Matiyos 5:18 - Suri Latin

¹⁸ Mɛa ga shigitɔ! Ko bhee tumu ko ba garsɛ, lɔga ɛlla Damiya Tumu bere kàjjɛa Muse kumulɔng ale urruknyɛsɛnɛyɔ. Na chɔɔ bidhɛliya chinynyo godhe oo bidhɛli bhɛa chinynyo godhe Damiya Tumu ngagaraso dhul ko bhee urruknyɛsɛnɛ rang.

Matiyos 5:18 ပူးပေါင်းရင်းမြစ်များ

Matiyos 10:15

Ga shigitɔ! Ɔrre zugo messɛ ngangaye, kolea ale kedhdhɛa :Tumu lɔga zugony, ale kàtti na bhɛa attiya nɛnɛ, chali attiya bere kàttiyɛa Sodom ko Gomora.

Matiyos 10:23

Na hunde kɔ̀gɔldagung ba konnɔ na kàhanggungɔye, jara ba konnɔ hung. Ga shigitɔ! Chɔɔ igge hunde oriya Isirayeli kumulɔng ngani tɔyɛo na dheytaoye, nɔng Hiri Hoynɛ ale kundɔ.

Matiyos 10:42

Ga shigitɔ! Inde ibhbhana maa lalna kombiyɔ na ajjɛ ngazukta chichiye kona ke bhɛa anɛa hira kɔbhbhanyi anyeye, nɔng ale kɛ̀dhdhɛttandɔ.

Matiyos 11:11

Na mɛa ga shigitɔ! Bhɛa ngazukta bere hudhukkonɛ :tɛrrouye kumulɔng, inde jorrono Yohanisa Churro Zugo ninggɛ dhul. Na nɔng bhɛa lɔmɛa :Komoruya tumony zugo, chɔɔ hira chinynyo ghasura, jorrono Yohanisa Churro Zugo.

Matiyos 13:17

Mɛa ga shigitɔ! Zuga bere yogɛsɛnɛa zugo lɔga dhugunono :Tumu ko zuga ridhing ningginɛna ga bo mɛra, bere chirkannɛa bhɛa senno kartɛ ngalɔkta orro :iggeuye, na ngani kartao. Na chɔɔ bere chirkannɛa bhɛa senno kishiktɛ ngalɔkta shikko :iggeuye, na ngani kishiktao.

Matiyos 16:28

Ga shigitɔ! Bhɛa ngazukta chillɛ ngayaye, ga ale shaw ngarɛssɛayo na ɛlla ko bhee orɛ Hiri Hoynɛ hunde kun na allinɛnɛ zugoye, ɛllɛ.”

Matiyos 17:20

Na nɔng yagɛsɛ na sɛɛsɛ, “A ngaya Tumu goore ngayɛbhɛoyoye. Na nɔng mɛa ga shigitɔ! Hunde tɔlɔmɔ yɛbha bhɛa chinynyo godhe hɛtta ko katilay kawari, na seyɛsɛ ngakutulda, ‘Bɔchiyaa ngaya na ok ngonu,’ kɔyɔ. Na chɔɔ anda lɔkte dhandal bhɛa nu na ngaɔninyao, ninggɛ dhul.

Matiyos 18:18

“Ga shigitɔ! Lɔkte ngidhdho bay ngayaye kumulɔng, ko yɔk tumɔ tundɔ ngidhinɛyɔ. Na gee igommono bay ngayaye kumulɔng, ko yɔk tumɔ tundɔ kìgommonoyɔ.

Matiyos 18:3

na sɛɛsɛ yɔk, “Ga shigitɔ! Hunde ngani bhɔdhtɛo na tɛhɛyɛto ko erroa ngani chichoye, bhee hɛyɛo na lɔmɛung :Komoruya tumony ninggɛ dhul.

Matiyos 19:23

Na Yesus sɛɛsɛ zuga kɔbhbhɛa nɔng, “Ga shigitɔ! Zuga aha mɛra bhɛa senno kɔtɔlɔmɛ ꞉Komoruya tumony a dhandali.

Matiyos 19:28

Na sɛɛsɛ :Yesusi, “Ga shigitɔ! Bɛrgua ale bhɔdhɛa :Tumu lɔga bany kumulɔng ke chagi, hunde ale Hiri Hoynɛ i alleya nɛnɛ komorumo bo lɔmma dirambe, ko igge ngazukta kɔbhbhanyu anye ku 12de, ale ɛllo alleyiya komorumo ku 12 na kedhdho lɔga bhorinyaa Isirayeli ku 12.

Matiyos 21:21

Na yagɛsɛ :Yesusi na sɛɛsɛ, “Ga shigitɔ! Hunde yɛbhɛ Tumu na ko hinisi ngadhaginɛno, anda messo lɔga hɛtta ko ngagiya wa kème bhɛa ngachamochitaye. Na chɔɔ anda hunde senɛsɛno ngakutulda, ‘Bɔchiyaa ngaya na ngɔyɛsɛ yirisi toyeye,’ buchinya na kɔyɔ.

Matiyos 21:31

Na mɛa bhɛa ngaerroya ku rammande, inde igomɛsɛn chɔgɔnɛye a inong? Na yɔk yaktɛsɛ na seyɛsɛ, ‘A nganda buye!’ Na sɛɛsɛ :Yesusi, “Ga shigitɔ! Yɔk chɔɔ zuga jimmanungɛa igge gɔrɔ sabbɔ na hɛa bhɛa lɔmɛa :Tumu zugo, a zuga mukkɛa gharata ko ga messɛa lollumo.

Matiyos 23:36

Na mɛa ga shigitɔ! Yɔk zukte ale kattiyɛ ngalɔkta kumulɔngge, a zuga ngatenyda mɛa toyneye.

Matiyos 24:2

Na nɔng sɛɛsɛ, “Ga shigitɔ! Ngadoriyoa kumulɔng orroyɔ? Yɔk ngabɛnda bere kɔ̀gɔdhdhɛye kumulɔng, ale nganga dhul ngaɛllo. Ale kòbolki rang na ngadamita ngaibhinɛo.”

Matiyos 24:47

Ga shigitɔ! Nɔng ngagaymaytonu ale ibhbhana :komoruyɔ na oy ke hira allinɛnɛa ahaa gɛnyɛ kumulɔng.

Matiyos 25:12

“Na nɔng rori yagɛsɛn na senɛsɛn, ‘Ga shiktonyuyɔ! Anye kimaggung dhul.’

Matiyos 25:40

“Na nɔng Komoru ale yagɛsɛn na senɛsɛn, ‘Ga shigitɔ! Nɔng igge huna bere mesɛsɛno ngazukta chichi ku gochonginya ko ngɔnanyaa ganyuye ngalɔkta ɛanɛo zugoye, ngangaye ngalɔktonu messogonyu anye rɛ.’

Matiyos 25:45

“Na nɔng Komoru ale yagɛsɛn na senɛsɛn, ‘Ga shigitɔ! Nɔng igge huna bere ngazukta chichi ku gochonginya ko ngɔnanyaa ganyuye, ngalɔkta ɛanɛo zugoye ngani mesɛsɛayo, ngangaye ko anye ngani mesogonyuo.’

Matiyos 5:26

Na mɛa ga shigonydɔ! Hunde chillɛiny :hiriyɔ na kɛ̀chɛbtinyɔye, ngakɔ̀kkaninyo dhul ko bhee gadhɛɛ birinyaye kàttiyɛinyde rang.

Matiyos 6:16

Na hunde chibbo rɛhi hunynɛnde, ngamesigi huna zuga tabhbhɛa zugo nigite. Yɔk hunde chibbɛ rɛhi hunynɛnde dhittanɛ hinisi na izɔrrɛ rɛhi na kargi :zugu na kɔdhɔngɔ huna zuga chibbɛa rɛhi hunynɛn dhere. Ga shigitɔ! Yɔk lɔga ale kɛ̀dhdhɛttanɛa yɔk kumulɔng a ngagiya jɔanɛ bhɛa zuga dhɔngngɛa yɔkte sɔng.

Matiyos 6:2

Na hunde ɛano zuga chɔllanɛnaye, ngamesigi huna zuga tabhbhɛa zugo nigite. Yɔk hunde ɛanɛ zuga chɔllanɛna doriyoa madhinɛnɛa zuga Ayhudhi lɔga Tumu ko hana sɛrɔ ɔdhdhaye, ɛbbɛkkɛ turumbanya na kargi :zugu na kɔdhɔngɔtɔ. Ga shigitɔ! Yɔk lɔga ale kɛ̀dhdhɛttanɛa yɔk kumulɔng a ngagiya jɔanɛ bhɛa zuga dhɔngngɛa yɔkte sɔng.

Matiyos 8:10

Na Yesus hunaa shikko ngalɔktaye, iwachɛɛ na sɛɛsɛ zugaa kɔbhbhanɛa nɔng, “Ga shigitɔ! Anye bhɛa zuga Isirayeli, hirre yɛbhbhany hunde ngahirraye kona ngani kàrro dhul.

Markos 10:15

Ga shigitɔ! Inde hin bhɛa senno kɔtɔlɔmɛ :Tumuye, maya hɛt ko eri. Nɔng hunde ko eri ngani kɛtɛhɛyɛtoye, bhee ale lɔmɛ :Tumu ninggɛ dhul.”

Markos 10:29

Na nɔng yagɛsɛ na sɛɛsɛ, “Ga shigitɔ! Zukte bere dhɔttɛ doriyoa gɛ oo gɔynggɛ oo ngɔnigɛ oo choginggɛ oo jugɛ oo erro oo gunyaa gɛ ke bhɛa kɔbhbhɛanyɛa anye na madhɛsɛnɛa zugo kamannaa nanu challaye,

Markos 12:43

Na nɔng eleo zuga kɔbhbhɛa nɔng na sɛɛsɛ, “Ga shigitɔ! Ngatɛrita ku bhoyogi ojjɛsɛn ahaa gɛnyɛ giligiliye wa jaraa gaa ojjɛsɛnɛa :ngazukta kumulɔng.

Markos 13:30

Ga shigitɔ! Yɔk ngalɔkta kumulɔng ko bhee urruknyɛsɛnɛ, ngatenyda mɛa toyneye ngagarsɛo.

Markos 14:18

Na hunaa ɛlla bay na aminɛnaye, Yesus yogo lɔgɔ na seu, “Ga shigitɔ! Bhɛa nu kona ale kɔdhdhagany mirɔga. Na chɔɔ ngahirronu mɛa toye a nganda kumulnɛno kariye.”

Markos 14:25

Ga shigitɔ! Anye kɔdhdhanɛ ngakalda na ngawoynda sɛgɛn ngakamayiyo ko bhee ale kamayɛ na ngani kùchudhdhana kolea ale lɔmɛa :Tumu zugo.”

Markos 14:30

Na sɛɛsɛ :Yesusi, “Ga shiktɔ! Inye koo ngabarta hunde kobiya ku sabba kɛngi ramman ngani kɔrɔkkoye, imaggany jagarɛ kɛngi sizzi.”

Markos 14:9

Ga shigitɔ! Ngalɔkta wa me :ngatɛritaye, ale yokkɛ :zugu ba kumulɔng hande hɛyɛ na madhɛsɛnɛ zugo kamannaa Tumu challaye, na kàgadhdhanɛ nɔng dhul ko kingi.”

Markos 3:28

Ga shigitɔ! Yɔk zugo hunde kemesigi lɔga gɛrsa na kɔdhɔmɔ Tumu, ngalɔkta gɛ gɛrɛse kumulɔng bhɛa ale ujjugɛa :Tumu na senɛsɛna, ‘Any kagarayɛ,’ ihe.

Markos 6:11

Na hunde ayto na zugo ngani ngalamanungɛo oo lɔga gu ngani ngashikkɛoye, dhɔyɔ na tibartɛsɛ teriya lɔmmo jagarre ngonu na aynde ibbayɛo yɔk bhɛa ale Tumu kedhdhɛa lɔga gɛye.”

Markos 8:12

Na nɔng ɛsɛdhu lɔga ngazukta na yagɛsɛ hini na seu, “Ngangaye ngatenyda hinnɛ bhɛa senno kartɛ lɔkte barari kɛ ɔng? Ga shigitɔ! Chɔɔ lɔkte barar hinnɛ :yɔkku na kargite anye ngakɔdhɔlɛsɛnno dhul.”

Markos 9:1

Na koo Yesus madhɛsɛ zugo lɔgɔ na sɛɛsɛ, “Ga shigitɔ! Mɛa bhɛa ngazukta chillɛ ngayaye, ga ale shaw ngarɛssɛayo na ɛlla ko bhee orɛ kolea lɔmɛa :Tumu zugo barartina nɛnɛ, ɛllɛ.”

Markos 9:41

Ga shigitɔ! Zukte ajjungɛ ma gee chichi sara ganyu ke ngaya anɛo zuga kɔbhbhanyu anyeye kumulɔng, ale dhɛynɛyɔ.

Yohanis 1:51

A challi, ga shigitɔ! Ale orro tumu hunde onɛ na zuga ekko :Tumu ɔshɔrisinɛ Hiri Hoynɛgiye na gena hɛ tumɔ, gena bhonsanɛ baye.”

Yohanis 10:1

Na Yesus sɛɛsɛ zuga kɔbhbhɛa damiya Bhɛrɛsi, “A challi, ga shigitɔ! Hirre hattana tenya mɛdɛrniuny sari tan kona na waran ngadhoonooye, ngandonu a ɔgɔrchagi ko chimtay.

Yohanis 10:7

Na koo Yesus tɔrɛ sɛgɛn na sɛɛsɛ, “A challi, ga shigitɔ! Kartina tenya mɛdɛrniuny kani :anyo.

Yohanis 12:24

A challi, ga shigitɔ! Hunde gɔraya ku duguy dhɔnɛ ba ngani kɔngɔɛsɛo na kumujjuyooye, i ke ngakawaritonu dhɔnɛnɛ. Na nɔng hunde mujjuaye, dhumuttana na eggissono kawarte mɛri.

Yohanis 13:16

A challi, ga shigitɔ! Bhɛa gaymayuny, bu komoruya nɛnɛ. Na ko nɔng bhɛa hira kèkko, bu hira eginɛna.

Yohanis 13:38

Na Yesus yagɛsɛ na sɛɛsɛ, “Inye seni errɛany anye dhere? A challi. Ga shiktɔ! Nɔng inye hunde kobiya ku sabba ngani kɔrɔkkoye, koo imaggany jagarɛ kɛngi sizzi.”

Yohanis 14:12

A challi, ga shigitɔ! Inde yɛbhbhany anyeye, ko nɔng ale me lɔkte kemesi :anyoye. Na chɔɔ ale me ga jorronɛa ngagiya kemesi :anyoye ke ngaya anye ale kɔgɔɛ bhɛa Babaa nanuye.

Yohanis 16:20

A challi, ga shigitɔ! Nɔng igge hunde ale ruo na munyusso gooreye, yɔk zuga marrɛa Tumu ale hinisiya gɛ a hɔli. Nɔng igge ale ruo chi, na nɔng roa nu ale kɔ na bhɔdhinɛ ke hini hɔldin.

Yohanis 16:23

Na ngakaldonu lɔkte ale ogollonyu anye ninggɛ dhul. Na mɛa ga shigitɔ! Yɔk lɔkte hinnono na ogollo Babaa nanu sara ganyuye kumulɔng, ale ajjunggɔ.

Yohanis 21:18

A challi, mɛa ga shigonydɔ! Nɔng inye huna bere ngani dhakkani ngo, ruminyaa gunyu rɛ annaa bere chibɛsɛni :ɛna na chɔɔ kɔi gɔrre hiniye. Na nɔng hunde ale teu hiriye, bhanyi sɛnɔ na ruminya chibbaginy :hiriyɔ tɔllɔng na chɔɔ dhiganniny gɔrre ngahinioye.”

Yohanis 3:11

A challi. Ga shiktɔ! Lɔga kaggao :aggeu, a gee koyogɛsɛno zugoye. Na ga korrono kawarre, a gee kɔɔbhɛsɛno zugo dibte. Na yɔk lɔga korrono :aggeu kawarre, igge ngahinnoo.

Yohanis 3:3

Na Yesus yagɛsɛ na sɛɛsɛ, “A challi. Ga shiktɔ! Hunde hiri sɛgɛn ngani kùhudhukkiyaayoye, bhee lɔmɛ :Tumu, ninggɛ.”

Yohanis 3:5

Na nɔng yagɛsɛ na sɛɛsɛ, “A challi. Ga shiktɔ! Hiri hunde ma ko Kuloya Tumu ngani kùchuruttoye, bhee kɔɛ na assanɛ Tumu na lɔmɛ ninggɛ.

Yohanis 5:19

Na Yesus yagɛsɛ na sɛɛsɛ, “A challi, ga shigitɔ! Lɔkte me :Eriya Tumu bhichang ninggɛ. Nɔng me lɔga orrono bhɛa Chɔgɔnɛ sɔng. Yɔk lɔkte me :Chɔgɔnɛye ko nɔng messɔ.

Yohanis 6:26

Na nɔng yagɛsɛ na sɛɛsɛ, “A challi, ga shigitɔ! Igge mɛa bhee lamiyɛanyuye a ngaya wa ammeo amissɛ na chasseoye. Ke bhɛaa orɛo lɔga bu barara kemesi :anyo, ngayo.

Yohanis 6:32

Na nɔng Yesus sɛɛsɛ, “A challi, ga shigitɔ! Ngatilaya ku dhere kòhonyɛ tumɔye ajjung :Babaa Nanu. Muse ngani kaungo

Yohanis 6:47

Na mɛa ga shigi shɛɛ! Inde yɛbhbhany anyeye nɔng lɔ basseya iho dhul.

Yohanis 6:53

Na nɔng yagɛsɛ na sɛɛsɛ, “A challi, ga shigitɔ! Hunde Hiri Hoynɛ ayuga rɛa nɛnɛ ngani usigito na nyawaa gɛnyɛ irgitoye, bassey ninggɛnungɔ.

Yohanis 8:34

Na nɔng yagɛsɛ na sɛɛsɛ, “A challi, ga shigitɔ! Hira messo lɔga gɛrsa, a gaymaya lɔga gɛrsa.

Yohanis 8:51

A challi, ga shigitɔ! Inde bhɛk lɔga ganyuye ale ko kingi ngani ngarɛsso dhul.”

Yohanis 8:58

Na nɔng sɛɛsɛ, “A challi, ga shigitɔ! Chɔɔ huna bere Awuraham ngani kirrittiyaayo, anye bere kihi chi.”