Matiyos 9:2 - Suri Latin

² Na yɔk zug gena ngarta hirre chudhinɛ ungu hayagiye na ayɛsɛ nɔng na kibbaysiyɔ. Na nɔng hunaa orro yɛbhaa ngazuktonuye, sɛɛsɛ hiri, “Ngahirra, ngashurnɛni! Lɔga gunyu gɛrsa wa kùjjukta na garta.”

Matiyos 9:2 ပူးပေါင်းရင်းမြစ်များ

Matiyos 14:27

Na sɛɛsɛ :Yesusi, “Kani anye, anye. Tɛldi hung! Bho ngaɛngɛrso!”

Matiyos 4:24

Na koo kamannaa nɛnɛ shigi :zugu kumulɔng na tɛhɛtɛy ko baa Soriya. Na zugo hoyɛy zuga ilagassɛa mutanyoga bhiy bhiy, ko ga chɔllanɛna ilagayɛna bo dhandala, ko ga tɔgɛsɛnɛa :mɛnɛngu, ko ga amma kalalɛ, ko ga chudhinɛna kumulɔng na ayɛsɛ nɔng na ibbaysiu.

Matiyos 6:12

Na lɔkte kɛddɛo :aggeuye, ujjuk na seagiy, ‘Any kagarayɛ,’ damiya kujjugɛo lɔga ɛddɛyɛa :zugu bhɛa nayo.

Matiyos 8:10

Na Yesus hunaa shikko ngalɔktaye, iwachɛɛ na sɛɛsɛ zugaa kɔbhbhanɛa nɔng, “Ga shigitɔ! Anye bhɛa zuga Isirayeli, hirre yɛbhbhany hunde ngahirraye kona ngani kàrro dhul.

Matiyos 8:16

Na hunaa bho tewa ririnyaye, zugo hoyɛy zuga bo mɛra tɔgɛsɛnɛa :mɛnɛngu. Na nɔng Yesus yogɛsɛ mɛnɛnga lɔgɔ na obhoniseo na chugu. Na ibbaysiu zuga ilagasɛa kumulɔng.

Matiyos 9:22

Na Yesus budhɛ na gɔnyu tɛri na sɛɛsɛ, “Hoya nanuye, ngashurnɛni! Wa bau ke ngaya yɛbhbhɛanyde.” Na tɛri bau nga hung.

Matiyos 9:5

Mɛa bhasen hunde hiri kèsenɛsɛn, ‘Lɔga gunyu gɛrsa wa kùjjuktaye,’ oo bhasen hunde kèsenɛsɛn, ‘Bana ogoye?’

Matiyos 9:6

Yee, ga kɔ̀dhɔlagung bhɛa lɔmɛa :Hiri Hoynɛ buyna ujjugɛa lɔga gɛrsa bay ngaya na tagatɔ ni go!” Na sɛɛsɛ hiraa chudhinɛna, “Bana ibha hayaa nunu na ok doraa nunu.”

Markos 1:32

Na hunaa su ngɔa na bho tewa ririnyaye, zugo hoyɛy zuga ilagasɛa ko ga tɔgɛsɛnɛa :mɛnɛngu kumulɔng na ayɛsɛ Yesus.

Markos 10:49

Na Yesus daga ba na sɛɛsɛ zugo, “Ga eliyoyɔ!” Na yɔk eli na seyɛsɛ, “Te may! Bana tunɔ! Eleiny :Yesusi.”

Markos 5:34

Na sɛɛsɛ :Yesusi, “Hoya nanuye, wa bau ke ngaya yɛbhbhɛanyde. Na mɛa ok shɛɛ ke na bo challa na hɔng ngailagayta bɔɔ chɔllainyde.”

Markos 6:50

ke ngaya orɛ na dɛɛsɛ na ɛngɛrsɛ bho gooreye. Na nɔng urrukkanu na sɛɛsɛ, “Kani anye, anye! Tɛldi hung! Bho ngaɛngɛrso!”

Yohanis 16:33

Na ngaya koyokkogɛung ngalɔktaye keni tɔlɔmɔ zany na tɛldi ke na bo challa ke ngaya yɛbhbhɛanyu anyeye. Nɔng hunde ngani bhakko ba ngayaye, ale chɔllanɛno goore. Na chɔyɛsɛ hinisi bɛna na te dhandali! Nɔng anye wa kɔmɔgga barartina bany kumulɔng.”

Yohanis 2:25

Na chɔɔ bhɛa senno kɔɔbhɛsɛ :hir konnɔ lɔga ɛsɛdhdhɛa :zugu, bere ngahinnoo ke ngaya gaɛ lɔga lɔmmɛa :zugu hinisichinneye.

Yohanis 21:5

Na nɔng eliu yɔk na ghinu na sɛɛsɛ, “Lusa! Urgusite dhɔnɛ kàmi ihe oo ninggɛ?” Na yɔk yaktɛsɛ na seyɛsɛ, “Ninggɛ dhul.”

Zuga Kèkko 14:9

Na ligin bay na chirar Bhaulos hunde madhɛsɛn zugo lɔgɔye. Na gɔnyu ꞉Bhaulosi churr na tagu hunde lɔ yɛbhaa ibbayseo ilagaya nɛnɛye.

Zuga Kèkko 19:12

Na chɔɔ ruma kìdharɛa nɔng hunde kɛ̀hɛyɛ na kidharɛ zuga ilagassɛaye, bassɛ na mɛnɛnga bhonsanɛyɔ.

Zuga Kèkko 23:11

Na nɔng Bhaulos saniu ungo dhɔnɛ na naa senno keteyɛ ramman barɔ chilɛsɛ ꞉Komoruyɔ Tumu jaa na iriyu na sɛɛsɛ, “Te dhandali! Damiya bare yogɛsɛni zuga ɛlla Yerusalemɔ lɔga ganyu bere orroni kawarre, ale ngani yogɛsɛn zuga ɛlla Romegiye nganga sɛgɛn.”

Yaykob 2:18

Na nɔng hunde kɔtɔlɔ hirre sennagany, “Inye yɛbhi lɔga Yesusi. Na anye kemesi lɔga challa kichirbhisiyɛi zugo,” anye kesenɛsɛn, “Ga dhɔlagany bhee yɛbhɛ lɔga Yesusi hunde lɔga challa chirbhisiyɛi zugo ngani messoye. Na ko anye kɔ̀dhɔlaginy bhɛa kɛyɛbhɛi lɔga Yesusi hunde kemesi lɔga challa kichirbhisiyɛi zugoye.”