Matiyos 5:11 - Suri Latin

¹¹ “Na ko igge hunde dhɔmmungɛ :zugu na maggagungɛ lɔga bo mɛra ku kuhu na hangngungɛ ke bhɛa kɔbhbhɛanyu anyeye, anno tuhinɛ.

Matiyos 5:11 ပူးပေါင်းရင်းမြစ်များ

Matiyos 10:18

Na ibhbhanungɛ na hɛyɛungɛ bhɛa zuga allinɛnɛa zugo ko bhɛa komortɛnuny ke ngaya yɛbhbhɛanyu anyeye na kɔbhɛsɛno yɔk ko zuga bhorinyaa anaa lɔga ganyu bere orrono kawarre.

Matiyos 10:22

Na zugo kumulɔng ale marrungɛ ke ngaya yɛbhbhɛanyu anyeye. Na nɔng inde iriynɛ na yɛbhbhany anye ko bhee jagarɛ rɛsɛye, ale bassɔ.

Matiyos 10:25

Na mɛa hira kàmadhdha, hunde kɛtɛhɛyɛ ko hira madhdha nɔng, anda a challi. Na ko nɔng hira kaynɛna hunde kɛtɛhɛyɛ ko hira kachcha :nɛa, anda a challi. Nɔng hira ku ɛnaa dori annaa bɔɔ kèliya Belzabul. Na ko yɔk zuga ɛlla doraa nɛnɛ kalda yɔk kèli sara gɛrsa dhogoy jorronɛa ngagiya!

Matiyos 10:39

Nɔng inde lami bhɛa senno kibbaysiɛ rɛye, ale ujjuk rɛ. Na nɔng inde ujjuk rɛ ke bhɛa kɔbhbhɛanyi anyeye, ale jɔana basseya iho dhul.

Matiyos 19:29

Yɔk zukte dhɔttɛ doriyoa gɛ oo gɔynggɛ oo ngɔnigɛ oo choginggɛ oo jugɛ oo erro oo gunya ke bhɛa kɔbhbhɛanyɛa anyeye, ale kɛ̀dhdhɛttan na lɔga gɛ jorronɛ ga bere sabbune jagarɛ kɛngi 100 na chɔɔ kàjjɛ basseya iho dhul.

Matiyos 24:9

Na igge ale ibhbhongɛ :zugu na hɛyɛungɛ bhɛa chɔllayɛa zugo na nissongɛyɔ. Na bhorinya kumulɔng ale marrungɛ ke ngaya yɛbhbhɛanyu anyeye.

Matiyos 27:39

Na zuga dhoyɛa ganggu ngonu bere saginnɛa nɔng na dhɔmmɛa gɛrrɛng gɛrrɛng na chukkiyɛa sabbi,

Markos 13:13

Na zugo kumulɔng ale marrungɛ ke ngaya yɛbhbhɛanyu anyeye. Na nɔng inde ujjɛsɛn hini bɛ na yɛbhbhany anye ko bhee jagarɛ rɛsɛye, ale bassɔ.

Markos 13:9

“Na mɛa tɛldi kɔk! Yɔk zugo ale ibhbhongɛ na hɛyɛungɛ bhɛa zuga kedhdhɛa lɔgɔ, na dhakkungɛ doriyoa madhinɛnɛa zuga Ayhudhi lɔga Tumu. Na ale hɛyɛungɛ bhɛa zuga allinɛnɛa zugo ko bhɛa komortɛnuny ke ngaya yɛbhbhɛanyu anyeye na kɔbhɛsɛno lɔga ganyu bere orrono kawarre.

Markos 4:17

Na yɔk ɛllanɛ bhe chinyi ke ngaya sinda shɛɛ ningginɛnɛye. Na hunde chɔllanɛnɛ lɔga Tumu oo kàhangɛ lɔga Tumu na dokkonɛ lɔkte dhandaliye, dhɔttɛ ngalɔkta yɛbhbhɛye shaw hung.

Markos 8:35

Na nɔng inde nganga ngamesso na hin lɔga sabbaa nɛnɛ na se kibbaysi rɛye, ale ujjuk rɛ. Nɔng inde ujjuk rɛ ke ngaya kɔbhbhɛany anye ko kamannaa challaye, ale jɔana basseya iho dhul.

Yohanis 15:21

Na bhee ale tiranynyɛungɛ ngangaye, a ngaya anɛo zuga kɔbhbhanyu anye na chɔɔ imagɛ hira bere ekkononyiye.

Yohanis 9:28

Na yɔk dhɔmɔ gɛrrɛng gɛrrɛng na seyɛsɛ, “Hirre kɔbhi nɔngge ani :inyo. Nɔng agge kanno zuga kɔɔbhbho Muse.

Zuga Kèkko 9:16

Na ale kudhugunɛsɛn nɔng bhɛa ale chɔllanɛnɛa sara ganyu.”