Tito 1:11 - Suri Latin

¹¹ Na maya kòyogɛsɛn na tugiya gɛ kabhbhɛyɔ ke ngaya madhɛsɛnɛ zugo lɔga ku butomo na gena dhɔyɛ kamannaa Yesusi ko zuga doriyoa gɛye. Yɔk bhee madhɛ zugo ngalɔkta gɛrɛse, a ngaya se kɔjɔyay birinya hungge.

Tito 1:11 ပူးပေါင်းရင်းမြစ်များ

Matiyos 23:13

“Na mɛa ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, igge ale ruyɛo rɛhiya gu, ke ngaya nyugɛo ganggua senno kaytɛ :zugu gɔra lɔmɛa :Komoruya tumony zugoye. Nɔng igge sabbiya gu rɛ, marro bhɛa hɛyɛo bhɛa lɔmɛa :Komoruya tumony zugo na chɔɔ kanyɛo zuga hinnɛa bhɛa senno kaytɛ ngonu.

Yohanis 10:12

Nɔng hira iwoo mɛdɛrni ke sayo ko ɛnaa mɛdɛrniuny ngahɛtto. Hira iwoo ke sayo hunde or yoyaye, nɔng dhɔ mɛdɛrni na nge na oddɛsɛn yoya. Na yoya ammɛ na gena bhassaɛyɔ.

1 Timotiyos 5:13

Na sɛgɛn ale orronɛ lɔga gɔnggamo na woɛ doriyoa zugony tòlong tòlòng. Na chɔɔ yɔk gɔngga sɔng ngayo, agga woyɛa lɔgɔ gɔrɔ na juhɛa lɔga zugony ngani kataktao.

1 Timotiyos 5:4

Na nɔng hunde tɛriya ku bhoyogi kona lɔ erro oo ashaye, ngaerroonu ko ngagenu ku ashaye, yɔk ga sabbɔ maya ɛdhɛmisɛɛ bhɛa ɛanɛa zuga gɛ na urrugɛsɛnɛ lɔga bere mesɛsɛnɛa :jugɛu ko :choynggɛu ko :koginggɛu ko :ohinggɛa gɛ na aynde messɛ lɔga kɛ̀yɛbhɛa Tumu na gaɛ bhɛa kèmesɛa lɔga hinno :nɛaye. Ngagiya a lɔkte ajjɛ Tumu hini hɔldinde.

1 Timotiyos 6:5

na tissɛ :zuga sabbi gɛrsa imaggɛa lɔga ku dhere, na yɔk ibhbhanɛ lɔga Tumu na bhɔdhdhɛ ke zinggoa jɔanɛa birinya.

2 Timotiyos 2:18

Yɔk ngazukta bere dhɔtta kamannaa ku dhere na se kèe lɔga ale bansanɛa :zugu rɛsɛyɔ dha bere bhugnyɛsɛnɛ kingi. Na madhɛsɛnɛ zuga yɛbhbhɛa Yesus gena ngalɔkta na tissɛ na zugo dhɔttɛ bhɛa yɛbhɛa Kirisos.

2 Timotiyos 3:6

Yɔk ngazukta agga tabhɛsɛnɛa zugo lɔgɔ na hɛa doriyoa zugony na tabhbhɛa tɛrroa tɔlgɔnya messɛa lɔga gɛrsa na margiyɛa :lɔga bo mɛra ku kuhu hinnonɛa :sabbiya gɛ na chɔllanɛnɛa.

Tito 1:7

Na gulsaa bo allinɛnɛa zuga yɛbhbhɛa Yesus nɔng maya anna ngadhunggurroo na hini chinyi ngaannao na ngadhutiyoo, na ko zugo ngadhaginɛnao, na birinya ngayelloo. Na maya anna messo lɔga ku dhere gayɛa :zugu kumulɔng ke ngaya nɔng bere ibhɛsɛn :Tumu hini na mesɛ zinggoa bere ajjɛa :Tumuye.

Tito 1:9

Na sɛgɛn maya kɔbh kamannaa Yesusi kìbhɛsɛna hinisi goore damiya bere kàmadhɛsɛna sabbɔ. Na aynde ale madhɛsɛn zugo na iriy na ko yɔk gaɛ hologun shɛɛye. Na ko yɔk gee dhaginɛ ko hinisi na marrɛye ale madhɛsɛn haalɛ na dhugunɛsɛn hologun dib.

Tito 3:10

Na hunde lɔ hirre ti zugo na kegendɛ kɛngɔye, ibbaytɔ. Na hunde ngani me ngangaye, ibbay sɛgɛn. Na kalda wurtɔ hunde tɔrɛye, dhuy go dhɛɛ.