Matiyos 25:10 - Suri Latin

¹⁰ “Na yɔk hunde chinyi ngani hɛ na se katalda malde, nɔng rori kun dhogoy. Na yɔk gaa ghurghura ɛlla kɔk dhiyɛ ko nɔng kari bhɛa duriyɛa :zugu wololo. Na waran kùnyuk dhogoy.

Matiyos 25:10 ပူးပေါင်းရင်းမြစ်များ

Lɔgɔ Sabba 7:16

Na chɔɔ ahaa bere ghendono ꞉Tumu kumulɔng, ga maya ko ga ngaha kari, annaa tunnukta gonggul damiya bere senɛsɛna ꞉Tumu. Na koo Tumu nyɔgu tutuk.

Matiyos 24:42

Na mɛa igge mɛdhta na tɛldi tunɔ ke ngaya imagɛo kala ale kunɛa :Komoruya nuye.

Matiyos 24:43

Na mɛa ga tunggɛsɛ ngalɔkta keni kòyogogungge na tagatɔ! Nɔng hira ku ɛnaa dori hunde katak kolee kunɛ :ɔgɔrchagiyɔ barɔye, anda i tunɔ na bhɛginɛ na ɔgɔrchagi dori ngabhɔkko.

Matiyos 24:44

Na mɛa ko igge chɛbtɛ na tɛldi kɔk ke ngaya ale Hiri Hoynɛ dhullanɛ dari kolea ngani ɛsɛdhtɛayoye.

Matiyos 25:6

“Na hunaa bho anna bar kɛngɔye, shikkɛ zukte bholollɛ na sennɛ, ‘Roriya kùdureo a ngandonu kunde, na banda mɔyɔyɛ!’

Matiyos 7:21

“Zukte sennaganyɛ, ‘Komoru, Komorue’ kumulɔng ga ale hɛa na lɔmma :Komoruya tumony ngayo. Na yɔk gee ale hɛ na lɔ :nɛaye, a gee messɛ lɔga hinno :Babaa nanu iho tumɔye.

2 Timotiyos 4:8

Na chɔɔ mɛa garchua bo challa ale kɛ̀dhdhɛttanɛanyi ke bhɛa kanɛi hira ridhing ningginɛna, bɔɔ kòytogonyɔ kɔk. Na ale ajjany :Komoruyɔ kala ale kedhdhɛa lɔga zugony kumulɔng. Nɔng a hira ridhing ningginɛna kedhdho lɔgɔ dib. Na chɔɔ ale anye sɔng ngaajjanyo. Ale ajjɛ chɔɔ zukte reyɛ kolea wokkonɛa :nɛaye kumulɔng.