Matiyos 7:21 - Suri Latin

²¹ “Zukte sennaganyɛ, ‘Komoru, Komorue’ kumulɔng ga ale hɛa na lɔmma :Komoruya tumony ngayo. Na yɔk gee ale hɛ na lɔ :nɛaye, a gee messɛ lɔga hinno :Babaa nanu iho tumɔye.

Matiyos 7:21 ပူးပေါင်းရင်းမြစ်များ

Matiyos 12:50

ke ngaya inde shik lɔga Babaa nanu iho tumɔ na bhɛkte, anɛ gochonga nanu ko ngɔnaa nanu ko mama nanuye.”

Matiyos 16:17

Na sɛɛsɛ :Yesusi, “Eriya Yona Simon, inye ani tuhinɛ, ke ngaya ngalɔkta anɛ ga dhugunnogɛinyi :Babaa nanu iho tumɔye. Na ayuk ko nyawa ngani kudhugundoginyo.

Matiyos 18:10

“Na mɛa ga kìbbayunggɔ! Ngagiya chichi chichiye kona ngabhasso, ke ngaya zuga ekko :Tumu ɛlla tumɔ bhɛkkɛa yɔk kali kali itinynyanɛnɛ ko Baba nanu iho tumɔye.

Matiyos 18:19

Mɛa ga kɔ̀tɔrrɛung sɛgɛn, na shigitɔ! Chɔɔ bay ngaya hunde bhɛa nu zukte ku ramman kishiktɛy lɔk gena na kighini Baba nanu iho tumɔ, nɔng urrugɛsɛn na mesɛsɛndɔ.

Matiyos 18:3

na sɛɛsɛ yɔk, “Ga shigitɔ! Hunde ngani bhɔdhtɛo na tɛhɛyɛto ko erroa ngani chichoye, bhee hɛyɛo na lɔmɛung :Komoruya tumony ninggɛ dhul.

Matiyos 18:35

“Na mɛa ko igge kumulɔng hunde lɔga ɛddɛanɛa :zuga yɛbhbho Tumu kari dhere ngaujjukkooye, ko nɔng Baba nanu iho tumɔ ale attiung ngadamita ngahirraye.”

Matiyos 19:24

Na ga kɔ̀tɔrrɛung na taga shɛɛ! Chɔɔ hira aha mɛra bhɛa kènno kɔtɔlɔmɛ :Tumu, hunde galisey kudhul hologuna marsiny, anda a bhaseni.”

Matiyos 25:10

“Na yɔk hunde chinyi ngani hɛ na se katalda malde, nɔng rori kun dhogoy. Na yɔk gaa ghurghura ɛlla kɔk dhiyɛ ko nɔng kari bhɛa duriyɛa :zugu wololo. Na waran kùnyuk dhogoy.

Matiyos 25:21

Na nɔng ɛna senɛsɛn, ‘Dha bɔɔ mesu shɛɛ kɛr! Gaymaya bassa kɛ̀yɛbhbhinyi ani :inyo! Inye wa mesu lɔga chicho muchuga shɛɛ na teu hira kɛ̀yɛbhbhinyi. Na mɛa anye kajjiny buyna allinɛnɛi ahaa bo bibiyo. Na ga wo gɔrra nande na kɛ̀dɛlɛ kari.’

Matiyos 26:39

Na nɔng sɛyɛ ko rɛna bhe chinyi na dhagɛ rɛ ba ke shura na mumɔ tɔgɔdhɛ ba na alliyɛ ko Tumu na seu, “Babae! Hunde ɔande, isogɛ ngakombita chɔllaunyde bhɛa nanu. Na nɔng any kubhugnyɛsɛ :lɔga sennani :inyo. Ga kesennani :anyo ngabhugnyɛsɛnɛ.”

Matiyos 26:42

Na koo wagu sɛgɛn, na alliyɛ ko Tumu na seu, “Baba nanuye! Hunde bhee isogɛ ngakombita chɔllaunyde bhɛa nanu ninggɛ na maya dhaa kamayi ahaye ɛl toyeye, any kete damite sennanɛ :inyoye hung.”

Markos 3:35

Nɔng mamaye nande ko gochonginyaye ganyde ko ngɔnanyaye ganyde a gee shikkɛ lɔga Tumu na bhɛkkɛye.”

Markos 9:47

Na ko nɔng kawari hunde tisseny na me lɔga gɛrsaye, tukuso na ujjuga. Ko bhee lɔmɛ kawarɛ kari na kùjjukkagɛiny goa iho dhul ngadhiynɛnao lɔmma kuruyoa ngarɛssɛayo, hunde tɔlɔ dhɔnɛ na ok bhɛa lɔmɛa :Tumu zugo, anda a challi.

Yohanis 14:7

Nɔng hunde taktanyu anye dhere, anda ko nɔng Baba nanu bɔɔ takto. Na mɛa wa arto na takto. Na chɔɔ ale ngani gaoyɔ.”

Yohanis 15:23

Hirre marrany anyeye, ngangaye dhaa mar chɔɔ Baba nanu chi.

Yohanis 3:5

Na nɔng yagɛsɛ na sɛɛsɛ, “A challi. Ga shiktɔ! Hiri hunde ma ko Kuloya Tumu ngani kùchuruttoye, bhee kɔɛ na assanɛ Tumu na lɔmɛ ninggɛ.

Yohanis 5:17

Na nɔng Yesus sɛɛsɛ, “Baba nanu nɔng mesinɛ tii tii chɔɔ mɛa toye. Na ko anye kemesinɛndɔ.”

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Yohanis 7:17

Na hunde lɔ hirre se keme lɔga hinno :Tumu na kurrugɛsɛye, ale gayɔ hunde ngalɔkta kamadhɛsɛn zugoye agga bere ajjanyi :Tumu oo hunde agga sabbaa nanuye.

Zuga Kèkko 14:22

na kiriyi zuga bɔɔ yɛbhbhɛa Yesus na kete dhandali. Na madhtɛsɛ lɔgɔ na seyɛsɛ, “Hunde kèe kago bhɛa Tumu na kɔtɔlɔmiy ꞉nɛaye, maya kinyim chɔlla goore.”

1 Tɛsɛlongke 4:3

Tumu se te zuga kɛnginyano hɔla ridhing ningginɛna na dhɔyɔ lollumo

1 Tɛsɛlongke 5:18

Eterrisana Tumu lɔkke kumulɔng. Yɔk ngagiya a lɔkte hinnogung :Tumuye ke ngaya yɛbhɛo Yesus Kirisose.

Tito 1:16

Na yɔk yokkonɛ lɔgɔ tok na sennɛ, “Tumu kaggaoyɔ.” Na nɔng hunde kùguny lɔga messɛaye, yɔk dhaa imaggɛyɔ. Na lɔga gɛ a kuhu sɔng na lɔga Tumu ngabhɛkkɛo dhul. Na chɔɔ bhee messɛ lɔga challa ninggɛ dhul.

Yaykob 1:22

Ngatiranydɛ rɛhi na te zuga shikko lɔga Tumu nyabha sɔng! Shigi na urruktɛsɛyɔ.