Matiyos 25:34 - Suri Latin

³⁴ “Na nɔng Komoru ale senɛsɛn gaa ɛlla bhɛa nɛnɛ sɛtɛn, ‘Igge ngagiya bere tuhong :Babaa nanuye, hoya bhaga bhɛa lɔmɛungu :nɛa bere kɔdhdhanɛa bɛrgua ngani kèghendonɛa ba ko mɛa toye na ojjogungu kɔk.

Matiyos 25:34 ပူးပေါင်းရင်းမြစ်များ

Matiyos 13:35

Na hunaa anna ngangaye, lɔga bere yokkono :hira yogɛsɛna zugo lɔga dhugunono :Tumu urruknyɛsɛ. Yɔk ngalɔktonu sennɛ, “Anye ale koyogɛsɛn zugo lɔgɔ na kɛlɛhɛnɛsɛn shɛɛ, na kudhugunɛsɛn lɔga bere munninyana kingi kɔdhdhanɛa bɛrgua bere ngani kèghendonɛa ba ko mɛa toye.”

Matiyos 19:29

Yɔk zukte dhɔttɛ doriyoa gɛ oo gɔynggɛ oo ngɔnigɛ oo choginggɛ oo jugɛ oo erro oo gunya ke bhɛa kɔbhbhɛanyɛa anyeye, ale kɛ̀dhdhɛttan na lɔga gɛ jorronɛ ga bere sabbune jagarɛ kɛngi 100 na chɔɔ kàjjɛ basseya iho dhul.

Matiyos 20:23

Na nɔng sɛɛsɛ, “Yɔk ahaye ale kamayi kombiyɔye, ko igge ale matto chi. Na nɔng inde oy zugo sɛtɛna nanu ko kangitɛna nanuye, anye ngakaniyo. Yɔk ngahandonu a hana kòjjo kɔk na kènno kɛ̀tɛldɛ :zukte bere sennana :Babaa nanuye.”

Matiyos 21:5

“Ga yoktɛsɛ ngahoyta Sioniye na seyɛsɛ, ‘Ga gɔnya! Komoruya nunu a ngandonu lachchana rɛ na kun gɔ̀rrè nunde sigirɔ, na bo woono sigirɔ hoynɛgiyeye.’”

Matiyos 25:21

Na nɔng ɛna senɛsɛn, ‘Dha bɔɔ mesu shɛɛ kɛr! Gaymaya bassa kɛ̀yɛbhbhinyi ani :inyo! Inye wa mesu lɔga chicho muchuga shɛɛ na teu hira kɛ̀yɛbhbhinyi. Na mɛa anye kajjiny buyna allinɛnɛi ahaa bo bibiyo. Na ga wo gɔrra nande na kɛ̀dɛlɛ kari.’

Matiyos 25:23

Na ɛna yagɛsɛn na senɛsɛn, ‘Dha bɔɔ mesu shɛɛ kɛr! Gaymaya bassa kɛ̀yɛbhbhinyi ani :inyo! Inye wa mesu lɔga chicho muchuga shɛɛ na teu hira kɛ̀yɛbhbhinyi. Na mɛa anye kajjiny buyna allinɛnɛi ahaa bo bibiyo. Na ga wo gɔrra nande na kɛ̀dɛlɛ kari.’

Matiyos 25:40

“Na nɔng Komoru ale yagɛsɛn na senɛsɛn, ‘Ga shigitɔ! Nɔng igge huna bere mesɛsɛno ngazukta chichi ku gochonginya ko ngɔnanyaa ganyuye ngalɔkta ɛanɛo zugoye, ngangaye ngalɔktonu messogonyu anye rɛ.’

Matiyos 25:41

“Na ale yogɛsɛn gaa ɛlla bhɛa nɛnɛ kangitɛn na senɛsɛn, ‘Igge ngagiya bere kɔ̀chɔrrungge, bhɛa nanu ngaya ngaɛllo! Ago goa ngadhittinɛnao dhul bere kòjjɛsɛna Moldoy ko zuga ekko :nɛa kɔk.

Matiyos 27:37

Na kɛyaa kìlagɛa nɔng sabba dhaktɛsɛ lɔkte dha bɔɔ kìchilɛ nɔng sennɛ, “Nganda a Komoruya Ayhudhi kèe Yesus.”

Matiyos 3:2

na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa na wakta gɔra nɛnɛ.”

Matiyos 5:19

Na hunde tɔlɔ inde dhɔt ngalɔkta ɛl Damiya Tumuye ga chicho godhe na ngani ngabhɛkko, na chɔɔ madhɛsɛ zug gena na ko yɔk ngabhɛkkɛye, nɔng ale bhɛa zuga lɔmma :Komoruya tumony kòy ke na chinynyo ghasura. Na nɔng inde bhɛk ngalɔkta ɛl Damiya Tumuye kumulɔng na chɔɔ madhɛsɛn zug gena na kɛbhɛgɛte, bhɛa zuga ale lɔmma :Komoruya tumony, nɔng ale kòy ke hira bo.

Markos 10:17

Na Yesus hunaa ngani senno kɔgɔdhay wochinde, hir kona ngea gɔra nɛnɛ na tɔgɔdhɛsɛ kɔmma na sɛɛsɛ, “Ngahirra chal madhdhiyte, ngangaye bhɛa keni kɔ̀jɔyay basseya iho dhul maya kemesi ɔng?”

Markos 10:40

Na nɔng inde oy zugo sɛtɛna nanu ko kangitɛna nanuye, anye ngakaniyo. Nɔng sɛtɛn ko kangitɛna nanu a hana bere kòjjɛsɛna zuga bere sennana :Tumu sabbɔ kɔk.”

Yohanis 1:49

Na sɛɛsɛ :Natinayeli, “Hira Madhdhiy, inye ani eriya Tumu. Na chɔɔ ani Komoruya zuga Isirayeli.”

Yohanis 12:13

Na ibhta anjo nyabha na ago na mɔttɛsɛ Yesus gɔrɔ ga bo yokkɛa lɔgɔ goore na sennɛa, “Hossana!” “Hirre lɔmmana buyna ajjɛa :Komoruyɔ Tumu na kunde, a tuhinɛ!” “Komoruya Isirayeli a tuhinɛ!”

Yohanis 17:24

“Na mɛa Babaye, ngazukta bere ajjanyde keni kɛ̀tɛldo ko anye kari bhɛa kihɛi na kargi dirama nanu bere ajjanyi :inyo ke ngaya bere ibhbhagɛany anye hini huna ba ko tumu ngani kètegenydoayoye.

Yohanis 19:15

Na yɔk yoktɛsɛ Bhilatos lɔgɔ goore na seyɛsɛ, “Ɔgɛ ilaga! Ɔgɛ ilaga! Ilaga so!” Na nɔng ghinu na sɛɛsɛ, “Komoruya nu kìlaga dha?” Na yɔk gɔldangɛa bibiyo doraa Tumu barara yaktɛsɛ na seyɛsɛ, “Agge komoruya nayo a komoruya Rome sɔng, Kona ninggɛ dhul.”

Zuga Kèkko 15:18

Anye Komoruya bere koyogɛsɛni zugo ngalɔkta sabbɔ, keseni nganga.’

Zuga Kèkko 3:26

Na Tumu huna bere ibhbhana hoynɛ sabbɔ na ekkono, bere ittonnogungu igge na kutuhɛung ke ngaya lamanɛung bhɛa lɔga gu gɛrsa na wokkonɛo gɔra nɛnɛye.”

1 Tɛsɛlongke 2:12

Nɔng annaa kali kali kìrishongngu na kìlalungngu na kɔ̀tɔllɔhagungngu na mesigi lɔga hinno :Tumu, Komoruya bere hinnongu na senno kɔtɔlɔmung :nɛa na tɛldi bhɛa nɛnɛ lɔmma diram.

2 Timotiyos 2:12

na hunde kùjjɛsɛn hinisi bɛna na kìnyim lɔga chɔllaunyde, ale kɛ̀l ko nɔng kari na kɔ̀lɔ zugo. Na nɔng hunde kìtimaga nɔngge, ko nɔng ale imaggiy sɛgɛn.

2 Timotiyos 4:8

Na chɔɔ mɛa garchua bo challa ale kɛ̀dhdhɛttanɛanyi ke bhɛa kanɛi hira ridhing ningginɛna, bɔɔ kòytogonyɔ kɔk. Na ale ajjany :Komoruyɔ kala ale kedhdhɛa lɔga zugony kumulɔng. Nɔng a hira ridhing ningginɛna kedhdho lɔgɔ dib. Na chɔɔ ale anye sɔng ngaajjanyo. Ale ajjɛ chɔɔ zukte reyɛ kolea wokkonɛa :nɛaye kumulɔng.

Yaykob 2:5

Ngagochonginyaa ganydeye, ga shiktonyuyɔ! Zuga aha ningginɛna bay ngaya ngayo gee bere bɛrrana :Tumu na kɔtɔlɔmɔ yɛbhaa bo dhandala na kɛsɛrɛ baa bere bhiigɛsɛna zuga ibhɛsɛnɛa nɔng hinisiye?