Matiyos 5:37 - Suri Latin

³⁷ Na hunde yoktoo lɔgɔ na seyo, ‘Eeye,’ any kete, ‘Ee’ chi! Oo hunde seyo, ‘Ngayoye,’ any kete, ‘Ngayo’ chi! Nɔng hunde gamsiyo ba na tɔrtɛo genaye, ngangaye dhaa ngalɔktonu agga Moldoyny.

Matiyos 5:37 ပူးပေါင်းရင်းမြစ်များ

Matiyos 13:19

Hunde zugo shikkɛ lɔga lɔmɛa :Tumu zugo na ngagayɛoye, nɔng Moldoy kun na kɔɛ lɔgaa lɔmmɛa hinisichinne wa ngani kàmadhɛsɛna. Na zukte ku ngangaye, hɛt ko ngaduguya ngɔsɛnɛ ganggu dheyte.

Matiyos 13:38

Na gu ɛlɛhɛn ba kumulɔng. Na ngaduguya chalde ɛlɛhɛnnɛ zuga lɔmma :Tumu. Na shuroy ɛlɛhɛn zuga allinɛnɛa :Moldoyɔ,

Matiyos 15:19

Bhee anɛ ngangaye a ngaya lɔga bhonsanɛa hinisa hiriguny gena anɛ ga ɛsɛdhdha :hiriyɔ ku kuhu, ko zugo nisa, ko lollumoa assanɛa :hiriyɔ tɛriya hiriguny oo assanɛa :tɛriyɔ hira lɔmma tɛri, ko lollumoa messɛa :zugu ko ɔgɔrchamo ko butomoa kàmagɛsɛna zugo ko zugo kedhdhaye.

Matiyos 5:36

Na chɔɔ ba sabbiya gu ngagamseo, ke ngaya buynde bhɔdhɛo chɔrtiya nu dhɔnɛ ke kɔrrɔ oo hɔli ningginɛnɛ dhulde.

Matiyos 6:13

Ngaɔddagiy lɔkte illobbiyɛ. Bhɛgiy na Moldoy ngatiranyɛiy [ke ngaya komorumo ko barartin ko diram anɛ ga gunyu kali kaliye. Ee!]

Yohanis 17:15

Nɔng anye bhee kogollɛiny na kɛngai yɔk bhɛa zuga marrinyɛa na ɔgɛ bhokkonnɔ ngayo. Kogolliny na bhɛk bhɛa keni ngakitiranyɛ :Moldoyɔ.

Yohanis 8:44

Nɔng igge anno erroa babaa nu Moldoyny na senno mesigi lɔga hinnono :nɛa. Nɔng a hira bere nissono zugo kingi na marra lɔga ku dhere ke ngaya lɔga ku dhere bhɛa nɛnɛ ningginɛnɛye. Na chɔɔ hunde mɛzzi butomoye, yokkono kabiya nɛnɛ butomo ke ngaya anɛ butogi na butomo bere shigininyanɛ bhɛa nɛnɛye.

2 Tɛsɛlongke 3:3

Nɔng Komoru Yesus anna kɛ̀yɛbhbha dhere. Na ale irishshong na bhɛkkung na Moldoy ngaidharrungo.

Yaykob 5:12

Gochonginyaye, bhɛa ngalɔkta kumulɔng hunde yokkono lɔgɔye ngagamsio ba na senno, “Any karany :tumu ko ba,” oo “Any karany :gali konnɔ.” Hunde yoktoo lɔgɔ na seyo, “A dhereye,” any kete dhere. Hunde senno a butomoye, any kete butomo chi. Nɔng hunde lɔga ku dib ngayokkonoye, ale ujjukkanung :Tumu.

1 Yohanis 2:13

Na ko igge ngazukta ku babachinaye, bhee kɔgɔdhdhagɛung ngalɔktaye, a ngaya gayɛo Yesus hunde a hira bere ihono kingi huna chɔɔ ba ko tumu ngani kètegenydoayoye. Na ko igge ngatɛgɛnda, bhee kɔgɔdhdhagɛung ngalɔktaye, a ngaya bere mɔggɛo Moldoyte. Na ko igge ngaerroya, bhee kɔgɔdhdhagɛung ngalɔktaye, a ngaya gayɛo Baba na Tumuye.

1 Yohanis 3:12

Nɔng Kayel bere anna eriya Moldoyny na koo nisso gɔynɛ. Na igge maya damiya bere nɛnɛ ngamessoo. Na ngangaye gɔynɛ bere nisɛ lɔk giyong? Bere nisso ke ngaya nɔng anɛ hira messo kuhuyamo na gɔynɛ Abel anɛ hira messo lɔga challa ridhing ningginɛnaye.

1 Yohanis 5:18

Yɔk zuga teya erroa Tumu kumulɔng hunde lɔga gɛrsa dirr ngani ngamessɛoye, agge kàggayɔ ke ngaya Eriya Tumu bhɛgɛ yɔk shɛɛ na Moldoy ngatiranyɛoye.