Matiyos 26:63 - Suri Latin

⁶³ Na nɔng Yesus dhiyɛ rib. Na gɔldanga bo doraa Tumu barara sɛɛsɛ nɔng, “Ga tɛngɛr Tumu, Komoruya iho basseyɔ, na dhugunogiy dib hunde ani Eriya Tumu ku Kirisose.”

Matiyos 26:63 ပူးပေါင်းရင်းမြစ်များ

Matiyos 16:16

Na yagɛsɛ :Simon Betirosi na sɛɛsɛ, “Inye ani Kirisos, Eriya Tumu, Komoruya iho basseyɔ.”

Matiyos 26:62

Na koo gɔldanga bo doraa Tumu barara bana na sɛɛsɛ Yesus, “Na inye mɛa seni ɛnɛng? Ngalɔkta dhugunnonɛ :zuguye, a ɛnɛng?”

Matiyos 27:12

Na koo gɔldangɛa bibiyo doraa Tumu barara ko zuga Ayhudhi bibiyo childɛ nɔng, na nɔng lɔgɔ ngani ngayagɛsɛnno.

Matiyos 27:14

Na nɔng Yesus lɔgɔ ngani ngayagɛsɛnno dhul, na dhiyɛ rib na chɔɔ ga chicho godhe ngani ngayokkonoo. Na Bhilatos iwachɛɛ goore.

Matiyos 27:40

na senɛsɛnɛa, “Hira bɔɔ seni ale bolkii doraa Tumu barara na kɔdhdhi ungo sizziyɔ! Mɛa ga ibbaysi rɛa nunu! Na hunde ani Eriya Tumuye, ga bhona ngakɛta kìlakɛinynde!”

Matiyos 27:43

Nɔng a nganda yɛbh Tumu na chɔɔ bɔɔ se, ‘Anye kani Eriya Tumuye!’ Na mɛa hunde Tumu hin bhɛa senno kibbaysɛɛ nɔngge, ga any kibbaysiyɔ.”

Matiyos 27:54

Na gulsaa bholisuny ko zugaa bhɛkkɛa Yesus hunaa orrɛa ba hunde chukinɛye ko ngalɔkta wa ɛrrinyaye kumulɔngge, dɛɛbɛ na tɛngɛrɛ bho goore na se, “Kèe ngahirra dhaa a Eriya Tumu dhere chi!”

Matiyos 4:3

Na Moldoy ko na sɛɛsɛ, “Hunde ani Eriya Tumu dhereye, ga sɛɛsɛ ngabɛnda na kɔbhɔdhtɛ ke amissɛ!”

Markos 14:61

Na nɔng Yesus tɛu rib na lɔgɔ ngani ngayagɛsɛnno. Na gɔldanga bo doraa Tumu barara ghinu sɛgɛn na sɛɛsɛ, “Ngangaye inye ani Kirisos Eriya Tumu Komoruya Tuhinɛna chi dha?”

Yohanis 1:34

Na mɛa nɔng hunde dhaa a Eriya Tumuye wa karra tok na kɔɔbhagungngɔ dib.”

Yohanis 1:49

Na sɛɛsɛ :Natinayeli, “Hira Madhdhiy, inye ani eriya Tumu. Na chɔɔ ani Komoruya zuga Isirayeli.”

Yohanis 10:24

Na zuga Ayhudhi muktiyaa na bakta nɔng na seyɛsɛ, “Ngangaye seni kàrakteo ko hinisi chɔɔ ore? Hunde ani Kirisose, ga dhugunogiy rɛ dib!”

Yohanis 10:30

Anye ko Baba nanu Tumu kanno dhɔnɛ.”

Yohanis 18:37

Na nɔng Bhilatos sɛɛsɛ, “Yee! Noo, dhaa ani Komoru!” Na nɔng yagɛsɛ na sɛɛsɛ, “Ee! Nɔng ngaya sennagɛany Komoruye, seni shɛɛ chi. Nɔng anye bhee bere kìrrittonɛany na kugunɛ baye, kèe kɔ̀ɔbhɛsɛ zugo kumulɔng lɔga ku dhere. Na gee hinnɛ lɔga ku dhereye kumulɔng, lɔga koyokkoni :anyo shikkɛyɔ.”

Yohanis 19:7

Na yɔk yaktɛsɛ na seyɛsɛ, “Agge damiya nayo ihe. Na nɔng damiya nayo ngahirra maya rɛsɔ ke ngaya ojjɛ rɛa nɛnɛ ke Eriya Tumuye.”

Yohanis 19:9

Na wagu doraa nɛnɛ komorumo na ghinu Yesus na sɛɛsɛ, “Ngangaye, inye kuni ori?” Na nɔng Yesus dhuyu go dhɛɛ.

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Yohanis 6:69

Na chɔɔ hunde ani Hira Kullɛna Bere Bɛrraninyi :Tumuye wa kàtaktinyɔ na kɛ̀yɛbhtinyɔ.”

Yohanis 8:25

Na yɔk ghini na seyɛsɛ, “Na ngangaye, inye ani hir inong?” Na nɔng yagɛsɛ na sɛɛsɛ, “Na kèe kani hira bɔɔ taa kudhugunnogungu rɛa nanu hunde kani hir inongge chi.