Matiyos 3:7 - Suri Latin

⁷ Na hunaa Yohanis orro zuga bo mɛra kɔbhbhɛa damiya Bhɛrɛsi ko ga kɔbhbhɛa damiya Sodhokka hunde hony bhɛa churɛa :nɛa zugoye, sɛɛsɛ, “Ngahoyaa kurmusinyanyde, ngangaye inde ibbachchung na jara ngaattiya Tumu kunde a nɛng?

Matiyos 3:7 ပူးပေါင်းရင်းမြစ်များ

Lɔgɔ Sabba 3:15

Na inye ko ngatɛrita ale annɛno mirɔkɔn. Na ko nɔng ashaya nunu ko na nɛnɛ ale annɛ mirɔkɔn. Na nɔng ale rɔnyiny sabbaa nunu. Na inye ale ngɛti tiinyoya nɛnɛ.

Matiyos 12:24

Na yɔk zuga kɔbhbhɛa damiya Bhɛrɛsi hunaa shikkɛa ngalɔktaye se, “Nɔng mɛa ngahirra mɛnɛnga obhoniseono barartina gulsaa mɛnɛnguny Belzabuli sɔng.”

Matiyos 12:34

Ngahoyaa kurmusinyanyde, na igge hunde anno ngagiya ku kuhuyagaye go, anda lɔga challa yokkono ɛnɛng? Anye bhee kesennagɛung ngangaye, a ngaya lɔga lɔmma :hiriyɔ kɛngɔ, koo dhininyanɛ na yokkonɛ tugɔye.

Matiyos 15:12

Na koo zuga kɔbhbhɛa nɔng hoya gɔra nɛnɛ na seyɛsɛ, “Ngangaye hunde zuga kɔbhbhɛa damiya Bhɛrɛsi dhaa shigi lɔgaa yokkoni na hinisi te kɔrrɔye, wa tagu chi dha?”

Matiyos 16:1

Na zuga kɔbhbhɛa damiya Bhɛrɛsi ko ga kɔbhbhɛa damiya Sodhokka hoya gɔra Yesusi na illobo na ghini na kɔdhɔlɛsɛ lɔkte barari tumɔ.

Matiyos 16:6

Na sɛɛsɛ :Yesusi, “Tɛldi kɔk na kɛngɛ rɛhi bhɛa bhoguma zuga kɔbhbhɛa damiya Bhɛrɛsi ko gaa kɔbhbhɛa damiya Sodhokka!”

Matiyos 22:15

Na yɔk zuga kɔbhbhɛa damiya Bhɛrɛsi koo ago na daga go na lami ganggua senno kɔɔnggɛ Yesus lɔkte kesea ale yokkonoye.

Matiyos 22:23

Na ngakaldonu rɛ, yɔk zuga kɔbhbhɛa damiya Sodhokka lɔga ale kàbansanɛa rɛsɛyɔ ngayɛbhbhɛayo, hoya bhɛa Yesusi na ghini

Matiyos 22:34

Na zuga kɔbhbhɛa damiya Bhɛrɛsi hunaa shikkɛa hunde dhaa Yesus dhugunɛsɛ zuga kɔbhbhɛa damiya Sodhokka lɔgɔ na rɛgɛ :lɔkku na dhittɛ ribte, koo muktiyaa ke dhɔnɛ.

Matiyos 23:33

“Ngazukta bu hɛtto ko konnaa lɔmmɛa madhdha ko hoyaa kurmusinyanyde! Ngangaye igge senno ale jorro bhɛa ale kùjjukkanɛungu na kàttiyɛungu goa iho dhul ka?

Matiyos 5:20

Na mɛa lɔga messo :iggeu ridhing ningginɛna maya jorronɛ ga messɛa :zuga kɔbhbhɛa damiya Bhɛrɛsi ko ga messɛa zuga madhdhɛa zugo Damiya Tumu bere kàjjɛa Muse. Yɔk hunde lɔga gu, ga gɛ ngajorronɛoye, bhee ale hɛyɛo na lɔmɛung :Komoruya tumony ninggɛ dhul.

Markos 12:13

Na gulsachina zuga Ayhudhi ibhta zuga kɔbhbhɛa damiya Bhɛrɛsi gen ko bara Herediosi ke siwonyoga na koo ittono na kɔɔngɔ Yesus lɔkke.

Markos 12:18

Na koo zuga kɔbhbhɛa damiya Sodhokka lɔga ale kàbansanɛa rɛsɛyɔ ngayɛbhbhɛayo, hoya bhɛa Yesusi na kighini lɔk gena.

Markos 8:15

Na ibbayu :Yesusi na yogɛsɛ lɔgɔ na sɛɛsɛ, “Tɛldi kɔk! Na kɛngɛ rɛhi bhɛa bhoguma zuga kɔbhbhɛa damiya Bhɛrɛsi ko bhɛa bhoguma Herediosi.”

Yohanis 1:24

Na yɔk zugaa kèkkono kɔbhbhɛa damiya Bhɛrɛsi gen ghini na seyɛsɛ, “Na inye hunde Kirisos oo Eliyas oo hira yogɛsɛni zugo lɔga dhugunono :Tumu ngaaniyoye, zugo churi kɛ ɔng?”

Yohanis 8:44

Nɔng igge anno erroa babaa nu Moldoyny na senno mesigi lɔga hinnono :nɛa. Nɔng a hira bere nissono zugo kingi na marra lɔga ku dhere ke ngaya lɔga ku dhere bhɛa nɛnɛ ningginɛnɛye. Na chɔɔ hunde mɛzzi butomoye, yokkono kabiya nɛnɛ butomo ke ngaya anɛ butogi na butomo bere shigininyanɛ bhɛa nɛnɛye.

Yohanis 9:40

Na zugaa ɛlla ngonu kɔbhbhɛa damiya Bhɛrɛsi gena hunaa shikkɛa ngalɔktaye, se, “Ay! Ngalɔkta ɛl ɛnɛng wa? Na mɛa ko agge kawarɛ anniy dhittinɛ dha?”

Zuga Kèkko 15:5

Na zuga kɔbhbhɛa damiya Bhɛrɛsi yɛbhbhɛa Tumu gen banda na se, “Zuga bhor konnuny hunde yɛbhbhɛ lɔga Yesusiye, maya kedhdhɛ rɛhiya maya na bhɛkkɛ Damiya Tumu bere kàjjɛa Muse.”

Zuga Kèkko 20:31

Na mɛa igge bhɛgɛ rɛhi! Na katta lɔga bere kibbashɛungu na kamadhɛungu oynya sizzi kari bar ko kali kedherre.

Zuga Kèkko 26:5

Nɔng huna bere sabbɔ kɛbhɛgɛi damiya Bhɛrɛsi bo dhandala, yɔk gaɛyɔ. Na hunde kako hinnɛye, sɛɛ koyoktoyɔ.

Zuga Kèkko 5:17

Na gɔldanga bo doraa Tumu barara ko bɛkanyaa gɛnyɛ ku Sodhokka chirkana lɔga messɛa ꞉zuga ekko ꞉Yesusi.

1 Tɛsɛlongke 1:10

Yɔk dha bere yogɛsɛnɛ zugo bhɛa reyɛo Yesus, eriya Tumu, bere dhɔngngana :chɔgɔnɛ rɛsɛyɔ na mɛa iho basseyɔ tumɔ. Na nɔng anna ibbayseiy agge hunde ale Tumu ken lɔga zugony na atti gee ɛddɛɛ lɔga gɛnyɛye.

1 Yohanis 3:10

Yɔk zukte lɔga challa ngamessɛo na zuga yɛbhbhɛa kamannaa Yesusi kari hinisi ngaibhɛsɛnɛoye kumulɔng, erroa Tumu ngayo. Nganda a bhee kàggaɛ erroa Tumu ko ga Moldoyny bhɛa ɛlɛa bhiy bhiyye.