Matiyos 27:54 - Suri Latin

⁵⁴ Na gulsaa bholisuny ko zugaa bhɛkkɛa Yesus hunaa orrɛa ba hunde chukinɛye ko ngalɔkta wa ɛrrinyaye kumulɔngge, dɛɛbɛ na tɛngɛrɛ bho goore na se, “Kèe ngahirra dhaa a Eriya Tumu dhere chi!”

Matiyos 27:54 ပူးပေါင်းရင်းမြစ်များ

Matiyos 26:63

Na nɔng Yesus dhiyɛ rib. Na gɔldanga bo doraa Tumu barara sɛɛsɛ nɔng, “Ga tɛngɛr Tumu, Komoruya iho basseyɔ, na dhugunogiy dib hunde ani Eriya Tumu ku Kirisose.”

Matiyos 27:36

Na tɛlda bay ngonu na bhɛgɛ nɔng.

Matiyos 27:40

na senɛsɛnɛa, “Hira bɔɔ seni ale bolkii doraa Tumu barara na kɔdhdhi ungo sizziyɔ! Mɛa ga ibbaysi rɛa nunu! Na hunde ani Eriya Tumuye, ga bhona ngakɛta kìlakɛinynde!”

Matiyos 27:43

Nɔng a nganda yɛbh Tumu na chɔɔ bɔɔ se, ‘Anye kani Eriya Tumuye!’ Na mɛa hunde Tumu hin bhɛa senno kibbaysɛɛ nɔngge, ga any kibbaysiyɔ.”

Matiyos 27:51

Na ngakoleonu ruma kìbhilɛa doraa Tumu barara bhɛa kullɛna toye, ɛrrɛyɛ kɛrghɛnɔ gak na te ramman. Nɔng huna bere ɛrrɛynɛna, bere ɛrrɛchinyana surr tundɔ ko bhee dogɛ ba bay. Na ba chukɛɛ na tawari bhɛldɛ gak gak,

Matiyos 4:3

Na Moldoy ko na sɛɛsɛ, “Hunde ani Eriya Tumu dhereye, ga sɛɛsɛ ngabɛnda na kɔbhɔdhtɛ ke amissɛ!”

Matiyos 8:5

Na Yesus hunaa kɔa na dokko Kibirombe, nɔng hirre ku gulsaa bholisuny kona ko na assa nɔng na tɔllɔhɛsɛ na kɛayɔ. Na sɛɛsɛ,

Markos 15:39

Na gulsaa bholisuny bere chillo jaa ngonu kìlagɛ Yesuse, hunaa orro ngaya arɛ :Yesusi wuy na rɛsɛye, seu, “Kèe ngahirra dhaa a Eriya Tumu dhere chi!”

Yohanis 19:7

Na yɔk yaktɛsɛ na seyɛsɛ, “Agge damiya nayo ihe. Na nɔng damiya nayo ngahirra maya rɛsɔ ke ngaya ojjɛ rɛa nɛnɛ ke Eriya Tumuye.”

Zuga Kèkko 10:1

Dha bere Kesariyagiye lɔ hirre kèe Kornolios. Na a gulsaa bholisi allinɛnɛa bholisa kènno “Kimsiya Dhalɛni” gam kona.

Zuga Kèkko 2:37

Na koo zugo hunaa shikkɛa ngalɔktaye, kɛngi bhɔttɛ na seyɛsɛ Betiros ko zuga ekko ꞉Yesusi, “Gochonginyaye, na mɛa senno kèmesso ɔng?”

Zuga Kèkko 21:32

Na nɔng ibha gulsachina bholisuny gena ko bholi ke tiri na nge bhɛa ɛlɛa ꞉zugu. Na yɔk zugaa urgushshɛa ba hunaa orrɛa bholi ko gulsaa nɛye, Bhaulos ngani ngadhakkɛo.

Zuga Kèkko 23:17

Na Bhaulos eliu gulsaa bholisi chinynyo kona na sɛɛsɛ, “Dhigan ngaerita bhɛa gulsaa nu bo. Lɔ lɔkte se koyogɛsɛ nɔng.”

Zuga Kèkko 23:23

Na koo eliu gulsachina gɛnyɛ gee ku ramman na sɛɛsɛ, “Ibhta bholise ku 200 ko ga woyɛa harteyiye gee ku 70 ko ga bɛrrany gee ku 200 na jhaynɔ satinya sizziyɔ kago Kesariyagiye.

Zuga Kèkko 27:1

Na hunaa ɛlɛhɛnda lɔga senno kaytɛo Dhalɛnɔ gonggulɔ na tewa ushaye, Bhaulos ko zuga kìchibbo gena kayɛ hira kèe Yuliyos ku gulsaa bholisa kimsiya Komoruya Rome kènno Awsos.

Zuga Kèkko 27:43

Na gulsaa bholisuny bo tɛhɛnɛsɛ Bhaulos bassey na tamaru lɔga ɛsɛdhdhɛa ꞉bholisɔ. Na aynɛ zugo lɔgɔ na gee gaɛ zel dhagaye, kɔbɔrrɔtɛsɛ yirisi sabbɔ na kerre yirisiyɔ tandɔ.