Matiyos 6:5 - Suri Latin

⁵ Na hunde allinɛno ko Tumuye, ngaalliyɛ damiya zuga tabhbhɛa zugo nigite. Yɔk a zukte hinnɛ bhɛa senno kartɛ :zugu na kɔdhɔngɔtɔ. Na chillɛ tunɔ na allinɛ ko Tumu doriyoa madhinɛnɛa zuga Ayhudhi lɔga Tumu ko hana sɛrɔ ɔdhdha. Ga shigitɔ! Yɔk lɔga ale kɛ̀dhdhɛttanɛa yɔk kumulɔng a ngagiya jɔanɛ bhɛa zuga dhɔngngɛa yɔkte sɔng.

Matiyos 6:5 ပူးပေါင်းရင်းမြစ်များ

Matiyos 21:22

Na mɛa igge hunde yɛbhɛ Tumu dhere, anda lɔkte ghinno hunde allinɛno ko nɔngge kumulɔng jɔanoyɔ.”

Matiyos 23:13

“Na mɛa ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, igge ale ruyɛo rɛhiya gu, ke ngaya nyugɛo ganggua senno kaytɛ :zugu gɔra lɔmɛa :Komoruya tumony zugoye. Nɔng igge sabbiya gu rɛ, marro bhɛa hɛyɛo bhɛa lɔmɛa :Komoruya tumony zugo na chɔɔ kanyɛo zuga hinnɛa bhɛa senno kaytɛ ngonu.

Matiyos 23:5

Na lɔkte messɛ :yɔkkuye kumulɔng messɛ ke bhɛa senno kartɛ :zugu hung. Na gala gɛ toye lɔmɛa lɔga Tumu, ibhbhanɛ na messɛ ke bibi. Na gala kìshigɛsɛna ruminya nyabha, yɔk shigɛsɛnɛ na agga bo rammaya.

Matiyos 23:6

Na hunde hɛ hana kàbhanyisiyɛa zugo amissɛyɔ ko doriyoa madhinɛnɛa zuga Ayhudhi lɔga Tumuye, hinnɛ bhɛa senno kɛtɛldɛ alleyiya ɛlɛa zuga bibiyo.

Matiyos 6:1

Na ngamesigi lɔga gu challa bhɛa zugony na kartung :zugu. Hunde messo ngangaye, Baba Nu iho tumɔ ale ngaɛdhdhɛttannungo.

Matiyos 6:16

Na hunde chibbo rɛhi hunynɛnde, ngamesigi huna zuga tabhbhɛa zugo nigite. Yɔk hunde chibbɛ rɛhi hunynɛnde dhittanɛ hinisi na izɔrrɛ rɛhi na kargi :zugu na kɔdhɔngɔ huna zuga chibbɛa rɛhi hunynɛn dhere. Ga shigitɔ! Yɔk lɔga ale kɛ̀dhdhɛttanɛa yɔk kumulɔng a ngagiya jɔanɛ bhɛa zuga dhɔngngɛa yɔkte sɔng.

Matiyos 6:2

Na hunde ɛano zuga chɔllanɛnaye, ngamesigi huna zuga tabhbhɛa zugo nigite. Yɔk hunde ɛanɛ zuga chɔllanɛna doriyoa madhinɛnɛa zuga Ayhudhi lɔga Tumu ko hana sɛrɔ ɔdhdhaye, ɛbbɛkkɛ turumbanya na kargi :zugu na kɔdhɔngɔtɔ. Ga shigitɔ! Yɔk lɔga ale kɛ̀dhdhɛttanɛa yɔk kumulɔng a ngagiya jɔanɛ bhɛa zuga dhɔngngɛa yɔkte sɔng.

Matiyos 9:38

Na mɛa ga ghini Komoru, ɛnaa senno kusunɛɛ, na kittono zuga suninɛna gena na kusuni liwaa gɛnyɛ.”

Markos 11:25

Na hunde chillo na allinɛno ko Tumu na nɔng kesea hinisichinne lɔmɛsɛno zug gena lɔgɔye, ga sabbɔ ujjugu ngalɔktonu bhɛa Tumu. Na aynde ko nɔng Baba nu iho tumɔ ujjuk lɔga gu gɛrsaye.

Markos 12:38

Na Yesus hunaa ngani madhinɛnaye ibbayu zugo na sɛɛsɛ, “Ngakitabhtung :zuga madhdhɛa zugo Damiya Tumu bere kàjjɛa Muse go! Yɔk a zukte hinnɛ bhɛa malugɛa ruminyaa bo rammaya dɛldɛla ghurtɛa ba ko bhɛa woyɛa gawugiye na kissa :zugu,

Yohanis 16:24

Nɔng ko mɛa toye lɔk gena sara ganyu ngani ogolotto. Na mɛa ogoloyɛ! Nɔng ale ajjung na dɛllo na hinisi hɔllung goore.

1 Tɛsɛlongke 5:17

Tii tii alliyɛ ko Tumu na ngadhɔtto.

Yaykob 4:6

Nɔng chirbhisiey goore dhogoy na aynde lɔga ɛlla dadaba Tumu senɛ, “Tumu mar zuga dhunggurrɛa, na chirbhisi zuga lachchanɛa rɛhiye.”