Matiyos 3:2 - Suri Latin

² na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa na wakta gɔra nɛnɛ.”

Matiyos 3:2 ပူးပေါင်းရင်းမြစ်များ

Matiyos 10:7

Na hunde hɛoye, madhtɛsɛ lɔgɔ na seyɛsɛ, ‘Kolea senno kɔtɔlɔmɛ :Komoruya tumony zugo mɛa te ja.’

Matiyos 11:20

Na koo Yesus wologu zuga bere oriya gɛ messɛa :nɛa lɔga bo dhandala kìwacheo ke ngaya lɔga gɛ gɛrsa ngani kujjuktɛoye, na sɛɛsɛ,

Matiyos 12:41

Na kolea ale kedhdhɛa :Tumu lɔga zugony, yɔk zuga bere bhakkɛa Nɛnɛwe ale bansanɛ na ɛl ko zuga ngatenyda. Na zuga Nɛnɛwe chilɛ ga ngatenyda na ujjukkanɛ, ke ngaya ga Nɛnɛwe bere shigɛ lɔga madhɛsɛna ꞉Yonasi na ujjugɛ lɔga gɛ gɛrsaye. Na nɔng hira jorrono Yonas chɔɔ mɛa ngaya ihe.

Matiyos 13:11

Na nɔng yagɛsɛ na sɛɛsɛ,“Yɔk bhee kɛ̀lɛhɛnɛsɛn lɔgɔye, a ngaya igge bhɛa gayɛo lɔga munnɛna lɔmɛa :Komoruya tumony zugo, bere kàungɔ, na yɔk ngani kàyɛoye.

Matiyos 13:24

Na koo ɛlɛhɛnɛsɛ lɔk gena sɛgɛn na sɛɛsɛ, “Lɔga lɔmɛa :Komoruya tumony zugo hɛt ko hira sachcha dugua challa gua nɛnɛ.

Matiyos 13:31

Na ɛlɛhɛnɛsɛ lɔk gena sɛgɛn na sɛɛsɛ, “Lɔga lɔmɛa :Komoruya tumony zugo hɛt ko katilay kawariya kùdukko ibhbhana :hiriyɔ na sachcha gɛwaa nɛnɛ.

Matiyos 13:33

Na ɛlɛhɛnɛsɛ lɔk gena sɛgɛn na sɛɛsɛ, “Lɔga lɔmɛa :Komoruya tumony zugo hɛt ko bhoguma ibhbhana :tɛriyɔ na gachiyɛa gutumaa anda kàmankeono gɛla kɛngi hayna ko bhee gutuma ɛbbɛginɛnɛ kumulɔng.”

Matiyos 13:47

“Na sɛgɛn lɔga lɔmɛa :Komoruya tumony zugo hɛt ko galiya kìbhɛa urgusa, kùjjugɛsɛna yirisi toye na ibhbho urgusa ɛynya kumulɔng.

Matiyos 13:52

Na nɔng sɛɛsɛ, “Yɔk mɛa zuga madhdhɛa zugo Damiya Tumu kumulɔng ngani gaanɛa lɔga lɔmɛa :Komoruya tumony zugo, hɛt ko hira obhoniseono ahaa bo dhandala lɔmma doraa nɛnɛ bere shogisɛna ba kingi ko gee bɔɔ ngani shogeonoye.”

Matiyos 18:23

“Bhee anɛ ngangaye, a ngaya lɔga lɔmɛa :Komoruya tumony zugo hɛt ko lɔkte dha bere me :komoru konnɔye. Nɔng dha bere se kumuga birinyaa ku ewona lɔmɛsɛnɛa :zuga kachchɛa nɔng.

Matiyos 20:1

Yɔk lɔga lɔmɛa :Komoruya tumony zugo hɛt ko lɔkte dha bere me :hirre lɔ gua woynunyde. Nɔng dha bere bansana bhorroyɔ shaw na lameono zuga senno kagadhi na kemesɛ gua nɛnɛ.

Matiyos 22:2

“Yɔk lɔga lɔmɛa :Komoruya tumony zugo hɛt ko lɔkte dha bere me :komoruyte duri eriya nɛnɛ wololoye.

Matiyos 23:13

“Na mɛa ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, igge ale ruyɛo rɛhiya gu, ke ngaya nyugɛo ganggua senno kaytɛ :zugu gɔra lɔmɛa :Komoruya tumony zugoye. Nɔng igge sabbiya gu rɛ, marro bhɛa hɛyɛo bhɛa lɔmɛa :Komoruya tumony zugo na chɔɔ kanyɛo zuga hinnɛa bhɛa senno kaytɛ ngonu.

Matiyos 25:1

“Nɔng ale ngakoleonu lɔga lɔmɛa :Komoruya tumony zugo, hɛt ko lɔkte dha bere messɛ :sedhdhee ku tɔmmɔn terinyɛ gochin na bhonsɛ bhɔ na kɔmɔyɔ rorite duri wololoye.

Matiyos 25:14

“Na sɛgɛn lɔga lɔmɛa :Komoruya tumony zugo ale hɛt ko lɔkte dha bere me :hirre se kok ba konnɔ na koo eleono gaymanyaa gɛnyɛ na dhɔyɛsɛn ahaa gɛnyɛye.

Matiyos 4:17

Na ngabɛrguonu Yesus tɔgɔdhay bhɛa madhɛa zugo lɔga Tumu. Na madhɛsɛ na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa.”

Matiyos 4:23

Nɔng Yesus bere woo baa Gelila kumulɔng na madhdha zugo doriyoa gɛ madhinɛnɛa lɔga Tumu, na kɔbhɛsɛna kamannaa challa ale lɔmɛa :Tumu zugo. Na chɔɔ bere ibbayseo zuga ilagassɛa mutanyoga bhiy bhiy ko ga chɔllaa bhoyɔ kumulɔng.

Matiyos 5:10

Gee kàhang ke bhɛa messɛa lɔga ridhing ningginɛnaye a tuhinɛ, ke ngaya anɛ zuga lɔmma :Komoruya tumonyde.

Matiyos 5:3

“Zukte iddirnɛnɛ Tumu lɔkke kumulɔngge a tuhinɛ, ke ngaya anɛ zuga lɔmma :Komoruya tumonyde.

Matiyos 6:10

Wo na tɔlɔmiyɔ. Na lɔkte seni kurruknyɛsɛ bay ngayaye, any kurruknyɛsɛ hunde tumony tunduneye.

Matiyos 6:33

Na mɛa bhɛa lɔkkuny kumulɔng, ga sabbɔ goore lami bhɛa lɔmɛa :Tumu zugo na kɔbhɔ lɔga gɛnyɛ ridhing ningginɛna, na aynde ale kɔ̀tɔrrɛung ngaahaya hinno :iggeuye kumulɔngge.

Markos 1:15

“Kolea urruknyɛsɛnɛa lɔga bere bhiigɛsɛna :Tumu zugo wa kowa. Na mɛa ko nɔng kolea senno kɔtɔlɔmɛ :nɛa zugo te ja. Na mɛa ujjugu lɔga gu gɛrsa na yɛbhɛ kamannaa challa.”

Markos 1:4

Na koo Yohanisa Churro Zugo bana na churu zugo korugiye na madhɛsɛ bhɛa ujjugɛa lɔga gɛ gɛrsa na wokkonɛa gɔra Tumu na churnɛnɛa ma na ridhingɛa gɛ ujjugɛa :Tumu.

Markos 6:12

Na yɔk koo banda na ago na madhtɛsɛ zugo bhɛa maya ujjugɛa lɔga gɛ gɛrsa.

Zuga Kèkko 11:18

Na zugo hunaa shikkɛa ngalɔktaye, rɛgɛ ꞉lɔkku. Na eterrisana Tumu na se, “Na mɛa kèe Tumu wa aynɛa zuga bhora anaa bhɛa ujjugɛa lɔga gɛ gɛrsa na kawakta gɔra nɛnɛ na kɔjɔya basseya iho dhul.”

Zuga Kèkko 17:30

Nɔng bɛrgunyaa bere sabbune ngalɔkta huna zugo imaggɛa na messonɛa, Tumu annaa nyima. Na nɔng mɛa ajjɛ zuga bhakkɛa ba kumulɔng lɔgɔ, na kujjugu lɔga gɛ gɛrsa, na kohoya gɔra nɛnɛ.

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 20:21

Anna bere kamadhɛsɛni zuga Ayhudhi ko zuga Giriki lɔgɔ na kujjugu lɔga gɛ gɛrsa na kawakta gɔra Tumu na kɛyɛbhɛ Komoruya na Yesus.

Zuga Kèkko 26:20

Na sabbɔ kamadhdha zuga Dɛmasko ko zuga Yerusalemi ko zuga baa Yudha kumulɔng. Na koo kɔtɔrɛu zuga bhorinyaa anaa Tumu ngani kɛyɛbhtao. Na koyogɛsɛu na kujjugu lɔga gɛ gɛrsa kumulɔng na kawakta gɔra Tumu, na kemesigi lɔga hinno ꞉Tumu na kɔdhɔlda bhɛa anɛa zuga ujjukkɛa lɔga gɛ gɛrsa.

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

2 Timotiyos 2:25

Na sɛɛ kiyaga hinisiya zukte marrɛ nɔngge, na aynde kesea ale yɔk wokkonɛ gɔra Tumu na lɔga gɛ gɛrsa kùjjuk na gaɛ lɔga ku dhere,

2 Betiros 3:9

Yɔk zug gena ɛsɛdhdhɛ lɔgɔ na se kee lɔga kìbhɛsɛna hinisi bere bhiikkagiy :Komoruyɔ, ale ɛl dirr na shaw ngaurruknyɛsɛnɛo. Na nɔng nganga ngayo. Nɔng Komoru bhɛa senno kurrugɛsɛ ngalɔkta gɛny bere bhiikkagiyte, dhul ngaiho. Nyim lɔga gu tɔllɔng ke bhɛa senno hirre dhɔnɛ ngakagarɛ. Nɔng se zugo kumulɔng kudhugundɛsɛ Tumu lɔga gɛ gɛrsa dib, na kujjugu na kawakta gɔra nɛnɛ.