Matiyos 9:13 - Suri Latin

¹³ Na mɛa igge ga ago maraga lɔga sennɛa, ‘Anye bhɛa zuga uddullogonynyɛa go, goore kihini ga chirbhisiyɛa zugo,’ na taga bhɛa ku hologun. Nɔng anye huna bere kuguni, bere keni kàlamma zuga lɔmmɛa ridhing. Bhee bere kugunɛ na kàlammay zuga ridhing ningginɛna ngayo.”

Matiyos 9:13 ပူးပေါင်းရင်းမြစ်များ

Matiyos 12:3

Na nɔng yagɛsɛ na sɛɛsɛ, “Ngangaye lɔga bere messo :Dawiyi kala bere dhagɛa :hozzo ko zuga ɛlla kari, bere ngani toyito?

Matiyos 12:5

Chɔɔ ko yɔk gɔldangɛa doraa Tumu barara a ngagiya messɛ zinggo Kala Ayawsuny, na ke zuga ɛddɛyɛa lɔga kullɛna imaginɛna ko Kala Ayawsuny ngakùgunyoye. Yɔk ngalɔktonu ɛl Damiya Tumu bere Kàjjɛa Muse. Na igge bere ngani toyito?

Matiyos 12:7

Na nɔng igge hunde bere taga hologuna ngalɔkta sennɛ, ‘Anye hira uddullogonyi go ngakihinio, kihini na chirbhiseo lalugɛye,’ anda zuga lɔgɔ ngani kɛddɛayo wa ngani ujjuktao.

Matiyos 19:4

Na nɔng Yesus yagɛsɛ na sɛɛsɛ, “Ngangaye igge lɔga Tumu bere ngani toyito? Nɔng bɛrgua bere kèghendonɛa aha kumulɔng, Komoru Tumu annaa bere ghendono zugo na kona ojjo ke may, kona ojjo ke ngahi,

Matiyos 21:42

Na nɔng sɛɛsɛ, “Na igge ngangaye lɔga bere kɔ̀gɔdhdhɛsɛna dadabinyaa lɔga Tumu bere ngani toyito? Yɔk annaa bere sennɛa, ‘Bɛa marrɛa :zuga kɔdhdhɛa doriyo, wa tewa inde egenggisheono dori sabbɔye. Yɔk ngagiya a lɔga bere messo :Komoruyɔ Tumu. Na hunde kùguny kawarreye, kìwachiyɔ.’

Matiyos 3:2

na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa na wakta gɔra nɛnɛ.”

Matiyos 3:8

Hunde hinno bhɛa senno kùchurrɛung na jartɛ attiye, ga sabbɔ ujjugu lɔga gu gɛrsa na mesigi lɔga dhɔllanɛa bhɛa anɛo zuga dha bɔɔ ujjukto lɔga gɛrsa dhere na waktao gɔra nɛnɛ!

Matiyos 4:17

Na ngabɛrguonu Yesus tɔgɔdhay bhɛa madhɛa zugo lɔga Tumu. Na madhɛsɛ na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa.”

Markos 12:26

Chɔɔ lɔga dhugunnogiyɛa bhɛa zugo ale bansanɛa rɛsɛyɔ gena, a lɔga bere kɔdhdhɛsɛna :Muse dadaba nɛnɛ toye. Yɔk ngalɔktonu agga bere kòyogɛsɛna kala bere ihɛa :Tumu kuzubiyɔ toye na kèsenɛsɛna, ‘Anye kani Tumu Komoruya Awurahami ko na Isaki ko na Yaykobi.’ Na igge ngalɔkta bere ngani toyito?

Markos 12:33

Ngadamita yokkonɛye, nɔng hiri maya ibhɛsɛn Tumu hini na yel surr hinisɔ toye ko bhɛa ɛsɛdhɛa lɔgɔ ko kuloyɔ ko gidhdhingɔ kumulɔng. Na dhaa hunde kìbhɛsɛn hira kàbhakka kari hinisi na kèyelde, jorrono chɔɔ ahaa kùddulɛsɛna Tumu ko ga kàjjɛa kumulɔng.”

Markos 2:17

Na Yesus hunaa shikko ngalɔktaye, sɛɛsɛ ngazuktonu, “Yɔk zuga ngailagassɛayo bhee hinɛ akim ninggɛ. Gee hinnɛ akimbe a zuga ilagassɛa sɔng. Nɔng anye huna bere kuguni, bere kuguni na kàlamma zuga lɔmmɛa ridhing. Bhee bere kugunɛ na kàlammay zuga ridhing ningginɛna ngayo.”

Yohanis 10:34

Na nɔng yagɛsɛ na sɛɛsɛ, “Lɔga bere senno :Tumu sennɛa, ‘Annaa bere kennagungu, “Igge anno tumo gen,”’ bere dadaba Damiya nu toye ngani kɔ̀tɔgɔndɛsɛo, dha?

Zuga Kèkko 11:18

Na zugo hunaa shikkɛa ngalɔktaye, rɛgɛ ꞉lɔkku. Na eterrisana Tumu na se, “Na mɛa kèe Tumu wa aynɛa zuga bhora anaa bhɛa ujjugɛa lɔga gɛ gɛrsa na kawakta gɔra nɛnɛ na kɔjɔya basseya iho dhul.”

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 20:21

Anna bere kamadhɛsɛni zuga Ayhudhi ko zuga Giriki lɔgɔ na kujjugu lɔga gɛ gɛrsa na kawakta gɔra Tumu na kɛyɛbhɛ Komoruya na Yesus.

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

Zuga Kèkko 5:31

Na ibhbhana na ojjo siyɔ sɛtɛna nɛnɛ na ajjɛa diram. Na ojjo ke Komoruya na bo ibbayseiy. Na kamadh zuga Isirayeli na kujjugu lɔga gɛ gɛrsa na kawakta gɔra Tumu.

2 Betiros 3:9

Yɔk zug gena ɛsɛdhdhɛ lɔgɔ na se kee lɔga kìbhɛsɛna hinisi bere bhiikkagiy :Komoruyɔ, ale ɛl dirr na shaw ngaurruknyɛsɛnɛo. Na nɔng nganga ngayo. Nɔng Komoru bhɛa senno kurrugɛsɛ ngalɔkta gɛny bere bhiikkagiyte, dhul ngaiho. Nyim lɔga gu tɔllɔng ke bhɛa senno hirre dhɔnɛ ngakagarɛ. Nɔng se zugo kumulɔng kudhugundɛsɛ Tumu lɔga gɛ gɛrsa dib, na kujjugu na kawakta gɔra nɛnɛ.