Matiyos 9:27 - Suri Latin

²⁷ Na Yesus hunaa ngani dhɔtta ngonu na kɔaye, yɔk zukte ku ramman kawarɛ chagi kɔbhta nɔng na yoktɛsɛ lɔgɔ goore na seyɛsɛ, “Ashaya Dawiyye, chirbhisieyyɔ!”

Matiyos 9:27 ပူးပေါင်းရင်းမြစ်များ

Matiyos 1:1

Mɛa te lɔga kɔbhbhanɛa sara kokonginyaa hira ku ashaya Dawiy ko Awurahami kèleo Yesus Kirisos.

Matiyos 11:5

Na seyɛsɛ, ‘Zuga kawarɛ chaga, orrɛ bho. Ga ngɔllɛa, woɛ shɛɛ. Ga amma :gedhdhe, kònynyono na bassɛ na ɛl hurr. Ga ku dunggɛna, shikkɛ bho. Ga bere rɛssɛa, bansanɛyɔ. Na chɔɔ zuga ku bhoyoga, mɛa kàmadhɛsɛn kamannaa challa.

Matiyos 15:22

Na tɛrite ku Kanani bhak ngabaonu ko na assa nɔng na yogɛsɛ lɔgɔ goore na sɛɛsɛ, “Komoru, Ashaya Dawiyye, chirbhiseonyɔ! Sedhdheya nanu bɔɔ tɔgɛsɛa :mɛnɛngiyɔ na mɛa chɔllanɛ gɛrrɛng.”

Matiyos 17:15

“Komorue, chirbhisi eriya nanu. Chɔlla ilagayte dhagɛ ba na chɔllanɛ goore dhogoy. Na tii ngɔsɛn go oo ma toye.

Matiyos 20:29

Na Yesus ko zuga kɔbhbhɛa nɔng hunaa dhɔttɛa Yariko na ngani hɛaye, yɔk zuga bo mɛra kɔbhɔ yɔk.

Matiyos 21:15

Na yɔk gɔldangɛa bibiyo doraa Tumu barara ko ga madhdhɛa zugo Damiya Tumu bere kàjjɛa Muse hunaa orrɛa ngalɔkta bu kìwachi wa me :Yesusiye, ko erro hunde ɛl doraa Tumu barara tu kɛngɔ na yokkonɛ lɔgɔ goore na sennɛ, ‘Hossana! Ashaya Dawiy, kèterrisaninydɔye,’ yɔk hinisi ngɔ na churu goore.

Matiyos 21:9

Na zuga bere ɛllanɛa sabbɔ ko ga kɔbhinyana wurtɔ bere yokkonɛa lɔgɔ goore na sennɛa, “Hossana! Ashaya Dawiy, kèterrisaninydɔ!” “Hirre kun na bo lɔmmana buyna ajjɛa :Komoruyɔ Tumuye, a tuhinɛ!” “Hossana! Diram any ke na Tumua iho surr tumɔ tundɔ.”

Matiyos 9:28

Na kɔbhɔ Yesus chɔɔ doraa tunnukko :nɛa. Na ghinu :Yesusi na sɛɛsɛ, “Ngangaye, hunde anye anda kibbayseung na kawara gu onɛye, yɛbhbho chi dha?” Na yɔk yaktɛsɛ na seyɛsɛ, “Ee kɛyɛbhbhoyɔ, Komoru.”

Markos 11:10

“Inde lɔmmana komorumoa kokonga na Dawiy na kɔtɔlɔmiyte, a tuhinɛ!” “Hossana! Diram any ke na Tumua iho surr tumɔ tundɔ.”

Markos 9:22

Na kali kali dharachchana na ujjugɛsɛn go ko ma na kindɔ. Na mɛa hunde kako ɔande, ga any kòtowonydakkiny :aggeu na ɛyaiyɔ.”

Yohanis 7:42

Dadaba Lɔga Tumu ngayo nganda se Kirisos ale hudhukkinya bhɛa ashaa Dawiy ɔra bere bhakka :Dawiy Betelemɔye dha?”