

na zuga kachchɛa Tumu kɛtɛldi kɔk na kɛtɛhɛnɛ bhɛa mesɛa lɔga challa kumulɔng.

Tito 3:1

Na madhɛsɛ zuga yɛbhbhɛa kamannaa Yesusi lɔgɔ na bhɛsi sabbi na sɛɛ kalayta rɛhi na kigombɛsɛ zuga allinɛnɛa yɔk na kete zuga hunde senno kemesigi lɔga challaye hinisi ujjonɛa na ɛlla kɔk.

Tito 3:3

Nɔng agge bere sabbɔ kànna dalnɛ na kàmarra lɔga Tumu na itabhbhagiyɛa :zugu lɔga gɛrsa na kèmessoyɔ. Na kɛ̀hɛtta ko gaymanyaa chibbeyɛa :lɔga bo mɛra gɛrsa kìhinnono :aggeu na bhɛa kɔ̀dhɔyɛa ningginɛna. Na kànna ga bo kɔ̀chɔlɔssa ahaa zugony na kèmesso zugo gɛrrɛng gɛrrɛng na chɔɔ kàmarnɛna kɛngɔ na marriyɛa :zugu.

1 Yohanis 2:4

Nɔng inde se, “Anye Tumu kaggayɔ,” na lɔga ajjɛa :Tumu ngamessoye, a butogi na lɔga Tumu ku dhere bhɛa nɛnɛ ninggɛ.

Yihudha 1:4

Nɔng bhee kɔgɔdhdhagɛung ngalɔktaye, a ngaya zug gena dha bɔɔ dhulday dari na assayɛung iggeye. Yɔk ngazuktonu lɔga gɛ ale kùjjukkanɛa, annaa bere kɔ̀gɔndɛsɛa dadab toye kingi. Yɔk a zuga Tumu ngaɛngɛrsɛayo na ibhbhanɛa lɔga bere ɛdhdhɛttannɛiy :Komoruya Na Tumu na bhɔdhdhɛa ke lɔga messɛa lollumo na mallɛa Yesus Kirisos Komoruya na dhɔnɛna lɔmmiy agge.