Tito 1:10 - Suri Latin

¹⁰ Yɔk zuga irrannɛa na marrɛa ngalɔkta na itabhbhɛa zugo na woɛa lɔgɔ gɔrɔ a mɛri. Yɔk ngazuktonu messɛ ngangaye dhogoy gena a ngazukta madhɛsɛnɛ zuga yɛbhbhɛa kamannaa Yesusi lɔga kègedhdhɛa rɛhiya mayaye rɛ.

Tito 1:10 ပူးပေါင်းရင်းမြစ်များ

Matiyos 23:14

“Na igge ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu, ke ngaya tiranyɛo tɛrroa ku bhoyoga na usurranɛo ahaa gɛye. Nɔng igge attiya nu, ale a dhandali, ke ngaya hunde allinɛno ko Tumuye, ekkanɛo lɔgɔ dirr huna naa senno kartɛung :zuguye.

Zuga Kèkko 11:2

Na Betiros hunaa wokko Yerusalemɔye, wologo ꞉zuga yɛbhbhɛa Yesus bere kedhdhɛa rɛhiya maya.

Zuga Kèkko 15:1

Na kali kona zug gena hoya Yudhagiye na ago Ansokiyagiye. Na madha zuga yɛbhbhɛa Yesus na seyɛsɛ, “Hunde rɛhiya gu maya huna kera bere Muse ngakedhdhooye, Tumu lɔga gu gɛrsa ngaibbayseongo.”

Zuga Kèkko 15:24

“Bare kishikto hunde dha bɔɔ zuga gayo gena bansanɛ ꞉eygo na assanungɛ igge na madhdhagungɛ lɔga rɛkungɛa na margeungɛye. Agge ngazuktonu yɔk ngani kèktoyo.

Zuga Kèkko 20:29

Nɔng anye kaggayɔ. Ale hunde kɔgɔye, zuga kɛngi gɛrsa zugo ngachirbhisiyɛayo hony huna yoyany na dhushshɛ zuga yɛbhbhɛa Yesus bhɛkko ꞉iggeu.

1 Timotiyos 1:4

Na yogɛsɛ na kɔdhɔyɔ lɔga dhagɛa kali ku butomo ko bhɛa kɔbhɛa sara bere kokonginyaa gɛ kinginye hɛa na ngauturronɛayo dhul. Yɔk ngalɔkta ku ngangaye, ga irishshɛa zuga yɛbhbhɛa Tumu na kɔɔbhtɛ lɔga gɛnyɛ na kemesɛ zinggoa gɛnyɛ ngayo. Agga honynyɛa ɛkkɛnyan.

1 Timotiyos 1:6

Na yɔk ngazukta madhɛsɛnɛ zugo kamannaa ku butomoye gena bere kɛnggaa rɛhi bhɛa ngalɔkta ku dhereye, na ayta gɔra lɔga hologun ningginɛna.

1 Timotiyos 1:9

Na sɛgɛn agge kàggayɔ hunde damiya Tumu na bere kàjjɛa zuga ridhing ningginɛna ngayoye. Nɔng ngadamita Tumuye, bere kàjjɛa zuga damiya Tumu ngabhɛkkɛayo ko ga bhoriyɛa ba ko ga Tumu ngaɛngɛrsɛayo ko ga messɛa lɔga gɛrsa ko ga lɔmmɛa ridhing na lɔga Tumu ngatɔgiyɛayo ko ga kɔdhdhɛa choynggɛ ko jugɛ ko ga nissɛa zugo

2 Timotiyos 3:13

Na yɔk zuga ku kuhuyaga ko ga ku butoga, ale ngani tabhbhɛ zugo na ko yɔk tabhbhɛ :zug genne na idhigisisɛnɛ rɛhi kuhuyamo na hɛ na gɛrɛ goore dhogoy.

2 Timotiyos 4:4

Na ale marrɛ bhɛa senno kichirartɛ lɔga ku dhere, na nyabha bhagayɛ gɔra lɔga ku butomoa dhagɛa :zugu kali.

Tito 1:6

Nɔng hira bo lɔmma zuga yɛbhbhɛa Yesus, maya a hira messo lɔga ku dhere na gayɛa :zugu kumulɔng. Na maya lɔ tɛri dhɔnɛ na erroa gɛnyɛ agga yɛbhbhɛa kamannaa Yesusi na hudhak hudhak ngamessɛayo na ngairrannɛayo.

Yaykob 1:26

Hirre se, “Kani hira kɛbhɛgi lɔga Tumu shɛɛ,” na tuga nɛnɛ ngakabhbhoye, nɔng ngangaye, tiranyɛ rɛ na bhɛa bhɛgɛa lɔga Tumu dhaa a butogi.

1 Yohanis 2:18

Erroa ganyuye, nɔng mɛa toye nganda a kolea senno kuturoy ba. Nɔng mirogiya Kirisosi hunde ale kunde annaa bere shikto. Na chɔɔ mɛa toye mirɔga Kirisosi ga bo mɛra bɔɔ bandaa. Na ngalɔkta dhugunnogiyɛ bhɛa kàggayɛa hunde nganda a kolea uturronɛa baye.

1 Yohanis 2:4

Nɔng inde se, “Anye Tumu kaggayɔ,” na lɔga ajjɛa :Tumu ngamessoye, a butogi na lɔga Tumu ku dhere bhɛa nɛnɛ ninggɛ.

1 Yohanis 4:1

Ngazukta gany kibhbhagung hiniye, zukte se yokkonɛ lɔga dhugunɛsɛna :Kuloya Tumuye kumulɔng nganga hung ngayɛbhbho. Maraga shɛɛ na tagatɔ hunde lɔga gɛ agga dhugunɛsɛna :Tumu dhereye. Bhee maya maragɛo ngangaye, a ngaya zuga ku butoga bhɔdhdhɛa lɔgɔ na yokkonɛa huna naa dhugunɛsɛna :Kuloya Tumu dha bɔɔ banda na asanydɛsɛ ba kumulɔngge.