Matiyos 5:29 - Suri Latin

²⁹ Na hunde kawariya nunu sɛtɛnuny tisseny na me lɔga gɛrsaye, tɔkɔla na ujjuga. Ko bhee rɛa nunu kumulɔng kùjjugɛsɛn goa iho dhul, hunde kagar bhee tissenyde hung, a challi.

Matiyos 5:29 ပူးပေါင်းရင်းမြစ်များ

Matiyos 10:28

Na igge ngatɛngɛrɛ ngagiya nissɛ zugo ayugɛna hung na basseyiya zugony ngaiggarisiyɛoye. Tɛngɛrɛ na ɔana bhɛa ibhbhanɛa ayugɛna zugony ko basseyi kari na iggariseo goa ngadhittinɛnao dhul.

Matiyos 11:6

Nɔng inde guny lɔga ganyu na yɛbhbhany na ngadhɔttanyoye, a tuhinɛ.’”

Matiyos 16:26

Mɛa hiri hunde kɔtɔlɔ ngaahaya ɛl bay ngayaye kumulɔng ke gɛnyɛ na basseya iho dhul katamar na ngajɔana, anda hologunde nɛnde a inong? Oo chɔɔ ahite anda ibhbhana na chachchanɛ bassey ihe? Ninggɛ.

Matiyos 17:27

Na nɔng bhɛa kènno ngakɛdɛbtagiy :ngazukta, ga ok yirisiyɔ na kɔng kormiya nunu. Na urgusite ibhi sabbɔye oo tugɔ, aleo jɔan tamuniyaa ungusinɛna ko birinyaa anda gadhiyɛa zuga ku ramman ke gharata. Na ibha na gadhiɛ gharataa nanu ko na nunu.”

Matiyos 19:12

Anye bhee kesenɛ ngangaye, a ngaya zuga ngagamnɛnao gena anɛ ga dha bere kùhudhukkono ke zuga ngagamnɛnao chi. Na gena anɛ ga messɛa :zug genne tɔllɔng na ngagamnɛ, na gena anɛ ga ngidhdhɛa lɔgɔ :eygo ke bhɛa senno katagaytɛ Komoruya tumony sɔngge. Na mɛa ko nɔng hirre hin bhɛa senno kabhagɛ ba gamma ninggɛnde, sɛɛ kabhak.”

Matiyos 23:15

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge woyɛo ba kumulɔng ko yirsɛna na lameo hira senno bhɔdhɔ na kɔɔbh lɔga yɛbhbho :iggeu. Na hunde jɔyao na madhto na yɛbhungɔye, nɔng kalda a eriya jorronungu bhɛa kàttiyɛungu igge goa iho dhul jagarɛ kɛngi ramman.

Matiyos 23:33

“Ngazukta bu hɛtto ko konnaa lɔmmɛa madhdha ko hoyaa kurmusinyanyde! Ngangaye igge senno ale jorro bhɛa ale kùjjukkanɛungu na kàttiyɛungu goa iho dhul ka?

Matiyos 5:22

Na nɔng anye kesennagung, chɔɔ inde dɛmnyɛsɛn hiriye, ale kìghin na kàttiyɔ. Na inde dhɔm na senɛsɛn, ‘Sabba dhittinɛye’, ale kòjjɛsɛn lɔgɔ bhɛa zuga bibiyo kedhdhɛa lɔgɔ na kàttiyɔ. Na nɔng inde dhɔm na senɛsɛn, ‘Dalleye,’ ale kàtti goa ngadhiynɛnao dhul.

Matiyos 5:30

Na ko nɔng siya nunu sɛtɛnuny hunde tisseny na me lɔga gɛrsaye, kedhdha na ujjuga. Ko bhee rɛa nunu kumulɔng kɛ̀hɛyɛ goa iho dhul, hunde kagar bhee tissenyde hung, a challi.

Markos 8:36

Na ngangaye, hiri hunde kɔtɔlɔ ngaahaya ɛl bay ngayaye kumulɔng na basseya iho dhul katamar na ngajɔana, anda hologunde nɛnde a inong?