Matiyos 4:24 - Suri Latin

²⁴ Na koo kamannaa nɛnɛ shigi :zugu kumulɔng na tɛhɛtɛy ko baa Soriya. Na zugo hoyɛy zuga ilagassɛa mutanyoga bhiy bhiy, ko ga chɔllanɛna ilagayɛna bo dhandala, ko ga tɔgɛsɛnɛa :mɛnɛngu, ko ga amma kalalɛ, ko ga chudhinɛna kumulɔng na ayɛsɛ nɔng na ibbaysiu.

Matiyos 4:24 ပူးပေါင်းရင်းမြစ်များ

Matiyos 12:22

Na koo zug gena hoyɛy hirre tɔgɛsɛni, kawarɛ chagi kadhdhakka ibhinɛ na ayɛsɛ Yesus na ibbaysiu. Na hiri aru bho na alliu.

Matiyos 14:1

Na ngakoleonu komoruya kèe Heredios allinɛnɛa Gelila tan kona shigu sabhana Yesusi.

Matiyos 15:22

Na tɛrite ku Kanani bhak ngabaonu ko na assa nɔng na yogɛsɛ lɔgɔ goore na sɛɛsɛ, “Komoru, Ashaya Dawiyye, chirbhiseonyɔ! Sedhdheya nanu bɔɔ tɔgɛsɛa :mɛnɛngiyɔ na mɛa chɔllanɛ gɛrrɛng.”

Matiyos 17:15

“Komorue, chirbhisi eriya nanu. Chɔlla ilagayte dhagɛ ba na chɔllanɛ goore dhogoy. Na tii ngɔsɛn go oo ma toye.

Matiyos 17:18

Na koo wologu mɛnɛngi na chugu, na mɛnɛngi bhona na eri bau nga hung.

Matiyos 4:23

Nɔng Yesus bere woo baa Gelila kumulɔng na madhdha zugo doriyoa gɛ madhinɛnɛa lɔga Tumu, na kɔbhɛsɛna kamannaa challa ale lɔmɛa :Tumu zugo. Na chɔɔ bere ibbayseo zuga ilagassɛa mutanyoga bhiy bhiy ko ga chɔllaa bhoyɔ kumulɔng.

Matiyos 8:28

Na nɔng hunaa errewa yirisiyɔ tandɔ na dakka baa zuga kèe Gergesonde, yɔk zukte am :lollu ku ramman bhonda bhogoyɛte dha bere kòjjɛ zugo na itinynyandɛ ko nɔng. Yɔk dha bere a lolloa dhakkɛa zugo bo kɛ̀ngɛrsa na chɔɔ ngagangguonu ɛlɛ :yɔkkuye zugo ngadhoyɛayo dhul.

Matiyos 8:33

Na yɔk zugaa iwoyɛa chɔwachina nge ɔrɔ na yoktɛsɛ zugo ngalɔkta kumulɔng ko gaa kìbbaysiyɛa zuga bere tɔgɛsɛnɛa :mɛnɛngu.

Matiyos 8:6

“Komoru, anye kɔlɔmi hira kachchanyi inde chudhinɛ na ilaga ke rɛsi. Na mɛa ungu dorigiye.”

Matiyos 9:26

Na kamannaa ngalɔkta tɛhɛtɛy ko ngabaonu kumulɔng.

Matiyos 9:35

Nɔng Yesus bere woo ori toye kumulɔng na madhɛsɛna zugo lɔga Tumu doriyoa gɛ madhinɛnɛa zuga Ayhudhi, na kɔbhɛsɛna kamannaa challa ale lɔmɛa :Tumu zugo. Na bere ibbayseo chɔɔ zuga ilagassɛa mutanyoga bhiy bhiy kumulɔng.

Markos 1:28

Na sabhana nɛnɛ bhasanyɛsɛ ba shaw hung na tɛhɛtɛy ko oriya ɛlla Gelilagiye ngonu kumulɔng.

Markos 1:32

Na hunaa su ngɔa na bho tewa ririnyaye, zugo hoyɛy zuga ilagasɛa ko ga tɔgɛsɛnɛa :mɛnɛngu kumulɔng na ayɛsɛ Yesus.

Markos 2:3

Na zug gena hoyɛy hirre chudhinɛ ngorronɛ :zukte ku wush na kayɛsɛ Yesus na kibbaysiyɔ.

Markos 2:4

Na koo ngazuktonu bhee honynyɛ hiri na ajjɛsɛnɛ Yesus garu ke ngaya bere zugo anɛ mɛriye. Na irrɔgɔ dori kura na bolkiyo tana ihɛa :Yesusi na ɔsɔnisiyo hiri ba galiyaa kòngorronɛa.

Markos 2:9

Mɛa bhasen hunde kèsenɛsɛn hiri, ‘Lɔga gɛrsa bere ɛddɛi wa kùjjukta na gartaye,’ oo bhasen hunde kèsenɛsɛn, ‘Bana ibha galiyaa kòngorronɛinyi na ogoye?’

Yohanis 10:21

Na yɔk gen se, “Ay! Hira amma :lollu lɔkte ku nganga ngayokkonoo. Anda mɛnɛngi hira kawarɛ chaga, kawarɛ oonoyɔ?”

Zuga Kèkko 10:38

Na bɛrgua churɛa zugo ma, Tumu annaa bere uhudhdho Yesusa Nazireti Kuloya nɛnɛ na ajjɛa barartin. Na hande kɔɛye kumulɔng ɛlla ko nɔng na messo lɔga challa. Na chɔɔ ibbayseo zuga chibbo ꞉Moldoyɔ kumulɔng.

Zuga Kèkko 15:23

Nɔng dadaba bere ittonɛsɛnɛa ꞉yɔkku dha bere se, “Kanno zuga bere ekkiy ꞉Yesusi ko zuga bibiyo lɔmmɛa zuga yɛbhbhɛa Yesus, ko gochonginyaa gu kabhakko Yerusalem. Na ngadadabta kɔ̀gɔdhdhagung zuga bhorinyaa anaa yɛbhbho Yesus bhakko Ansokiya ko Soriya ko Kilkiya. Na kesennagung, ‘Saro saro!’

Zuga Kèkko 15:41

oriya ɛlla Soriyagiye ko Kilkiyagiye na iriyi zuga yɛbhbhɛa Yesus gɔrɔ gɔrɔ.

Zuga Kèkko 28:9

Na nɔng hunaa messo ngangaye, zuga ilagassɛa bhakkɛa ngabaonu kumulɔng hoya na kìbbaysiyo.

Zuga Kèkko 8:7

Na mɛnɛnga bhonda bhɛa zuga bo mɛra na ara wuy goore. Na ko yɔk anyakuwandaa bo mɛra ko zuga chudhinɛna baya.