Matiyos 5:10 - Suri Latin

¹⁰ Gee kàhang ke bhɛa messɛa lɔga ridhing ningginɛnaye a tuhinɛ, ke ngaya anɛ zuga lɔmma :Komoruya tumonyde.

Matiyos 5:10 ပူးပေါင်းရင်းမြစ်များ

Matiyos 10:23

Na hunde kɔ̀gɔldagung ba konnɔ na kàhanggungɔye, jara ba konnɔ hung. Ga shigitɔ! Chɔɔ igge hunde oriya Isirayeli kumulɔng ngani tɔyɛo na dheytaoye, nɔng Hiri Hoynɛ ale kundɔ.

Matiyos 19:14

Na Yesus sɛɛsɛ zuga kɔbhbhɛa nɔng, “Ayɛ erro kohoya bhɛa nanu, ngakanyɛo, ke ngaya zukte lɔ :Tumuye heo ko ngaerroya rɛye.”

Matiyos 25:34

“Na nɔng Komoru ale senɛsɛn gaa ɛlla bhɛa nɛnɛ sɛtɛn, ‘Igge ngagiya bere tuhong :Babaa nanuye, hoya bhaga bhɛa lɔmɛungu :nɛa bere kɔdhdhanɛa bɛrgua ngani kèghendonɛa ba ko mɛa toye na ojjogungu kɔk.

Matiyos 5:3

“Zukte iddirnɛnɛ Tumu lɔkke kumulɔngge a tuhinɛ, ke ngaya anɛ zuga lɔmma :Komoruya tumonyde.

Markos 10:14

Na nɔng Yesus hunaa orro ngalɔktaye dɛbu na sɛɛsɛ, “Erro any kohoya bhɛa nanu, ngakanyɛo ke ngaya zukte lɔ :Tumuye heo ko ngaerroya rɛye.

Markos 10:30

yɔk ngabɛrgunyaya mɛa toyneye, ale kɛ̀dhdhɛttan na lɔga gɛ jorronɛ ga bɔɔ sabbune jagarɛ kɛngi zugo hayna, na ale lɔmmɛ doriyo, gochonginya, ngɔnigɛ, jugɛ, erro ko gunya na marrɛ :zugu na chɔllanɛyɔ. Na yɔk bɛrgunyaye wurtune ale andanɛye, ale kàjjɛ basseya iho dhul.

Yohanis 15:20

Ga tunggɛsɛ lɔga bɔɔ koyokkogungu na kesennagungu, ‘Bhɛa gaymayuny, bu komoruya nɛnɛ.’ Yɔk hunde kete zuga bere bhɛkkɛa lɔga ganyu, anda ko yɔk bhɛkkɛ lɔga madhɛsɛno :iggeu. Na hunde agga bere hanganyɛa anyeye, ko igge ale hangungɛ nganga.

Zuga Kèkko 5:40

Na zuga kedhdhɛa lɔgɔ shigi lɔga Gɛmaliya. Na eliyo zuga ekko ꞉Yesusi na dhaga na ayɛ lɔgɔ na wurtɔ sara Yesusi ngayokkɛ na ɔtta.

Zuga Kèkko 8:1

Na ko nɔng Saol dha bere hinɛsɛn Istibhanos rɛsɛ. Na kala rɛsɛa ꞉Istibhanosi lɔgɔ te dhandali goore. Na zuga yɛbhbhɛa Yesus ɛlla Yerusalemɔ kumulɔng kɔ̀gɔrta na bhassayɛ. Na gena hanggɛ oriya ɛlla baa Samariya, gen hanggɛ oriya ɛlla baa Yudha. Na Yerusalemɔ dhɔttɛ ꞉zuga bere ekko ꞉Yesusi sɔng.

2 Timotiyos 2:12

na hunde kùjjɛsɛn hinisi bɛna na kìnyim lɔga chɔllaunyde, ale kɛ̀l ko nɔng kari na kɔ̀lɔ zugo. Na nɔng hunde kìtimaga nɔngge, ko nɔng ale imaggiy sɛgɛn.

2 Timotiyos 3:11

ko lɔga bere kàhangɛanyi na kɔchɔllanɛnɛi, hunde a ɛnɛngge, kumulɔng gayɔ. Na chɔɔ lɔga bere kodokkoni Ansokiyagiye ko Ikoniyomɔ ko Litiragiye na hangɛanyɛa :zugu na kɔchɔllanɛnɛi goore dhogoy na kinyimɛi lɔgɔ, inye gayɔ. Na chɔɔ ko hunde kete nganga, nɔng Komoru annaa bere ibbayseonyɔ bhɛa ngalɔkta kumulɔng.

Yaykob 1:12

Hirre nyim lɔga kìllobɛaye, a tuhinɛ ke ngaya iriynɛnɛ na anɛ dhandaliye. Nɔng ale ajjɛ :Tumu basseya iho dhul ko kingi damiya bere bhiigɛsɛna zuga ibhɛsɛnɛa nɔng hinisi.

Yaykob 5:11

Nɔng igge gaoyɔ hunde zuga nyimmɛa lɔgɔ a tuhinɛye. Chɔɔ Iyob annaa bere guchcho lɔgɔ goore na chirbhiseo :Komoruyɔ na bassa. Nɔng Komoru a hira wonyɛsɛnɛa :zugu na chirbhiseo.

1 Yohanis 3:12

Nɔng Kayel bere anna eriya Moldoyny na koo nisso gɔynɛ. Na igge maya damiya bere nɛnɛ ngamessoo. Na ngangaye gɔynɛ bere nisɛ lɔk giyong? Bere nisso ke ngaya nɔng anɛ hira messo kuhuyamo na gɔynɛ Abel anɛ hira messo lɔga challa ridhing ningginɛnaye.