36 Na koo Yesus ko zuga kɔbhbhɛa nɔng banda na ago bhee kèli Getesemaniya. Na nɔng Yesus sɛɛsɛ zuga kɔbhbhɛa nɔng, “Igge ga tɛldi ngaya hunde anye ngani kɔgɔ ngonu na kallinɛno ko Tumuye.”
Na nɔng sɛyɛ ko rɛna bhe chinyi na dhagɛ rɛ ba ke shura na mumɔ tɔgɔdhɛ ba na alliyɛ ko Tumu na seu, “Babae! Hunde ɔande, isogɛ ngakombita chɔllaunyde bhɛa nanu. Na nɔng any kubhugnyɛsɛ :lɔga sennani :inyo. Ga kesennani :anyo ngabhugnyɛsɛnɛ.”
Na koo wagu sɛgɛn, na alliyɛ ko Tumu na seu, “Baba nanuye! Hunde bhee isogɛ ngakombita chɔllaunyde bhɛa nanu ninggɛ na maya dhaa kamayi ahaye ɛl toyeye, any kete damite sennanɛ :inyoye hung.”
Na nɔng inye hunde allinɛno ko Tumuye, ok doraa nunu toye bhɛa ungusɛi. Na nyɔga tutuk na alliyɛ ko Baba nunu ngakòrroo. Nɔng anna orro chɔɔ lɔga messɛa :zugu dari na ale ɛdhdhɛttanninydɔ.