Matiyos 8:5 - Suri Latin

⁵ Na Yesus hunaa kɔa na dokko Kibirombe, nɔng hirre ku gulsaa bholisuny kona ko na assa nɔng na tɔllɔhɛsɛ na kɛayɔ. Na sɛɛsɛ,

Matiyos 8:5 ပူးပေါင်းရင်းမြစ်များ

Matiyos 11:23

Na ko igge ngazukta Kibiromiye, ngangaye igge senno ale kɔ̀dhɔngung na hɛo tumɔ ka? Ngahɛoyo. Ale kùjjukkagung Siol bhɛa kàttiyɛa zugo. Na chɔɔ ngalɔktonu bu dhandal kìwachi bere kemesi bhɛa nuye, hunde bere kème Sodomɔ, anda Sodom ko mɛa toye ngani ihe.

Matiyos 27:54

Na gulsaa bholisuny ko zugaa bhɛkkɛa Yesus hunaa orrɛa ba hunde chukinɛye ko ngalɔkta wa ɛrrinyaye kumulɔngge, dɛɛbɛ na tɛngɛrɛ bho goore na se, “Kèe ngahirra dhaa a Eriya Tumu dhere chi!”

Matiyos 4:13

Na koo dhɔyu Naziret na ogu ɔrre i yirisiyɔ tugɔ kèe Kibirom na bhagu ngonu. Nɔng ngaɔrronu dha bere i baa zuga Zabiloni ko Nibitalemi.

Matiyos 9:1

Na Yesus koo irrɔgu gonggul, na erreu yirisi na wagu ɔra nɛnɛ.

Markos 15:39

Na gulsaa bholisuny bere chillo jaa ngonu kìlagɛ Yesuse, hunaa orro ngaya arɛ :Yesusi wuy na rɛsɛye, seu, “Kèe ngahirra dhaa a Eriya Tumu dhere chi!”

Markos 2:1

Na Yesus hunaa iho ngonu ungge muchugi na koo wokkono Kibirombe, shigi :zugu hunde dha bɔɔ waga na tɛu dori konnɔ ɔr toye ngonuye.

Zuga Kèkko 22:25

Na hunaa bholi ngani chibbɛa na senno kadhaga shuwarayɔye, nɔng Bhaulos ghinu gulsaa bholisuny chinynyo iho jaa ngonu na sɛɛsɛ, “Ngangaye hunde senno dhaktanyu hira Rome ngani lɔga ganyu kègendao na kàttionyoye, damiya Rome kullɛ ngayo?”

Zuga Kèkko 23:17

Na Bhaulos eliu gulsaa bholisi chinynyo kona na sɛɛsɛ, “Dhigan ngaerita bhɛa gulsaa nu bo. Lɔ lɔkte se koyogɛsɛ nɔng.”

Zuga Kèkko 23:23

Na koo eliu gulsachina gɛnyɛ gee ku ramman na sɛɛsɛ, “Ibhta bholise ku 200 ko ga woyɛa harteyiye gee ku 70 ko ga bɛrrany gee ku 200 na jhaynɔ satinya sizziyɔ kago Kesariyagiye.

Zuga Kèkko 27:13

Na hunaa ngɔyɔ ɛbbɛkkana gɔra Gibsi haalɛye, yɔk se kako dhaa tɛhɛyɛ ko lɔga wa ɛsɛdhdhɛa sabbɔ. Na dhɔngga gala chilɛa :gonggulɔ na ago na ɛtɛyɛ Kerit yirisi tugɔ dhey dhey.

Zuga Kèkko 27:31

Na nɔng Bhaulos aru na sɛɛsɛ gulsaa bholisuny bo ko bholisa gɛnyɛ, “Hunde zuga kulinɛna gonggulɔ toye ngaya ngaɛlloye, igge ngabasoo.”

Zuga Kèkko 27:43

Na gulsaa bholisuny bo tɛhɛnɛsɛ Bhaulos bassey na tamaru lɔga ɛsɛdhdhɛa ꞉bholisɔ. Na aynɛ zugo lɔgɔ na gee gaɛ zel dhagaye, kɔbɔrrɔtɛsɛ yirisi sabbɔ na kerre yirisiyɔ tandɔ.

Zuga Kèkko 9:38

Yɔk dha bere Lida ko Yobhe a oriya ɛlla jaajaa. Na yɔk zuga yɛbhbhɛa Yesus bhakkɛa Yobhe hunaa shikkɛa lɔga ihɛa ꞉Betirosi Lidagiyeye, ege zukte ku ramman na kɔtɔllɔsɛsɛ na kugo ke tiri.