Matiyos 3:6 - Suri Latin

⁶ na dhugunɛsɛnɛ Tumu lɔga gɛ gɛrsa na chur :Yohanisi kidhoa Yordanosi.

Matiyos 3:6 ပူးပေါင်းရင်းမြစ်များ

Matiyos 3:11

“Nɔng anye mɛa kuchurrong ma hung ke bhɛaa dhugunɛsɛno Tumu lɔga gu gɛrsa na ujjugɛa. Na nɔng inde ɔnnɛ na jorronony anyeye ale kɔbhbhananydɔ. Nɔng bhɛa nɛnɛ, anye kani na chinynyo ghasura chɔɔ chahaa gɛnyɛ ngakɔlɔgɔniyo. Na ale churrong Kuloya Tumu ko gogiye.”

Markos 1:5

Na zuga bhakkɛa Yerusalem ko ga bhakkɛa baa Yudha kumulɔng ago na assa nɔng. Na koo dhugundɛsɛ Tumu lɔga gɛ gɛrsa na churu :Yohanisi kidhoa Yordanosi.

Zuga Kèkko 1:5

Nɔng Yohanis anna bere churro zugo ma. Na nɔng igge ale ɛllo ungge muchugi na kùchurrong Kuloya Tumu.”

Zuga Kèkko 11:16

Na kagadhau lɔga bere yokkono ꞉Komoruyɔ na sennɛa, ‘Yohanis annaa churnɛna ma. Na nɔng igge ale kùchurrong Kuloya Tumu.’

Zuga Kèkko 19:18

Na bhɛa zuga ngani yɛbhbhanɛa Yesus ga mɛra ko yɔk hoya na yoktɛsɛ zugo lɔga gɛ gɛrsa bere messɛa na kujjugutɔ.

Zuga Kèkko 22:16

Na mɛa ihi bay dhɛɛ kɛ ɔng? Bana, eli sara Yesusi na churrɛ na tonyo lɔga gunyu gɛrsa.

Yaykob 5:16

Na mɛa dhugundɛ lɔga gu gɛrsa kɛngɔ na ogolo Tumu na kibbaysiyɛunggɔ. Nɔng hira ridhing ningginɛna hunde allinɛ ko Tumuye, shik :Tumu na ajjɛ barartin na me lɔga bo dhandala.

1 Yohanis 1:9

Na nɔng hunde kùdhugundɛsɛ Tumu lɔga ga gɛrsa dib, nɔng ujjuk na sennagiy, “Any kagarayɛ,” na onynyono ridhingɛa ga kumulɔng ke ngaya anɛ hira kìbhɛsɛna hinisi na kedhdho lɔgɔ dibte.