Matiyos 8:8 - Suri Latin

⁸ Na nɔng gulsaa bholisuny yagɛsɛ na sɛɛsɛ, “Komoru, anye bhɛa nunu kani chinyi ghasuri na doraa nanu ngakuni. Na nɔng ga yogo lɔgɔ ngaya hung, na hira kachchanyi kaba.

Matiyos 8:8 ပူးပေါင်းရင်းမြစ်များ

Lɔgɔ Sabba 32:10

Na anye kani hira chinynyo tɔlgɔnya kagachinyi inye na chɔɔ bhee chirbhisiyɛanyi na yelɛanyi ninggɛ dhul. Anye huna bere kerressani kidhoa kèe Yordanos, annaa kɔgɔmbinynyani bhirɛgiye sɔng. Na nɔng mɛa ketewa hira bo zugo mɛra. Na chɔɔ ngaahaya keninya gaminya rammande agga ganyu.

Matiyos 3:11

“Nɔng anye mɛa kuchurrong ma hung ke bhɛaa dhugunɛsɛno Tumu lɔga gu gɛrsa na ujjugɛa. Na nɔng inde ɔnnɛ na jorronony anyeye ale kɔbhbhananydɔ. Nɔng bhɛa nɛnɛ, anye kani na chinynyo ghasura chɔɔ chahaa gɛnyɛ ngakɔlɔgɔniyo. Na ale churrong Kuloya Tumu ko gogiye.”

Matiyos 3:14

Na nɔng Yohanis illobu bhɛa senno katamarɛ bhɛa churɛa Yesus, na sɛɛsɛ, “Na inye wa kou na kuchurreny :anyo ɛnɛng? Maya nganga ngayo! Anye maya kani hirre churrony :inyoye.”

Matiyos 8:3

Na Yesus tadhɛ hiri siyɔ na sɛɛsɛ, “Wa keseyau, na mɛa ba, na tɛ hurr.” Na gedhdhe tururriyaa na hiri bau shaw hung.

Matiyos 8:7

Na sɛɛsɛ :Yesusi, “Aleo kɔgɔ na kibbaysiyɔ.”

Matiyos 8:9

Anye bhee kesennagɛiny ngangaye, a ngaya ko anye kɔlɔmɛ gulsachina ganyu bibiyo allinɛnɛanyɛa ko bholisa ganyu kallinɛnɛiye. Na hunde kesenɛsɛn bholisa ganyu kona, ‘Ogoye’ kɔyɔ. Na hunde kesenɛsɛn kona, ‘Wongaye!’ kundɔ. Na ko nɔng hira kachchanyi hunde kesenɛsɛn, ‘Me ngangaye!’ messɔ.”