Matiyos 5:22 - Suri Latin

²² Na nɔng anye kesennagung, chɔɔ inde dɛmnyɛsɛn hiriye, ale kìghin na kàttiyɔ. Na inde dhɔm na senɛsɛn, ‘Sabba dhittinɛye’, ale kòjjɛsɛn lɔgɔ bhɛa zuga bibiyo kedhdhɛa lɔgɔ na kàttiyɔ. Na nɔng inde dhɔm na senɛsɛn, ‘Dalleye,’ ale kàtti goa ngadhiynɛnao dhul.

Matiyos 5:22 ပူးပေါင်းရင်းမြစ်များ

Lɔgɔ Sabba 37:4

Na hunaa gɔynggɛ orrɛa baba nɛ hunde bhɛa nɛ yel Yoseb gooreye, hinisi ngɔ na tamara Yoseb na chɔɔ ngani ngaurrukkannɛo dhul.

Lɔgɔ Sabba 37:8

Na ghini :gɔynggɛu na seyɛsɛ, “Seni ale te komoruya nayo na alliyɛiy agge dha?” Na yɔk kɛ nɔng goore ke ngaya shigɛ ngalɔkta wa kunasɛ na yogɛsɛnde.

Matiyos 10:17

Na tɛldi kɔk! Yɔk zugo ale hɛyɛungɛ bhɛa zuga kedhdhɛa lɔgɔ na dhakkungɛ doriyoa madhinɛnɛa zuga Ayhudhi lɔga Tumu.

Matiyos 10:28

Na igge ngatɛngɛrɛ ngagiya nissɛ zugo ayugɛna hung na basseyiya zugony ngaiggarisiyɛoye. Tɛngɛrɛ na ɔana bhɛa ibhbhanɛa ayugɛna zugony ko basseyi kari na iggariseo goa ngadhittinɛnao dhul.

Matiyos 12:24

Na yɔk zuga kɔbhbhɛa damiya Bhɛrɛsi hunaa shikkɛa ngalɔktaye se, “Nɔng mɛa ngahirra mɛnɛnga obhoniseono barartina gulsaa mɛnɛnguny Belzabuli sɔng.”

Matiyos 17:5

Na nɔng hunde chinyi ngani yokkono lɔgɔye, idhoa bo hɔla ko na chɛbu yɔk. Na idhogiye toye shigi lɔkte sennɛ, “Erite nan ajjany hini hɔldin kibhɛsɛn hiniye, a nganda. Shigi nɔng!”

Matiyos 18:21

Na koo Betiros ogo gɔrre Yesusiye na ghinu na sɛɛsɛ, “Komoru, na mɛa hunde hira yɛbhbhinyi kona kɛddɛ lɔgɔ bhɛa nanu tii, lɔga gɛnyɛ anye maya kujjugi kɛngi isɔng? Maya kujjugi ko bhee anɛ kɛngi issabbay ka?

Matiyos 18:35

“Na mɛa ko igge kumulɔng hunde lɔga ɛddɛanɛa :zuga yɛbhbho Tumu kari dhere ngaujjukkooye, ko nɔng Baba nanu iho tumɔ ale attiung ngadamita ngahirraye.”

Matiyos 23:15

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge woyɛo ba kumulɔng ko yirsɛna na lameo hira senno bhɔdhɔ na kɔɔbh lɔga yɛbhbho :iggeu. Na hunde jɔyao na madhto na yɛbhungɔye, nɔng kalda a eriya jorronungu bhɛa kàttiyɛungu igge goa iho dhul jagarɛ kɛngi ramman.

Matiyos 23:33

“Ngazukta bu hɛtto ko konnaa lɔmmɛa madhdha ko hoyaa kurmusinyanyde! Ngangaye igge senno ale jorro bhɛa ale kùjjukkanɛungu na kàttiyɛungu goa iho dhul ka?

Matiyos 25:41

“Na ale yogɛsɛn gaa ɛlla bhɛa nɛnɛ kangitɛn na senɛsɛn, ‘Igge ngagiya bere kɔ̀chɔrrungge, bhɛa nanu ngaya ngaɛllo! Ago goa ngadhittinɛnao dhul bere kòjjɛsɛna Moldoy ko zuga ekko :nɛa kɔk.

Matiyos 26:59

Na yɔk gɔldangɛa bibiyo doraa Tumu barara ko zuga Ayhudhi bibiyo kedhdhɛa lɔgɔ kumulɔng bere lamiyɛa zuga ku butoga na kamaktɛsɛ Yesus butomo na kichildɛ na kinditɔ.

Matiyos 3:17

Na Tumu yogo lɔgɔ surr tumɔ na seu, “Erite nan ajjany hini hɔldin kibhɛsɛn hiniye, a nganda.”

Matiyos 5:34

Na nɔng anye kesennagung, chɔɔ hunde bhiigɛsɛno zugo lɔgɔye, ba ngagamseo dhul. Na hunde bhiikko lɔgɔye, ‘Any karany :tumu ko ba,’ ngasenno, ke ngaya tumu tundɔ anɛ alleya ihɛa :Komoruyɔ Tumu, na ba anɛ bhɛa dokko jagarreye. Oo, ba sara Yerusalemi ngagamsio ke ngaya Yerusalem anɛ ɔra Tumu Komoruya Bo Goreye.

Matiyos 5:44

Na nɔng anye kesennagung, chɔɔ mirɔga gu ibhtɛsɛ hinisi na zukte messungɛ gɛrrɛng gɛrrɛngge, ogoldɛsɛ Tumu.

Markos 14:55

Na yɔk gɔldangɛa bibiyo doraa Tumu barara ko zuga Ayhudhi bibiyo kedhdhɛa lɔgɔ kumulɔng lami lɔga dha bere ɛddɛa :Yesusi na kòrɛsɛna na kichildɛ na kinditɔ. Na koo lami na ngani ngajɔanɛo dhul.

Markos 15:1

Na bhorroyɔ shaw gɔldangɛa bibiyo doraa Tumu barara ko zuga Ayhudhi bibiyo ko zuga madhdhɛa zugo Damiya Tumu bere kàjjɛa Muse ko zuga Ayhudhi bibiyo kedhdhɛa lɔgɔ kumulɔng hunaa daktɛa Yesus go na tewa ushaye, koo ibhta na chɛbɛ na ayɛsɛ Bhilatos.

Yohanis 11:47

Na koo gɔldangɛa bibiyo doraa Tumu barara ko zuga kɔbhbhɛa damiya Bhɛrɛsi mukta gulsachina Ayhudhi kedhdhɛa lɔgɔ na daga go na se, “Ngahirra me lɔga bo bararaye, maya kème ɛnɛng?

Yohanis 15:25

Na yɔk bhee messɛ ngangaye, a ngaya se kurruknyɛsɛ lɔga bere kɔ̀gɔdhdhɛsɛna dadaba Damiya nɛ sennɛa, ‘Bere marranyɛa hɔlɔng hungge.’

Yohanis 7:20

Na seyɛsɛ :zugu, “Ngahirra tɔkkaginyde, ngangaye, inde hinnoginy rɛsɛye a nɛng?”

Yohanis 8:48

Na zuga Ayhudhi seyɛsɛ nɔng, “Ngangaye, ngaya kesenɛo inye ani hira ku Samariyay na lɔmi mɛnɛngiye, dhere ngayo?”

Zuga Kèkko 17:18

Na kali kona zuga marakkɛa lɔgɔ hoya kimsite kèe Isito ko inde kèe Ebikoros na assa nɔng na ɛkkɛnyandɛ. Na gena se, “Dha ngatugɔdhɔrɔgɔsayta se kese ɛnɛng wa?” Na yɔk gena shigi nɔng hunde madhɛsɛn kamannaa bansanɛa ꞉Yesusi rɛsɛyɔye, na se, “Heo hira yokkono lɔga tumoa ngani chaga na senno kìbhigi ke barari so ka?”

Zuga Kèkko 22:30

Na bhorre gulsaa bholisuny bo ɔga Bhaulos na yogɛsɛ gɔldangɛa bibiyo doraa Tumu barara ko gulsachina Ayhudhi kedhdhɛa lɔgɔ kumulɔng na kumuktiyaa na kojjigi lɔgɔ na katagɛ lɔkte kichilɛ Bhaulose shɛɛ. Na koo dhigana bhɛa nɛ.

Zuga Kèkko 23:1

Na Bhaulos gɔnyu gulsachinaa Ayhudhi kedhdhɛa lɔgɔ churr na sɛɛsɛ, “Gochonginyaa ganyuye! Anye ihineya bere kinginye ko mɛa toye bere katagachcha Tumu shɛɛ kɛr hinisa bo hɔla.”

Zuga Kèkko 24:20

Oo ngazukta nyaga ɛl ngayaye sɛɛ kudhugundoginy lɔkte bere marakkɛ ꞉zuga Ayhudhi kedhdhɛa lɔgɔ na kako kɛddɛiye.

Zuga Kèkko 4:15

Na ayɛ zugo lɔgɔ na kobhonisi bhɛa kègedhdhɛa lɔgɔ bhɔ. Na mɛzzi kɛngɔ na se, “Ngazukta maya kème ɛnɛng? Yɔk zuga Yerusalemi kumulɔng hunde bare ngazukta messɛ lɔga bo bararaye, gaɛyɔ. Na chɔɔ bhee kɛɛnganɛ ꞉aggeu ninggɛ.

Zuga Kèkko 5:21

Na yɔk bhelleyɔ ago doraa Tumu barara tu kɛngɔ na madhtɛsɛ zugo lɔgɔ damiya bare kòyogɛsɛna. Na gɔldanga bo doraa Tumu barara ko bɛkanyaa gɛnyɛ hunaa honyoye, eli zuga Ayhudhi kedhdhɛa lɔgɔ ko zuga Ayhudhi bibiyo kumulɔng. Na ko yɔk ege zuga doraa chibinuny na kidhiganda zuga ekko ꞉Yesusi.

Zuga Kèkko 5:27

Na dhiganda chɔɔ bhɛa kedhdhɛa ꞉zugu lɔgɔ na kighin ꞉gɔldanga bo doraa Tumu barara. Na koo sɛɛsɛ ꞉gɔldangɔ,

Zuga Kèkko 6:12

Na yɔk huy zuga Ayhudhi bibiyo ko ga madhdhɛa zugo Damiya Tumu bere kàjjɛa Muse ko gena kumulɔng. Na dɛbɛ na ago na ibhigi Istibhanos na dhiganda chɔɔ bhɛa kedhdhɛa ꞉zugu lɔgɔ.

Zuga Kèkko 6:15

Na zuga ɛlla bhɛa kègedhdhɛa lɔgɔ kumulɔng hunaa gunynyɛa muma Istibhanosi churrte, argi hunde hɛt ko hira ekkono ꞉Tumu tumɔye.

Zuga Kèkko 7:37

“Na ngahirra kèe Museye, nɔng a hira bere yogɛsɛna zuga Isirayeli lɔgɔ na senɛsɛna, ‘Tumu ale bɛrrana hir kona bhɛa gochonginyaa gu na a hira yogɛsɛna zugo lɔga dhugunono ꞉Tumu hunde nande.’

1 Tɛsɛlongke 4:6

Na ngakona kɛddɛ ngalɔkta bhɛa gochonga nɛnɛ na kadak jagarɛ. Komoru Yesus ale atti zukte messɛ ngalɔkta gɛrɛ ku ngangaye kumulɔng damiya bɔɔ kìbbashshɛunggu na kòyokkogɛunggu sabbɔ.

Tito 3:2

Na zugo ngakedhdhɛ na kete zuga lalna abhanyisiyɛa zugo na lachchanɛa rɛhi bhɛa zugony kumulɔng.

Yaykob 2:20

Ngahirra dalnɛnde, hunde kɛ̀yɛbhɛ lɔga Yesusi na ngalɔkta chal kìchirbhisɛɛ zugoye ngakèmesi, seni kùdhugunoginy bhɛa hologun ningginɛna dha?

Yaykob 3:6

Ko nɔng kayɔ heo ko go. Nɔng bhɛa rɛa na kumulɔng, kayɔ a kɛga dɛmna lɔmma lɔga bo gɛrsa ku kuhuyamo. Na se kigidhigan rɛa na kumulɔng na basseya na kɔshɔgɛ :goa bere tissana iho dhul ko kingi.

1 Yohanis 2:9

Nɔng inde se, “Anye kemesi lɔga hinno :Tumu na kihi hɔldinɔ,” na mar zuga yɛbhbhɛa kamannaa Yesusi konaye, nɔng dhaa ngani i kɔrrɔynɔ.

1 Yohanis 3:10

Yɔk zukte lɔga challa ngamessɛo na zuga yɛbhbhɛa kamannaa Yesusi kari hinisi ngaibhɛsɛnɛoye kumulɔng, erroa Tumu ngayo. Nganda a bhee kàggaɛ erroa Tumu ko ga Moldoyny bhɛa ɛlɛa bhiy bhiyye.

1 Yohanis 5:16

Na igge hunde arto hira yɛbhbho kamannaa Yesusi kari hunde me lɔga gɛrsa, anda nɔng dhul ngaujjukkɛayo na rɛssaoye, ogoldɛsɛ Tumu na aynde ale ajjɛ :Tumu basseyte. Yɔk ngalɔkta koyogiye agga hira messo lɔga gɛrsa na nɔng dhul ngaujjukkɛayo na rɛssao. Na yɔk lɔga gɛrsa ujjukkɛa zugo dhul na rɛsɛa ɛllɛ. Na hunde tɔlɔ inde me lɔkte ku ngangaye, nɔng Tumu ngaogolɛsɛno.

Yihudha 1:9

Chɔɔ ko nɔng hira bo ekko :Tumu allinɛnɛa lalugɛ kenno Mikayel huna bere ɛkkɛnyannɛnɛa ko Moldoy rɛa Muse, bhee bere ujjukkanɛ Moldoy na dhɔmɛ ngani kujjugao. Nɔng bere senɛsɛna, “Any kowologiny :Komoruyɔ Tumu!” hung.